shadow
Diocese de Dili > NOTÍCIAS > Notícias > Pe. Juvito Rego : Timor Ne’e Hanesan Fatin Espetacular

Pe. Juvito Rego : Timor Ne’e Hanesan Fatin Espetacular

DCDD – Lia hirak ne’e Pe. Juvito Rego, Vigário assunto Pastoral Diocese Dilinia questiona wainhira participa iha debate Candidato Presidencial nebé realiza iha edifício CNE Vila Verde Dili. Pe. Juvito iha ninia intervenção hateten: ita precisa cria Timor ne’e hanesan fatin ida nebé espetacular atu ema hotu-hotu bele hare política ne’e iha valor, aprecia no gosta atu halo política e laos halo política ne’e hodi halo ema sente tauk fali, tenik Pe. Juvito Rego iha Salão CNE Vila Verde Dili (17/03/2017)

Pe. Juvito Rego mos ho apreciação hateten katak: Ita hare ohin debate buat hotu lao ho diak, laiha ataca malu, maibé, ida-idak fo nia opinião no paracer, nee ita dehan katak ambiente Democrático ida nebé ita começa hakiak no ida ne’e educação diak. Ita hare iha campanha ida nebé ba hodi mal trata malu ita ladun rona ikus nee, masque sei iha ida rua, maibé, ita dehan katak laos hanesan iha tinan hirak liu ba hahu 2005 mai, maibé, agora ita dehan katak to’o ona iha maturidade ida e povo rasik iha ona. Ita hare campanha sira haklalak ba mai, maibé, la provoca situação ida katak; ema ida-idak lao iha neba sira sai hare deit hanesan espetáculo e ha’u hanoin ita percisa cria Timor ne’e hanesan fatin ida atu ema hotu-hotu hare política ne’e iha hodi fo valor, apressia no gosta atu halo política e laos halo política hodi hatauk ema. Candidato sira ida-idak apresenta sira nian an, expoint sira nia-an ho sira nia visão, sira nia prespectiva no sira nia espectativa katak depois povo mak hatene no povo mak hili.

Relaciona ho sesé deit mak sai nudar Chefe do Estado nação ida nian Pe. Juvito sublinha katak: Candidato ida nebé povo hili tamba Povo fo fiar ida ne’e mak los e entre Candidato hirak ne’e sira mesak Timor nia oan deit, se deit mak povo tau fiar hodi hili nudar Chefe Estado, nia merece respeito povo tomak Timor nian no ema ida nebe hamrik iha leten no ema ida nebé labele iha opção, sai nudar Chefe Estado nia tenke iha ba hotu-hotu no hotu-hotu iha ba nia.

Ho debate refere Pe. Juvito imforma katak: Ida nee ita dehan katak formalidade ida atu expoin, maibé, ne’e formalidade ida nebé sidauk máximo significa labele expoin ema ao máximo tamba ho minuto rua, ho oras rua nia laran atu tau ema ida nia valor moris nian nee iha deit ida ne’e, buat barak nee ita hare katak, ita labele expoin, maibe entretanto nee oportunidade ida. Nee hau hanoin katak ema nebe intende no polítca diak hau fiar katak ita nia povo nee povo político ida, povo ida nebé ida nebé iha nia maneira rasik atu fo no valoriza candidato sira. Ha’u hein katak jogo ida nebé Justo no Fer ne’e, atu hamoris liu tan Democracia. (A)

Leave a Reply

Your email address will not be published. Required fields are marked *