shadow
Diocese de Dili > NOTÍCIAS > Notícias > Processo no Procedimento Apuramento Nacional

Processo no Procedimento Apuramento Nacional

DCDD – Iha Quinta Feira, 23 de Março tinan ne’e, Comissão Nacional de Elições (CNE), halo apuramento nacional ba boletin de votus nulu no reclamado sira, nebe mai husi Município sira, nune’e mos diápora (Portugal no Australia). Processo Apuramento Nacional ne’e, atu halo análiza ba queixa ho reclamação sira nebe iha, durante eleição. loke direitamente husi Presidente CNE, Dr. Alcino de Araujo Barris, iha salão CNE, Colmera Dili, 23/03/2017.

Iha abertura ba Apuramento Nacional ne’e, Presidente CNE, Dr. Alcino de Araujo Barris dehan apuramento ne’e, nudar fase ikus molok haruka ba Tribunal. “Apuramento Nacional ne’e, hanesan fase ida ikus, molok hatoo ba Tribunal de Recurso hodi halo validação no proclamação, tenik Presidente CNE ne’e. Nia hatutan tan katak tamba ne’e, ita hotu tem que cumpri ninia procedimento no conduta sira.

Procedimento Apuramento Nacional

Base legal

  • Lei número 2/2017 art. 56, “CNE simu acta apuramento municipal ho apuramento estrangeiro, procede iha horas 72, hodi comfere acta sira husi municipio ho estrangeiro no foti decisão definitive ba bulletin de voto reclamado ho reclamação sira”.
  • Decreto Governo 7/2017 art. 49, “Iha praso máximo horas 72, depois de simu acta sira husi apuramento rejional, municipal ho estrangeiro, CNE procede apuramento nacional, comfere acta, decide bulletin de voto reclamado karik iha no reclamação sira nebe apresenta”.
  • Lei número 7/2016 art. 8.e, “Elabora no haruka ba Supremo Tribunal de Justiça (STJ), acta provisório resultado nacional hodi hetan validade no pública resultado definitive husi eleição geral”.

Material iha  Apuramento Nacional

Tuir Decreto do Governo número 7/2017 art. 48.16 material sira nebeCNE simu maka:

  1. Urna (Caixa) ho selu numérico. Urna (caixa) ida ne’e nia laran tem que iha, acta original husi centro votação ida-idak, ho ordenação comforme lista de ordem centro votação iha municipio nian.
  2. Acta ida husi municipio ida-idak (acta apuramento municipio);
  3. Envelope ida selado ho identificação ho voto reclamado mak mosu iha tempo contagem de voto
  4. Envelope ida ho formulário reclamação iha nia laran ho reclamação konaba contagem de votos iha centro de votação ka iha apuramento municpio.

Praso ba Apuramento Nacional

  • Operação Apuramento Nacional tem que remata iha tempo semana ida nia laran, no CNE tem que prepara acta Apuramento Nacional provisório hodi taka iha nia sede nacional ho cópia ba STAE no órgão Comunicação Social Nacional sira.
  • CNE decide kedas processo Apuramento Nacional nian sei hahu bainhira material hot0hotu husi municipio tama iha salão Apuramento, iha Colmera. Ne’e, importante tebes hodi assegura justiça no imparcialidade loos iha processo laran, atu evita fo sai resultado cada municipio antes resultado nacional nian atu halo tuir konaba tempo semana ida mak CNE tem que fo sai nia resultado operação Apuramento Nacional.
  • Processo Apuramento Nacional ba eleição Presidencial, sei halao tuir ordem alfabética husi municipio sira, hahu husi municipio Aileu no too municipio Viqueque no ikus liu ba acta husi Estrangeiro (Australia no Portugal).

Equipa de verificação ba acta husi municipio sira no diáspora

Equipa de verificação ba acta sira nebe mai husi municipio sira no mos diáspora, fahe ba equipa 5; equipa primeira ou Mesa 1, sei halo verificação ba contéudo no regista acta husi centro votação sira nian, karik iha reclamação ou boletin de votos reclamados sira; Mesa 2, sei halo verificação descripância númerica ba acta sira; Mesa 3, sei halo verificação ba boletin de votos reclamados sira; Mesa 4, sei halo control de qualidade ba acta sira no ikus liu Mesa 5, equipa IT. Análiza queixa ho reclamação sira nebe iha durante eleição no decide tuir base legal sira no hetan apreciação husi Presidente CNE, Vice Presidente, Secretário no ho Comissário sira. Tuir horário no turno Apuramento Nacional nian katak total hóras ba Apuramento Nacional nian, cada loron iha hóras 16. Hóras Apuramneto sei hahu iha tuku 08:00 dader too 24:00. Processo Apuramento ne’e, iha turno 4, cada turno sei halo serviço durante horas 4 nia laran. Nune’e, tuir observação katak hahu iha tuku 10 too meiodia ne’e, Aileu nian remata ona no sei continua tuir Ainaro too remata.

Leave a Reply

Your email address will not be published. Required fields are marked *