shadow
Diocese de Dili > NOTÍCIAS > Notícias > Paróquia Comoro Comemora Aniversário ba dala 24

Paróquia Comoro Comemora Aniversário ba dala 24

(ITE) Terça foin lais nee (24/05/2016), nuudar loron celebração aniversário Paróquia Maria Auxiliadora Dos Cristão Comoro ba dala 24. Comemoração nee hahu ho proceição nebe halao iha loron 23 fulan Maio Lorokraik sarani Paróquia Comoro halo proceição hodi Ilas mahein Paróquia Comoro Nossa Senhora Maria Auxiliadora Dos Cristão lao fo volta sarani parte Comoro nian hahu husi Rotunda Nicolau Lobato too iha parte Tasi Tolu nian, nunee realiza mos Sacramento sira hanesan Batismo iha Tasi Tolu. Hafoin dader Madrugada sarani sira acompanha hikas Ilas Padroeira Maria Auxiliadora fila hikas ba iha uma mahan Paróquia Comoro. Relaciona ho existência Paróquia Comoro nian ba dala 24, iha Paróquia cria mos Sacramento Batismo, Primeira Cominhão no Matrimónio iha festa Padroeira nian. Pároco Comoro Padre Elias de Deus iha hateten ba Jornalista sira relaciona ho Festa Padroeira Paróquia Comoro nian katak: Ohin hanesan evento importante tebs mai ami Paróquia Comoro basá ami celebra tinan ida tan existência Paróquia Maria Auxiliadora comoro ba dala 24. Ita hatene katak Nain Feto iha títlo oioin, maibe kona ba títlo Maria auxiliadora ba ami Salesiano sira loron 24 fulan Maio especial tebes basá ami nia fundador Congregação Salesiano Dom Bosco foti Inan Maria auxiliadora nuudar nia inan liu husi nia Intervenção sira. Tan nee ohin loron ami Padres, Madres no sarani tomak celebra loron ida ohin nuudar festa Maria Auxiliadora nian, ao mesmo tempo nuudar mos mahein ba Paóquia Comoro. Padre Pároco hatutan tan katak: Actividade nebe tinan nee ami cria hau bele dehan katak actividade kona ba desportiva nian laiha, maibe ami so cria deit actividade Espirtual nian hanesan ami organiza Novena no reza terço cada bairo, grupo de Oração sira, halo proceição lori Ilas Maria Auxiliadora nian husi Paróquia ba iha Tasi Tolu hodi halo velada, prepara Sacramento sira. Iha loron 24 fulan Maio dader ami halo hikas proceição mai iha Paróquia hodi celebra missa ba evento importante festa Maria Auxiliadora nian. além de Sacramento Batismo iha mos Sacramento sira seluk mak hanesan Primeira Cominhão no sacramento Matrimónio. Além nee, Paróquia hanoin halo mos acção da graça hodi fo ajuda ba ema kbiit laek sira. Contribuição hirak nebe Paróquia halo ba ema kbiit laek sira no mos actividade sira hanesan Pastoral ba kabenain sira no visita moras sira.

Jesuinha Gomes hanesan membro Conselho Pastoral Paróquia Comoro nian hatoo nia sentimento ksolok relaciona ho Solenidade Maria Auxiliadora nian nebe Paróquia Comoro foti hanesan mahein ba Paróquia Comoro. Tan nee nia hateten: loron ida ohin nuudar loron importante tebes mai ami Paróquia Comoro basá celebra tan tinan ida ami nia existência Paróquia ida nee. nee laos deit ami Paróquia Comoro mak celebra deit Solenidade Maria Auxiliadora nian, maibe Igreja Universal iha mundo celebra Solenidade ida nee. hau sente orgulho tebtebes basá sarani sira apoio malu nodi hamutuk ho secções sira iha Paróquia nee nian liuliu hamutuk ho Padre Pároco hodi realiza festa ida nee. nia hatutan tan katak: iha festa ida nee ami nuudar Concelho la cria festa boot, maibe cria deit almoço com fraternização ida hamutuk ho Padres, Madres, sarani sira liuliu ba pares Casais nain 29 nebe ohin simu Sacramento Matrimónio. (C/A)     

Leave a Reply

Your email address will not be published. Required fields are marked *