shadow
Diocese de Dili > NOTÍCIAS > Notícias > “CARITAS CHRISTI URGET NOS” (Cristo Nia Caridade Mak Obriga Ita)

“CARITAS CHRISTI URGET NOS” (Cristo Nia Caridade Mak Obriga Ita)

DCDD – Caritas Christi Urget Nos (Cristo Nia Caridade Mak Obriga Ita) sai hanesan motto ba Sagração Bispo Virgilio do Carmo da Silva. Liu housi Motto ”Caritas Christi Urget Nos” (Cristo Nia Caridade mak obriga ita) durante ne’e inspira ha’u nia moris no liu-liu nudar Amo Lulik. Hanesan buat nebé São João dehan: “Maromak nia domin housi kedas ona Mundo hahu to’o ohin loron, masque ema housi tempo ba tempo, constantemento manifesta ita infendelidade ba Maromak, maibé, Maromak nia domin hetok makas nafatin ba nia povo.

Maromak Continua purifica ita atu soi duni, sai nia oan doben, ita lae experência Maromak nebé dook housi ita, ao contrário Nia ida nebé lao hamutuk nafatin ho ita iha ita nia história to’o ohin loron. Nune’e mos ita consciente katak, housi domin mak ita mai iha mundo ida ne’e mak ita ema nia natureza. nee duni ema hotu katak iha funa atu hadomi, so iha ne’e nia bele hetan perfeição, nia bele realiza nia-an. Ikus mai ita bele compriende São Paulo nia lia-fuan nebé dehan: “Cristo nia Caridade mak obriga ita”. Ne’e duni, atu halo diak ka atu hadomi, laos tamba ona questão ka dilema ida, maibé, obrigação ida, laos mos opção.

Nu’udar ita ema sa tan ita sarani, wainhira ita hadomi, certamente ita halo buat nebé los hanesan Santo Agustinho dehan: “Hadomi no halo buat nebe o hakarak”. São Paulo wainhira koalia kona ba Caridade, nia mos sublinha valor sira seluk:Justiça no Lia Los. Caridade la haksolok ho injustiça, maibé, caridade haksolok ho lia los. Caritas Christi Urget Nos, São Paulo rasik molok to’o iha conclusão ida nee, nia rasik conciente kona ba  motivção sira nebé obriga nia, atu halo viagem daruak ne’e iha macedónia. Nia la hare razão nebé prevalece, duque Maromak nia domin nebé hanesan ahi nebé sunu nia. Pessoalmente lia-fuan hirak mak durante nee inspira ha’u iha ha’u nia moris liu-liu nudar Amo lulik. Tan ne’e, ha’u hakarak convida mos sarani sira hotu liu-liu sarani Diocese Dili nian, iha momento ida ne’e, iha nebé Diocese Dili hahu nia História foun ho nia Amo Bispo Foun, mai ita husik anin foun ida ne’e nudar princípio ida, atu orienta Pastoral Diocese Dili nian no sarani sira mos haktuir tan katak: iha momentu ida ne’e, nebé sociedade iha tendéncia ba materalismo, Hedonismo, Individualismo no grupismo. situação ne’e, dala barak halo ita sai atan no halo ita moris la hakmatek no moris ne’e la contente, laiha satisfção tamba isin kan nafatin ba buat nebé diak liu iha mundo ida ne’e. housi ne’e bele hamosu perigo boot liu tan, wainhira ita redus buat hirak nebé absoluto ba relative katak; buat hirak nebé iha folin as no kmook, depende de’it ba ita ema nia hare. Ha’u convencido katak; wainhira caridade nebé los katak; Cristo nian mak motiva duni ita nia moris no ita nia actividade oin-oin iha rai doben ida nee, sei lori duni diferência ba ita nia Creda no ba ita nia nação.

Sinceramente ha’u sidauk fo sai plano nebe diak ho razão nebe simples: Diocese Dili laos Diocese foun. Ida ne’e mak significa iha nia história no iha tradição, nune’e mos sai hanesan Diocese Inan ba Diocese Baucau no Maliana. Hau sei Continua buat nebé, hau nia predessor sira hatur ona iha ne’e, hodi buka oinsa para atu bele promove Cominhão iha Creda, nune’e bele fó sasin kona ba Jesus nia moris hias iha ita nia Sociedade Nu’udar saseluk Apóstolo sira nian. Tan buat nebé atan ha’u inicia hodi buka conhece, atu Comprende didiak plano nebé ha’u nia precessor sira hahu ona ho sarani sira liu-liu Amo lulik Diocese Dili nian. Liu housi dicernimento hamutuk mak foin bele hakotu plano pastoral nebé diak ba sarani Diocese ida ne’e nian. Wainhira iha formação nebé sólido mak sei garante fiar no Cultura sira tadicionais nian, nune’e mos moderno. Cooperação mútua ho Estado RDTL nian, hodi promove liberdade no Justiça iha Nação ida nee atu bele garante paz no estabilidade. Nunee mos Promove Economismo atu bele haburas harmonia entre Religião sira iha rai laran no mos explora Possibilidade sira seluk atu fó mos atenção ba grupo hirak nebé sei hela iha márgens. Ida ne’e mak buat nebé ha’u koko atu mehi iha tempo hirak ne’e no maneira oinsa mak atu bele implementa sei egige ita hotu nia colaboração no sacrifício.

Leave a Reply

Your email address will not be published. Required fields are marked *