shadow
Diocese de Dili > NOTÍCIAS > Notícias > Pe. Herminio : Labele Uja Ema Seluk Nia Fraqueza Atu Sai Fali Hanesan Campanha

Pe. Herminio : Labele Uja Ema Seluk Nia Fraqueza Atu Sai Fali Hanesan Campanha

DCDD – Lia hirak ne’e, Director Comissão Justiça e Paz Pe. Hermino de Fátima Gonçalves hato’o relaciona ho Campanha Candidato Presidencial sira nian nebé realiza iha Timor Laran, iha nia kna’ar fatin Vila Verde Dili. Pe. Herminio Hateten: sira nia linguagem ne’e ladun kroat liu maibé, sei iha ida rua nebé sei nafatin linguagem balu ita bele dehan katak; labele uja tamba sira uja fali ema seluk nia fraqueza atu bele sai fali hanesan Campanha. Maibé, nia valor ne’e la boot hanesan tinan lima liu ba no tinan sanulu liu ba, tamba tinan sanulu liu ba, nia tantangan nebé mak Candidato sira candidata sira nia-an ba posição Presidencial ne’e iha tantangan nebé mak boot, tamba ema sira ne’e mesak  jigante hotu de’it, maibé, agora ita hare jigante ne’e menus, ladun iha, iha pawer ne’e iha, maibé, ema nain rua de’it mak iha pawer tuir ita hare housi campanha nebé participação povu sira nian iha fatin-fatin. Ita bele considera de’it katak; candidato Sr. Francisco Guteres “Lú-Olo” no candidato Sr. António da Conceição “Kalohan” mak ita hare ema barak.

Pe. Herminio Sublinha tan katak: Candidato Sr. Francisco Guteres “Lú-Olo” no candidato Sr. António da Conceição “Kalohan” nia posição mai hotu housi Partido, la hanesan Comissão sira uluk no Presidente sira uluk nebé mai housi Independente, maske Partido mak Candidato sira, maibé, sira laos Partido ninian hanesan; Sr. Xanana iha tempo 2002 nian mos iha 2007, Sr. Ramos Horta ninian mos Independente, ba fali iha Sr. Taur ninian mos nia housi Independente. Tinan ida ne’e, Candidato mai housi partido no hirak nebé Independente ne’e ema ladun pawer no ita hare katak; sira nia campanha mos participação housi apoiantes la dun barak no ita bele dehan katak; sira nia competição ne’e ladun boot, wainhira hasoru candidato sira seluk hanesan Sr. Lu-Olo no Sr. António.

Pe. Herminio mos hatutan tan katak: ita hare ita ninia campanha ba ohin loron, trata malu ladun iha, maibé, ita sempre dehan nafatin ba sira candidato katak; respeita malu atu nasaun ne’e bele hamrik ona ho Dame no Paz nebé ita hotu espera. Ha’u hanoin sira nebé mak candidata-an ne’e mos hakarak Timor Dame. Nebé campanha hela loron rua de’it ona atu remata, iha risco ou problema balu nebé primeiro dia acontece iha Tasi-Tolu, maibé seluk ba ne’e laiha to agora. Ita compara ida campanha tinan ida ne’e aman liu no diak liu campanha sira nebé tinan uluk 2012 no 2017 la hanesan ona katak; candidato no nia apoiantes sira iha consiênsi nebé mak diak. Tan ne’e, ba Candidato no apoiantes sira katak: buka nafatin atu respeita valores no valores Humanismo sira nebé mak sira hatene no sira tenke tuir buat nebé mak CNE plano no Fó. (A/c)

Leave a Reply

Your email address will not be published. Required fields are marked *