shadow
Diocese de Dili > NOTÍCIAS > Notícias > HAU LAKON IHA COMPETIÇÃO, MAIBE LA LAKON HANESAN TIMOROAN

HAU LAKON IHA COMPETIÇÃO, MAIBE LA LAKON HANESAN TIMOROAN

DCDD – Depois de liu tiha eleição presidencial període 2017-2022, nebe timoroan tomak manifesta sira nia direito iha loron 20 de Março tinan ne’e, povo Timor fo fiar ba Dr. Francisco Guterres “Lu-Olo” mak eleito nudar Presidente da República període 2017-2022. Hare husi resultado ne’e, candidatura PR Independente, Luis Alves Tilman “Mauhunu” confessa ba ITE iha ninia residência Gleno, 22/03/2017, katak nia hakru’uk ba decisão hotu no aprecia tebes ho serviço STAE no CNE nian ho péritos sira nebe serviço ho inparcialidade tebes iha processo eleição ne’e.

“Hau fo apreciação ba STAE hanesan equipa técnico nebe produz buat hotu, agradeçe mos ba presidente CNE no comissários CNE iha teritório Timor Leste laran tomak no liderança tomak katak hau simu legitimidade ida ne’e”, tenik Luis. Nia hatutan tan katak resultado eleição tinan ida ne’e lao diak tebes basa entidades hotu participa, nune’e hanesan timoroan, hau hakru’uk ba Presidente eleito basa resultado ne’e mai husi povo. Luis afirma tan katak hau lakon iha competição maibe la lakon hanesan timoroan. “Hau lakona iha competição ba Presidente da República, maibe hau la lakon hau nia direito hanesan timoroan ba rai ida ne’e, dehan Luis Alves. Nia mos hatutan tan katak ita labele hamosu dúvida no descomfia ba malu, se lae rai ne’e la lao ba oin. Nune’e ho honestidade no simplecidade tomak, Luis Alves Tilman dehan, se deit ba eleito ba Presidente da República, Presidente ba ema hotu, ba timoroan tomak importante mak labele centraliza ema hotu ba iha partidarismo. “Importante mak presidente eleito labele centraliza, povo ne’e ba iha multipartidaria, tem que tau povo ne’e hanesan timoroan”, afirma Mauhunu. Candidato Presidente da República Independente, Luis Alves Tilman, ocupa iha posição lima entre candidaturas nain 8. Nune’e, ho portcento nebe candidatura ne’e, hetan iha eleicão presidencial periode 2017-2022 ne’e, sei encoraja nia atu recandidata an tan ou lae iha període tuir mai ou lae. Hatan ba  ida ne’e, Luis Alves dehan primeiro, nia lori kangku ba fa’an, tuir fali nia fa’an modo muitn, ikus liu nia dudu carisa. “Iha periode 2017-2022 ne’e, hau lori kangku ba fa’an, maibe iha període 2022-2027, hau tem que lori fali modo mutin ba fa’an, enquanto iha fali 2027-2032, hau dudu fali carosa ba fa’an”, dehan Luis Alves Tilman. Nia explica liu tan katak iha 2027-2032 hau quando dudu carosa ba fa’an, ne’e significa hau tem que sai Presidente da República, ne’e mak hau nia mehi. Nia aumenta tan se iha 2022-2027 atu recandidata an ka lae, ne’e laos problema, maibe se mak hakarak atu candidata an ba Presidente da República, ne’e nia direito. Atu remata, Luis Alves Tilman “Mauhunu”, mos hatoo agradeçe ba timoroan hotu-hotu nebe fo ona apoio ba nia iha eleição dia 20 de Março ne’e. Ho nune’e, candidatura ne’e mos husu ba ema hotu atu iha fuan bot hodi moris iha unidade no hakmatek, nune’e fo fiar tomak ba iha Presidente República eleito, atu tau matan ba povo ninia moris no lori rai ida ne’e ba moris diak. (N)

 

Leave a Reply

Your email address will not be published. Required fields are marked *