shadow
Diocese de Dili > NOTÍCIAS > Notícias > Bíblia Sai Hanesan Companheiro da Vida

Bíblia Sai Hanesan Companheiro da Vida

DCDD – Diocese Dili hili tinan ida nee nudar tinan Bíblia nian hodi fo tada ba sarani sira hotu katak; Bíblia Maromak Nia Liafuan. Ema nebé la conhece Bíblia automaticamente la hatene Maromak nia liafuan no ema nebe la Le’e Bíblia, nia labele comprende liu tan kona ba Fiar ida nebe nia fiar ba. Tan ne’e, “Buka nafatin atu Bíblia bele sai nu’udar ita nia companheiro da vida, atu tulun ita no ita consulta nafatin wainhira ita sente dilema, atu nune’e Bíblia bele orienta ita iha passo moris nian”, haktuir Dom Virgilio do Carmo da Silva ba formantes Sagrada Bíblia iha Salão Paroquial Balide (09/03)

Dom Virgilio reforsa tan katak: Ha’u louva tebes equipa ida nebé servisu makas atu materializa no concretiza curso ida ne’e. Ha’u mos hatene katak; amo sira, mestre sira nebé hola parte iha equipa ida ne’e, sira mos iha servisu barak hanesan iha sira nia kna’ar bain-bain ninian maske barak, maibé, sira fó biban nafatin ba iha formação ida ne’e.

Wainhira formação Bíblia ne’e hahu de’it ho ema nain 6 ou 7 de’it, maibé, antes atu remata hamutuk nain 20 resin. Maibé, ba grupo ida ne’e ka segundo grupo hahu ho ema nain 42 no remata mos ho ema nain 42. Ne’e significa iha mudança iha participante sira. Entre participantes sira nebé tuir curso, tuir imformação nebé ha’u rona katak; entre formantes sira iha balu nebé halo duni opção katak; formantes sira opta ba ida ne’e hodi husik duni servisu nebé essencial nian hanesan; actividade diária nian hodi fó biban tomak ba de’it formação Bíblia durante loron 10 nia laran. Ida ne’e sai nudar história ida iha ninia moris. Ne’e duni, agradece ba imi nia esforso tomak.

Dom Virgilio sublinha tan katak: Durante loron hirak ne’e, imi rona buat barak no simu ona buat barak hanesan uluk ha’u dehan iha abertura: “Saida mak ha’u sei lori ba sarani sira no saida mak ha’u aprende durante loron hirak ne’e e durante loron hirak ne’e saida mak transforma ha’u nia vida”. Formação hirak ne’e kapáz no bele muda bu’at ruma iha ó nia moris ka lae? Sê formação hirak ne’e mak kona ita ida-idak nia vida pessoal, ha’u hanoin buat sei sai mais efetivo no eficaz liu tan iha aban bain-rua. Tan ne’e, Imi rasik mak tenki halo mudança uluk iha imi nia hanoin, imi nia haré no imi nia compreensão kona ba Maromak Nia Lia-fuan.

 

Dom Virgilio hatutan tan katak: Ha’u hanoin katak loron 10 ne’e laos barak, maibé, bele halo ona passo ruma ou ação ruma iha imi nia vida. Depois buat nebé tuir mai mak saida mak imi sei lori ba sarani sira. Papa durante semana ida ne’e, nia halo comparação ida hodi dehan: “Ita precisa fila fali nafatin ba iha Bíblia, compara ita nia Bíblia hanesan ita nia telemovel”. Sê ita hakarak hatene Bíblia ne’e, Bíblia ne’e tenki tau nafatin iha ita nia sorin, atu ita fiar nafatin, consulta nafatin hanesan iha Evangelho sira dehan: Ita la moris de’it ho aihan maibé, ho lia-fuan. Tan ne’e, Santo Padre dehan: sê ita hakarak halo mudança iha ita nia vida, Bíblia ita tenki lori nafatin no lê nafatin atu nune’e bele halo mudança ba ita nia moris.

Sorin seluk Pe. Juvito Rego de Jesus Araujo Vigário ba Assunto Pastoral Diocese Dili nian imforma mos katak: Formação ida nebé grupo primeiro no segundo hetan ona, ita bolu primeiro etapa no sei iha tan segundo no terseira etapa nian. Nebé durante tinan tomak ne’e ema hirak nebé iha primeiro etapa hetan ona formação ne’e sei nafatin continua formação Bíblia nian, atu ita hein katak; molok tinan ida ne’e remata, ita iha netik ona fini diak ruma iha Paróquia sira atu hahu hamoris laran ema nian ba Maromak Nia Futar Lia-Fuan.

Pe. Juvito reforsa tan katak: Agradece ba Amo Bispo nebé fó biban ba Diocese ida ne’e atu reflecte kona ba Maromak Nia Futar Lia-Fuan durante tinan ida nia laran. Biban ida maka equipa Pastoral nebé Amo Bispo rasik mak comvida atu harí insintiva maluk agente Pastoral housi Paróquia Diocese Dili nian nebé primeiro grupo hala’o tiha ona iha fulan kotuk, agora ida ne’e segundo grupo. Hein katak tinan ida ne’e tomak ita indica nafatin ba Sagrada Escritura, atu ita hotu bele fila hikas fali ba wê matan nebé suli housi Cristo nia domin rohan laek mai ita hotu-hotu iha Creda ida nebé domin conserva nafatin ba Maromak Nia Futar Lia-Fuan no fahe tutan ba ema hotu Maromak nia domin rohan laek.

Pe. Juvito hatutan tan katak: Agradece ba Amu Pároco sira hotu nebé hakarak colabora hodi partisipa no haruka sira nia menbro sira masque balu dificil teb-tebes atu husik mai hanesan bukae nebé buka la hetan hanesan grupo primeiro nebé mai ho deit ema 20, maibé iha segundo grupo hahu aumenta ema 40 ital. Tamba ne’e ami espera katak ba oin, formação ida ne’e sei lao lai masque ita hare katak intensidade formação ida ne’e nian no seriadade amo Bispo hanoin katak ita halo formação ida ne’e sai hanesan hahi nian ida, atu formação ne’e bele transforma nafatin agente Pastoral sira housi Paróquia.

Biban hanesan representante agente nebé tuir formação ne’e hateten: Em nome colega participantes hakarak agradece ba equipa formadores sira hanesan: Pe. Juvito, Pe. Violanto, Pe. Mauzinho, Mestre Marçal, Mestre Amandio no Mestre Adérito nebé durante loron 10 nia laran, ho sira nia sacrifício tomak, domin tomak no sira nia matenek nebé fahe mai ami no lakon sira nia tempo hodi fó formação mai ami, maske ami balun sente kolen, oin toos, maibé, to’o duni nia rohan buat hotu lao ho di’ak. Ba Maromak Nia Futar Lia-fuan, bu’at hotu sei sai kmanek.

Representante ne’e mos esplica katak: Iha formação ida nee nia laran halo ami atu hatene klean liu tan kona ba Maromak nia lia fuan nebe nia tatoli  liu housi apóstolo sira hodi haklaken Nia lian sira. Formação Ida ne’e sai hensan vantagem boot ida mai ami hotu nebé mai tuir iha formação tamba liu housi formação ami conhece no hatene diak liu tan kona ba Maromak. (C/a)

Leave a Reply

Your email address will not be published. Required fields are marked *