shadow
Diocese de Dili > NOTÍCIAS > Notícias > OIPAS NIA OBSERVAÇÃO KONA BA ELEIÇÃO PRESIDENCIAL

OIPAS NIA OBSERVAÇÃO KONA BA ELEIÇÃO PRESIDENCIAL

COMFERÊNCIA EPISCOPAL  TIMORENSE (CET)

OBSERVATÓRIO DA IGREJA PARA ASSUNTOS SOCIAIS (OIPAS)

Casa São Domingos, Rua Catedral Vila Verde, Dili

  1. Introdução

Ami nia parabens ba povo Timor-Leste tomak nebé participa iha loron eleição Prezidencial iha loron 20  março be liu dadaun ona atu bele suporta democracia no haburas processo eleição nebé kmanek iha ita rai doben ida ne’e.

Ami nia parabens ba Candidato nain 8 no sira nia apoiantes sira nebé hatudu sira nia hahalok diak hodi haburas ambiente hakmatek hahu housi campanha, iha loron Votação, Contagem no Apuramento tomak. Maski ami mos hare iha violência iha fatin balu. OIPAS hein katak clima ne’e mak ita sei haburas to’o processo eleição Parlamento nian.

Parabens ba STAE no CNE nebé prepara votante sira liu housi educação Cívica, educação votante liu housi dalan oin-oin. No mos ba STAE nebé Prepara Oficial sira eleição nian, Cartão Acreditação ba Observador sira nacional no Internacional no servisu seluk-seluk tan. Maski ema balun soe ba Organização rua ne’e nia responsabilidade wainhira haré katak ema barak la vota. Maibé, ami haré katak sira halo ona sira nia kna’ar diak, tamba ne’e ba dala uluk sira organiza mesak ita nia eleição.

  1. OIPAS nia Identidade

Organização ne’e hahu ho KOMEG (COLIGAÇÃO MONITORIZÃO BA ELEIÇÃO GERAL), iha eleição geral 2007, nebé halibur organização 15. Ho experiência be ami iha ho coligação ne’e, ida-idak mai ho nia interesse, ne’e duni dala barak liu custa atu servisu hamutuk. No mos ho recomendação Observador Comunidade Europeia no sira seluk nian atu bele lori ba oin organização ida ho carácter hanesan ne’e (KOMEG), iha 2008, ami koalia ho Bispo sira atu haré possibilidade hodi hari rasik organização ida. Nune’e hanoin-hanoin, Dom Basílio do Nacimento tau tiha naran OIPAS (OBSEVATÓRIO DA IGREJA PARA OS ASSUNTOS SOCIAIS). Maski organizão ne’e Creda Católica nian, Bispo sira mak nu’udar ulun (CET), maibé, ita nakloke hodi convida ita nia maluk sira housi religão sira seluk (Protestante no Islam) tama iha laran, nu’udar Staff iha Secretaria, Coordenador no observador. No ba Observador sira mos, iha recrutamento ami haka’as an atu cria equilíbrio mane no feto, maski dala ruma iha fatin balun feto barak liu eh mane barak liu.

Iha eleição ida ne’e (2017), OIPAS tau Coordenador Sub-Distrito hamutuk nain 65 nebe monitor tiha ona campanha iha municipal sanulu (10). No iha loron Eleição ami aumenta tan Observador nain 200 nebé marca presença iha sub- distrito tomak. Ami tau de’it iha Centro Votação balun, tamba ami nia kbiit la to’o atu bele taka Centro votação tomak. Ami nia atenção ba liu fatin sira be Observador sira seluk eh Fiskais sira housi Candidato Presidente sira nia balun labele to’o. Ami mos tau iha Secretariado Jovem Voluntário hamutuk (52) ho Laptop (13) atu halo Contacto diretu ho Observador sira iha terenu atu bele simu imformação sira, atu ami mos halo nafatin ami nia conferência Imprensa dala tolu (Loke Centro votação; Votação no taka centro Votação) no mos iha loron 21 (Contágem) nebe naran “Calling Center”.

  1. Ami nia observação

3.1. Tempo Campanha

Tempo campanha hahu iha loron tolu fulan Março 2017 no iha lorokraik, iha violência iha Raikotu, besik Aeroporto Internacional Nicolao Lobato, maibé, hare didiak, sentimento ódio ne’e iha tiha ona. Maibé, iha Timor laran tomak processo Campanha ne’e lao ho diak ho hakmatek. Candidato nain 8 ho nia grupo sucesso mos buka atu haburas ambiente diak ida liu housi sira nia matéria Campanha. Iha Distrito balun, Partido sira halo Pacto Unidade atu haburas clima ida-diak no hakmatek iha processo Eleição tomak.

Tipo Campanha oin tolu: Campanha aberta tuir dadus sira nebé ami simu ona: 33 (39,8 %). Dor to door: 23 (27.7 %) no dalan selu-seluk, hanesan fahe brosur, visita, steaker 40 (48.2 %).

No qualidade Campanha: hato’o visão ba dezenvolvimento: 38 (64.4 %). Hato’o programa servisu: 24 (40.7 %). Conta história passado: 21(35.6%). Insulta ho lia-fuan: 7 (11.9%). koalia kona ba interesse nação nian 31 (52.5%). Provocação: 0 (0%) no seluk-seluk tan 5 (8,5%).

Candidato balun la lao tuir horário loron sira nia campanha eh la mosu, maski sira nia apoiante sira hein hela sira. Maibé, ami mos hare katak iha Campanha aberta balun, labarik sira nebé tinan kiik mos participa no Lei bando atu labarik sira participa no mos balun uza careta Estado nian atu ba iha campanha. Iha mos figura balun nebé insulta housi Partido seluk no issue rezionalismu atu bele hamonu Candidato Concorente seluk, tamba hare katak bele sai ameassa.

3.2. Segurança (PNTL)

OIPAS mos fó parabens ba PNTL, tamba sira nia matenek no sira sacrifício tomak hodi acompanha processo Campanha to’o loron votação, Contagem no apuramento, hodi haburas clima hakmatek ba candidato sira, ba apoiante sira no mos iha loron votação tomak. Ita hotu hein nafatin servisu furak be PNTL fó iha processo Eleição Parlamentar.

3.3. Ambiente Loron Votação no nia processo

Ami fahe ambiente ne’e iha oin ha’at:

  • Loke Centro Votação: Tuir ami nia observação, centro sira be ami nia observador sira marca sira nia presença loke tuir horas (7h). Centro Votação quase tau iha fatin tuir lista nebé hasai housi STAE. PNTL mos marca sira nia presença iha fatin sira ne’e hotu. Oficial sira STAE nian mos completo. Fiskais Candidatura balu de’it mak Marca sira nia presença no observador balun deit.
  • Tempo Votação: Processo votação lao tuir horas, diak no hakmatek. Votante balun to’o wainhira liu tiha ona tuku tolu (3), ne’e duni mak sira la
  • Taka : taka tuir oras, tuku tolu (3), no sira be iha linha halao nafatin sira nia votação. No iha fatin balun tamba votante sira kuran, taka tiha, sira hahu kedas konta. Iha fatin balun mos to’o kalan liu. No ema balun to’o tarde, liu tiha tuku tolu (3), ne’e duni sira labele vota.
  • Contagem voto: Contagem ne’e balun hahu lalais wainhira taka ona centro votação tamba ema laiha ona. Balun ne’e tarde liu no mos remata tarde liu tamba

3.4. Média

Média sira ne’e mos hatudu imparialidade iha sira nia cobertura, maibé, média balun mak la fó liu tempo no oportunidade ba Candidato balun, liu-liu sira be iha kbiit.

3.4. STAE nia ofisial sira

Tuir relatório sira be ami nia observador sira hato’o katak oficial sira STAE nian halao di-diak sira nia knar, hodi  to’o uluk hodi prepara material sira hotu atu hahu loke estação voto sira, servisu diak iha processo votação, taka tuir oras no contagem voto sira, maski dala ruma tarde liu mak remata.

Maibé, ami mos nota iha fatin ida ne’ebe lolos taka ona, maibé, presaun sira fo atu ema tama no vota, maski liu tiha ona oras.

  1. Ami nia rekomendação atu hadia iha eleição Parlamentar be mai

Tuir mai, ami hakarak hato’o ami nia rekomendação ruma atu hadia, liu-liu iha eleição Parlamentar be sei mai:

  1. Lei no regulamento eleisaun nian: sê bele karik, sai ona tarde liu mak fulan ida molok eleição hahu, labele mosu hanesan iha eleição Presidencial nebé tarde tebes.
  2. Fundo ba STAE
  • Bele karik sai lalais, labele acontece hanesan foin lalais ne’e, nebé fo impacto ba processo tomak, hanesan ita hare nia resultado.
  • Oficial sira STAE nian precisa iha uniforme atu bele identifica lalais, tamba foin dadaun ne’e custa atu halo distinção Oficial sira STAE nian no mos fiskais Candidatura sira nian. No mos precisa hetan treinamento atu buka lalais liu votante sira nia naran.
  • Molok eleição Parlamentar, precisa actualiza Cartão Eleitoral no educação Civica makas liu tan.
  1. Hare ema barak be la vota (29%)
  • Buka tuir razão oi-oin tamba sa mak ema ho número as teb-tebes mak la vota, iha municipal hotu.
  • Processo Contagem: prepara fatin nebé boot atu observador no fiskais sira bele tama hotu no ahi roman diak, liu-liu iha fatin be ema barak mak vota no susar uituan atu acesso ba eletricidade.
  • OIPAS mos rekomenda ba STAE, atu garante ba transparénsia no credibilidade iha eleição Parlamentar, diak liu mos rezultado iha centro votação sira mos precisa fo sai ba Público.
  • Halo votação iha Portugal no Australia: tuir ami nia hare sai karun liu, maibé, ema la participa iha eleição ne’e oituan deit no barak mak la tuir votação. No ami sugere atu iha preparação ba iha eleição Parlamentar ne’e, halo mos preparação atu cidadão Timor nebé iha Indonesia, nebé barak liu estudante no mos sira be servisu iha Corea bele hola parte.
  1. Ba nai ulun sira Municipal no postu administrativo sira: Halibur Chefe Suco no Chefe Aldeia sira hodi motiva sira atu sira buka mecanismo, oin sa mak motiva no movimenta sira nia ema atu participa iha eleição ne’e, maski ida ne’e livre. No mos, fó hanoin sira katak sira be responsável kona ba processo eleição ne’e la’os nai ulun sira iha Suco eh Aldeia, maibé, STAE.
  1. OIPAS nia planu ba eleisaun parlamentar
  1. OIPAS sei observa nia processo campaha tomak no sei halo comunicação ho ema no organização ne’e responsável ba eleição, Partido Político sira no observador sira seluk hanesan nacional no internacional.
  2. OIPAS sei tau nia observador iha centro votação tomak iha Timor-Leste (693) no hare possibilidade atu tau nia observador iha centro votação iha rai liur.
  3. OIPAS mos pronto fo assisténcia técnica ba grupo observador nacionsl, wainhira sira presiza assisténcia.
  4. OIPAS sei fó sai resultadu observação ne’e liu housi Conferênsia Imprensa no mos iha relatório final, wainhira eleição Parlamentar remata ona.

 

Pe. Agostinho de Jesus Soares, SDB

Leave a Reply

Your email address will not be published. Required fields are marked *