shadow
Diocese de Dili > NOTÍCIAS > Notícias > MENSAGEM PAPA FRANCISCO NIAN BA QUARESMA DE 2017

MENSAGEM PAPA FRANCISCO NIAN BA QUARESMA DE 2017

Liafuan maka dom. Ema seluk mos hanesan dom domin nian ba maun alin bin feton sira !  Quaresma hanesan hahu foun ida, dalan ida nebe maka lori  destino ida nebe hakmatek :  Páscoa de Ressurreição, vitória Cristo nian kona ba mate.  No iha tempo ida nee, latoo deit atu  dirige ita nia an ba convite ida nebe forte kona ba conversão: cristão hetan bolu atu fila fali ba Maromak «ho fuan tomak» (Jl 2, 12), sei la contenta ho moris ida nebe medíocre,maibe moris buras iha  amizade ho Nai. Jesus maka belun  ida nebe fiel, iha nebe nunca husi ita mesak, pois, mesmo wainhira ita halo sala, Nia ho  pacientemente hein ita ninia hakat fila ba Nia, no, ho hein ida nee, manifesta kona ba ninia vontade  perdão nian(cf. Homilia iha Santa Missa, 8 de janeiro de 2016). Quaresma maka momento favorável  atu intensifica mos ita nia moris espiritual liuhusi dalan santos nebe Igreja propõe mai ita : jejum,  oração no esmola.  Iha base ba hotu nee, nunee mos, Liafuan Maromak nian, nebe maka convida ita tomak atu rona no medita ho assiduidade nebe boot iha tempo ida nee. Iha nee hakarak mos atu hanonok an, em particular, iha parábola  ema riku no kiak Lázaro (cf. Lc 16, 19- 31). Husik hela mai ita inspiração liuhusi  página ida nebe significativa tebes, nebe fo duni mai ita chave atu compreende oinsa ita mos bele lao tuir hodi mos bele too ba verdadeira felicidade no moris rohan laek, haroman dadauk iha ita hotu sincera conversão ida.

 

  1. Sira seluk mos hanesan dom ida

Parábola inicia ho apresentação husi  personagens principais nain rua, maibe se maka hamosu descrito ho forma nebe detalhada maka ema kiak : hasoru duni iha condição desesperada ida no sem kbiit atu hamriik, hein deit iha odamatan ema riku nian tan iha esperança hodi simu etu mumun nebe namtater husi ema riku ninia mesa leten, ninia isin nebe nakonu ho kanek no asu sira mos mai belo dadaun ninia kanek sira (cf. vv. 20-21). Enfim, quadro maka mahan netik, ho ema ida nebe degradado no humilhado. Cena ida nee  revela duni ho situação dramatic liu, wainhira considera katak kaik nee naran Lázaro, ema ida nebe promissor tebes, nebe maka significa, literalmente, «Maromak Tulun». Laos trata iha ema anónima; antes, iha mos ninia traços nebe concretos tebes no aparece hanesan indivíduo ida nebe maka husi nia it abele mos atribui história pessoal ida. Enquanto Lázaro hanesan saida maka  invisível ba ema rico, ami nia matan aparece hanesan ser conhecido ida no quase husi família, sei sai duni oin ida; no, hanesan nee duni, nee maka dom, riqueza inestimável ida, ser querido ida, amado, fo hanoin fali husi Maromak, liuhusi ninia condição concreta hodi sai tiha escória humana ida (cf. Homilia iha Santa Missa, 8 de janeiro de 2016). Lázaro hanorin mai ita katak ema seluk nee dom ida. Relação nebe diak ho ema seluk  consiste iha reconhecimento, ho gratidão, no nia valor. Kiak nee rasik maka ba iha odamatan riku nian no ema riku nee maka hamosu fali empecilho fastidioso ida, maibe apelo ida hodi converte no muda vida. Primeiro convite nebe maka fo mai ita liuhusi  parabola ida nee maka loke odamatan ita ninia fuan nan ba ema seluk, tamba cada pessoa hanesan dom ida, biar nia nee ita nia  vizinho ou  ema kiak desconhecido ida. Quaresma hanesan tempo propício atu loke odamatan ba cada necessitado no ba sira duni maka reconhece Cristo ninia oian. Ita ida – idak mos hasoru hela Nia iha dalan sira nebe ita liu. Cada vida nebe cruza hamutuk ho ita hanesan dom ida no merece aceitação, respeito, domin.  Maromak nia liafuan tulun tebes uta atu loke odamatan ba halibur vida no hadomi nia, sobretudo wainhira frágil tebes.maibe, atu bele halo ida nee, necessário tebes atu foti sério mos kona ba saida maka Evangelho revela mai ita ba propósito husi ema  rico.

 

  1. PECADO TOO MOS MAI ITA

Parábola hatuur iha evidência, sem piedade, contradições iha nebe ema riku nee moris(cf. v. 19). Personagem ida nee, ao contrário husi kiak Lázaro, laiha naran ida, qualificado deit hanesan «riku». Ninia opulência manifesta iha roupas, husi luxo exagerado ida, nebe usa. De facto, hena lahan lotuk nebe apreciada tebes, aas liu osan mutin no mean, no tamba nee duni maka  sei  reserve ba  deuses (cf. Jr 10, 9) no liurai sira (cf. Jz 8, 26). Lahan lotuk hanesan hena lahan especial  nebe ajuda hodi  confere ba posição ema ninia caráter ida nebe quase sagrado. Tamba nee, riqueza husi ema nee hanesan excessiva, inclusive tamba exibida habitualmente: «hirak nee hotu  esplêndidos banquetes» (v. 19).  Laliu husi nee, dramaticamente, corrupção  husi  pecado, nebe sei  realiza iha momentos sucessivos tolu : domin ba osan, baruk ten no soberba (cf. Homilia iha  Santa Missa, 20 de setembro de 2013). Apóstolo Paulo hateten «domin ba osan maka buat aat hotu ninia hun» (1 Tm 6, 10). Ida nee maka motivo principal husi  corrupção no fonte husi  invejas, contendas  no  suspeitas.  Osan bele too ba domina ita, too mos ba ponto  atu sai fali ídolo tirânico ida (cf. Exort. ap. Evangelii gaudium, 55). Em vez de instrumento ba ita ninia aan atu halo diak no exerce  solidariedade ho ema seluk, osan bele mos subjuga ita, ba ita no bam undo tomak, iha lógica egoísta ida nebe maka lahusik espaço ba domin no dificulta ba paz.

Depois,parábola nee hatudu mai ita katak ganância husi rico halo nia baruk teen. Ninia personalidade  moris husi aparências, halo mos katak haree ba ema seluk saida maka bele permite.  Maibe aparência serve husi máscara  ba ninia interior nebe mamuk. Ninia moris sai  prisioneiro husi exterioridade, husi  dimensão nebe  superficial liu no efémera  husi  existência (cf. ibid., 62).

Degrau ida tuun liu husi deterioração moral ida nee maka soberba. Ema nebe hatais hanesan liurai ida, hatudu ninia posição iha deus, lahuha dadaun saida maka simples mortal. Ba ema nebe corrompido husi domin rikusoin nian, liaha tan buat ida nebe existe além  husi hau rasik, tamba nee, ema sira nebe maka haleu lamonu kona ninia matan nebe fihir. Tamba nee fuan domin ba osan hanesan fali espécie de cegueira:  riku laharee ema kiak nebe hamlaha, too ba no sente kbiit laek iha ninia humilhação. Haree dadaun ba figura ida nee, sei compreende mos katak  motivo  Evangelho nian maka claro liu hodi condena domin ba osan : «ema ida labele servi ba nai ulun rua, basa nia sei rai odio hasoru ida hodi hadomi ida seluk, ka nia sei servi ida hodi hakribit ida seluk. Imi labele servi hamutuk Maromak no osan» (Mt 6, 24).

 

  1. LIAFUAN HANESAN DOM

Evangelho kona ba ema riku no ema kiak Lázaro ajuda atu prepara mos ita hotu ba Páscoa nebe sei besik dadaun mai. Liturgia de Quarta-Feira de Cinzas convida mos ita atu moris iha experiência semelhante ida  hodi halo forma ida  dramática kona ba ema riku. Wainhira impõe cinzas ba ulun ,  sacerdote repete  liafuan sira tuir mai : «hanoin ba katak, ó ema nebe mai husi rai, sei fila ba rai». De facto, tanto  ema riku hanesan mos ema ema kiak mate, no parte principal husi parábola desenrola iha ida nebe Ass liu. Iha momento ba ema seluk, personagens nain rua nee descobre katak ita «lalori buat ida maim undo nee no ita sei lalori sai buat ida husi nia» (1 Tm 6, 7).  Nunee mos ita ninia haree bele nakloke diak liutan ba dook, iha nebe ema riku nee halo diálogo ida nebe naruk ho Abraão, nebe hanesan «aman» (Lc 16, 24.27), hatudu momos kona ba oinsa hola parte ba povo Maromak nian. ida nee loloos ona katak sei sai contraditória boot ida iha ninia moris, tamba sa too deit agora laiha liu ida maka dehan ninia  relação ho Maromak. Com efeito,iha ninia moris, laiha liu fatin ba Maromak, sente katak nia rasik maka sai ninia único deus. Só  iha dalan nebe nakonu ho sasurut barak husi aas maka ema riku nee  reconhece Lázaro no hakarak atu ema kiak nee hamenus ninia sofrimentos ho we naturuk ida. Gestos solicitados ba Lázaro hanesan mos ba saida ema riku nee bele halo ona;  maibe nunca halo. Abraão,ikus mai , explica ba nia : «Oan, hanoin ba katak o simu ona o nia diak iha o nia moris tomak; Lazaro fali simu maka susar deit. Oras nee Lazaro hetan ksolok, o fali hetan terus boot» (v. 25). Iha Lalehan, sei restabelece duni  equidade loloos ida, no aat sira husi moris nee hanesan contrabalançados husi diak. Maibe parábola nee continua, apresenta dadaun  mensagem ida ba ema hotu nebe hanaran an cristãos. De facto  ema riku nee, nebe maka sei iha maun alin nebe moris hela, husu ba  Abraão atu haruka Lázaro ba fo hatene ba sira; maibe Abraão hatan : «sira iha ona Moisés no Profeta sira; rona sira ba» (v. 29). No,ba  sucessiva objeção husi riku nian, acrescenta : 3 «Sira la se tilun ba Moisés no ba  Profeta sira karik, maski matebian ida mos moris hias fali, sira sei lafiar» (v. 31). Ho lalaok ida nee sei hamosu duni problema boot ba ema riku nee : abut husi ninia salan sira maka larona Maromak ninia liafuan; ida nee duni maka lori nia husik Maromak nia domin, consequentemente, desprezar nia maluk sira. Liafuan Maromak nian maka força viva ida, diak tebes atu  hafoun tan  conversão iha fuan nebe klean  no orienta hanesan ema foun ba Maromak. Taka fuan ba dom Maromak nian nebe koalia, hanesan consequência hodi taka fuan ba dom maun alin nian. maun alin inan feton nebe ita hadomi,  Quaresma maka tempo favorável  ba ita atu hafoun an, ita mos sei hasoru  Cristo nebe moris iha nia liafuan, iha Sacramentos no iha maun lain sira. Nai – nebe, maka iha loron haatnulu nia laran hela iha rai fuik maran, halakon diabo ninia tentação – hatudu mai ita dalan atu hakat tuir. Katak Espírito Santo maka  guia ita iha realização tuir dalan ida nebe loloos nian maka hakribit salan nian, atu ita mos bele  redescobre  dom husi Maromak Futar liafuan, sei sai mos purificados husi  pecado nebe too ba ita no ita mos servi Cristo nebe presente iha maun alin necessitados.  Encoraja ba ema fiar nain tomak atu expressa renovação spiritual ida nee, inclusive participa mos iha  Campanhas Quaresma nian nebe organismos eclesiais barak, iha  partes  mundo nian nebe oi-oin mos, promove bebeik atu halo buras cultura husi encontro  iha  única família humana. Ita mos reza  ba malun atu nunee, ita bele participa dadaun iha vitória  Cristo nian, ita mos hatene hodi loke ita ninia odamatan ba frágil no ba kiak sira. Então ita mos bele moris no sai sasin iha plenitude alegria husi Páscoa.

Vaticano, 18 de Outubro – Festa do Evangelista São Lucas – de 2016.

(Adaptado ba Tetun Husi Mário de Oliveira Pires)

Leave a Reply

Your email address will not be published. Required fields are marked *