shadow
Diocese de Dili > NOTÍCIAS > OPINIÃO > TEMPO QUARESMA

TEMPO QUARESMA

Tuir teoria iha Teologia do Ano Litúrgico define claramente kona ba «Tempo Forte» nebe liga ho história humanidade nian. Sarani sira moris iha tempo rua sempre troka malu. Tempo ida bolu « tempo cronos» nebe liga ho natureza hanesan alteração do dia e da noite, mudança climática etc. Tempo seluk nebe liga ho ema nia história no salvação mak bolu tempo «forte».  Buat saida mak Liturgia define kona ba Tempo forte?  Tempo forte hanesan liafuan «unívoco» hatun husi lia Latim ; «Univocu», adjectivo nebe aplica ba buat barak distintas, maibe iha género nebe hanesan; Nebe admite deit iha uma forma de interpretação. Nune’e Tempo Forte ita bolu mos; Tempo favorável, tempo de penitência, tempo de conversão, tempo de oração , iha linguagem quaresmal bolu; Hadera-an, abstinência, jejum, moris iha oração nia laran.

Essencial liu iha tempo forte mak presença «KAYROS», katak; Presença Maromak nian iha mundo, nebe iha teologia do Ano Litúrgico bolu tempo « da Salvação (Cf. MATIAS AUGÉ., L’ANNO LITURGICO È CRISTO STESSO PRESENTE NELLA SUA CHIESA, LEV, 2011). Tempo «Kayros» hahu ho «Mistério da Encarnação» nebe sai teologia básica ba «Liturgia e inculturação» iha mundo cristianismo tomak. Mistério de Encarnação ne’e nia fundamento lolos mak iha «Anunciação do Senhor à Virgem Santa Maria» Aman Maromak «Abbá» iha Nia projecto salvífico universal hakarak salva ema hotu hotu ga mundo tomak, liu husi missão no obra Nia Oan Mane nian «Lumen Gentium capitulo 1,1-2». Obra «Redentora ne’e hahu husi mistério da Encarnação remata iha mistério da  «Paixão, Morte e Ressurreição»

Tempo «Kayros» iha noção grega hakarak dehan  «Tempo do Senhor» ou o «Senhor dos Tempos». Nune’e iha celebração Vigilia nian (Sábado Santo) iha benze ba ahi lakan ita rona liafuan nebe pronuncia husi bispo ga sacerdote nebe mak preside missa; «CRISTO HORSEIK NO OHIN, CRISTO HUN NO ROHAN, CRISTO ULUK NO IKUS, CRISTO TEMPO NIA NAIN». Buat saida deit mak inclui iha tempo «Kayros», tempo «Forte», tempo da «salvação»? Tempo hirak ne’e tuir liturgia hanorin hahu no inclui husi; Tempo advento, to’o Natal, continua husi Natal to’o Ephifania do Senhor e remata iha Baptismo do Senhor. Tempo hirak ne’e em particular iha «Ephifania»; Liurai nain tolu ba visita Kosok Oan Jesus to’o «Baptismo do Senhor» bolu tempo «Manifestação do Senhor» ou «Teofania» significa Maromak hatudu Nia An ba mundo ou Maromak hatudu Nia Glória ba mundo, ba gentio sira «Ex. Moisés consegue hare Maromak iha foho Sinai, maibe nia senti tauk subar tiha nia oin «Ex 3,6», «Fitun nebe mosu no dada dalan ba liurai nain 3 ba adora Jesus, sira lori presente ; osan mean, incenso, no mina morin/mirra Mt 2,10-11», «Wainhira Jesus simu baptismo no sai husi be laran manu falur ida tun ba Nia Ulun, Kalohan iha Lalehan leten naloke rona Lia ida husi Aman Maromak nebe dehan «Ne’e Hau Nia Oan doben imi rona Nia ba!» (Mt 3,13-17, Mc 1,10-11, Lc 3,21-22, Jo 1,31-34) , no «transfiguração do Senhor iha foho Tabor» ( Mt 17,1-9, Mc 9, 2-10,Lc 9,28-36). Depois baptismo hotu tiha ita tama fali iha tempo «comum,; tempo bain bain», pois, tempo «forte» ga tempo « Kayros; Salvação» hahu fali ho « tempo quaresma nebe loke ho « quarta feira de Cinzas ba too iha «Missa Quinta Feira Santa e Sexta Feira Santa». Durante Pasqua nia laran continua bolu tempo forte no tempo forte sei taka ho «Loron Pentecostes» ita fila ba tempo comum ga tempo «Ordinário nebe acontece evento mistérios Maromak Nian hanesan Mistério dan Encarnação, Paixão, Morte e Ressurreição, Ascenção e Pentecostes»(Cf. PIETRO ANGELO MURONI., IL MISTERO DI CRISTO NEL TEMPO E NELLO SPAZIO LA CELEBRAZIONE CRISTIANA, UPI,2014).

Saida mak «Cinza»?. Ita hatene katak cinzas ne’e ahi kdesan. «Cinzas» mai husi lia Latim «Cinis», iha Portugûes dehan; Resíduo de combustão, iha tétum ita bele dehan matéria nebe composta husi buat nebe mak ita sunu mutuk hodi aproveita nia «rahun» ou nia «abu» ga nia «kdesan». Cinzas tuir Liturgia hanorin; Tem que mai husi «ramos» tahan, ramos hirak nebé benzido husi bispo ga sacerdote sira iha « Missa Domingo de Ramos no ano anterior» (Cf.RICARADO PASCUAL DOTRO, GERARDO GARCÍA HELDER., «Ascoltare, celebrare e vivere» in Dizionario di Liturgia,Edizioni Messaggero Padova, 2010,p.36)  paróquia sira precisa halibur hamutuk «ramos» hirak ne’e hodi sunu mutuk no aproveita nia rahun ga kdesan hodi halo cinzas no usa iha «quarta feira de cinzas». Nune’e mos sarani sira nebe lori ramos, «lori ramos tahan lolos», la os lori fali ai tahan, nú nia dikin, akadiru nia dikin ou bua nia tahan mak halo ou homan sai fali  ramos. No ramos nebe mak benzido ona lori ba rai iha ortório oin ou sikat iha uma nia sikun ga odamatan. Ramos nebe sunu mutuk ona hodi halo cinzas iha momento bispo no sacerdote sira depois de homilia fo benção ba cinzas no kose ba «ulun» ou «rentos» hahu kedas husi bispo, sacerdote to’o fiéis sira sei kose ho sinal da cruz ba rentos ou tau iha ulun ho formula liturgia nian «cf. Missale Romano e Pontificale Romano sobre; a imposição das cinzas na quarta feira de cinzas) nebe mai husi Biblia; «O mai husi rai sei fila fali ba rai» (Gen 3,19) ou «Hakirbi o nia salan hodi fiar Evangelho» (Mt 3,1-2; Mc 1,2-8; Lc 3,1-6; Jo,1,19-23).

«Cinzas» simbologia a morte, fragilidade da vida; Fragilidade da vida ne’e hahu husi « castigo no esperança» nebe ita nia beia ala sira «Adão ho Eva» halo no hetan castigo husi Maromak; « Porque atendeste à voz da tua mulher e comeste o fruto da árvore, a respeito da qual Eu te tinha ordenado: “Não comas dela”, maldita seja a terra por tua causa;  Comerás o pão com o suor do teu rosto, até que voltes à terra de onde foste tirado; porque tu és pó e ao pó voltarás, Gen 3,17-19). Cinzas mos símbolohumildade” no “ penitência”  hodi combate hasoru hahalok aat sira nebe sai buras iha ema nia cultura; ohin loron ema lakohi aprende sai humilde, ema hotu hakarak foti an, loko an, no hatudu matenek, ukun ho liman kroat no kaer osan barak, ema moris iha desonesto, manipulação ba lia los no justiça; viola ema seluk nia direito, halo corrupção, nauk no butar ema, sobu ema nia familia uma laran, ibun aat konta ema tun sa’e, ema kuran misericordia, kuran domin, kuran caridade nebe bele halo ema lakon sira nia humildade hodi foti an hasoru Maromak nebe fo dalan ba mate ou pecado. Nune’e mos iha penitência sai hanesan exigência quaresmal nebe ita halo. Iha quarta feira de Cinzas profeta Joel convida ita atu haraik an no halo penitência ho liafuan hirak ne’e; Fila imi laran ho imi neon mai hau, hodi hadera-an, hodi tanis no halerik; hakanek imi laran ou les imi fuan, lalika les imi nia unuk ga hatais.

Ho “Quarta feira de Cinzas”, ita tama ona iha tempo “ Quaresma”. Sá mak ita comprende kona ba Quaresma? Quaresma katak : Quadragésima, Quarentíssimo loron 40, tempo liturgia nebe dada ita nia atenção ba ksolok boot festa Pasqua.Tuir história liturgia nian ita la hatene husi nebe, através husi se , no oin sa mak mosu “quaresma”?  Maibe sobretudo iha Roma afirma “ Só sabemos que ela se foi formado progressivamente, mesmo antes dos cânones conciliares- observa o cardeal  “A.I.Schuster” : Uma observância preparatório para a Páscoa deve ter nascido do próprio sentido e do gênio sobrenatural do cristianismo (A.I.Schuster.,Liber Sacramentarium III, Marietti, Turim,1944,4a edição,3). Husi primeira alusão direitas ba periodo ida pré-pascal nian ita ba hetan iha Oriente ( Alexandria Egipto ou Byzantino Turquia) iha principio do século IV.  Iha Ocidente (Igreja Latina Romana) no fim do século IV. Iha “Praxe” oração preparatória à pascoa incluindo jejum, iha mos estrutura da quaresma passa a ser a dos “ quarenta dias” considerados à luz do simbolismo bíblico(40 dias do dilúvio, 40 dias Moisés no Sinai, 40 dias Elias no Horeb,Jonas, 40 dias povo de Deus no deserto, 40 dias Jesus “jejuar”no deserto ),que dá a esse tempo valor salvífico-redentor, de que é sinal a denominação dele como sacramentum. Atu desenvolvemento quaresma nian lao diak mak husu sarani hotu nia contribuição ba discplina penitencial para a reconciliação dos pecadores que ocorria na manhã da quinta feira santa, e as exigências sempres crescentes do catecumenato com a preparação imediata ao baptismo, celebrando na noite de páscoa. Tempo “Quaresma” hahu ho quarta feira de cinzas ba too iha missa: Cena do Senhor, Última ceia do Senhor e too sexta feira Santa. Durante periodo “quaresma” buat saida mak ita sarani sira sei halo;

1). Iha missa sei la canta Aleluia no Gloria, hananu sira iha liturgia nia laran sei la acompanha ho instrumento musical, la bele infeita aifunan iha altar nia leten no sorin sorin; Paramentos litírgicos nian mak roxo, excepto festa solenidade.

2). La bele mos fo sacramento sira hanesan; baptismo, primeira comunhão, crisma, casamento ou matrimónio no missa matebian sira, inclui agradecimento ba tinan, graduação etc,  marca ona iha paroquia (Excepto corpo presente; mate isin ita bele celebra tamba mate iha la espera, se no caso monu iha Triduo Pasqal, seja quem for la bele celebra Eucaristia, bele celebra depois de Domingo da Ressurreição).

Buat sira nee hotu Liturgia Uma Kreda nian bandu tamba ita hotu sei iha “ Ambiente quaresmal, iha penitência nia laran” ita la bele haksolok uluk wainhira ita seiduak “celebra festa Pasqua” hanesan festa boot ema católica sira nian, hodi reduz vicios aat sira, hahalok nebe hanesan festa no han no han hemu, tolok malu, oho malu, bele sobu no viola ambiente espiritual quaresma nian. Dala barak ita nia sarani sira iha Timor Leste confuso ho sira nia padre sira tamba iha tempo forte ga tempo penitência no hadera-an (hanesan Advento no Quaresma) padre balun iha sira nia paroquia talves sira hatene, talvez mos la conhece “história no tradição liurgia” nian, ou la lê “normas liturgia Uma Kreda” nian nebe define iha ( Teologia do Ano Liturgico, Dedicação ba Igreja no Altar foun, iha Sacramentário sira ;  Gelasiano e Gregoriano (liu liu iha Gelasiano), iha Direito Canônico no mos iha livros litúrgicos; I praenotanda dei libri liturgici);  proibido ba paroquia sira, qualquer Igreja Católica Romana atu fo sacramento hirak nee iha tempo forte, tempo penitência, hadera-an hanesan tempo quaresma agora dadaun ne’e hodi evita sarani sira la bele perturba espirito quaresma no preparação ba festa Pasqua (Excepto ema iha agonia nia laran, Liturgia fo tolerância tamba baseia ba ‘Salus animarum suprema lex’, (salvação klamar sira nian mak aas liu lei). Wainhira ita fo sacramento sira ne’e, sarani sira iha tendência boot hakarak atu halo festa, inclui mos missa agradecimento ba tinan, graduação, korre metan, etc, la bele halo iha tempo quaresma. Se halo tem que aviso katak buat sira festa precisa reduz. Sacramento baptismo, primeira comunhão, crisma, matrimônio bele prepara catecumenos no nubente sira iha tempo quaresma nia laran no sei realiza iha ; Missa quinta feira santa-Instituição da Eucaristia bele fo “primeira comunhão”, iha Vigilia da Noite Sábado Santo bele fo “baptismo” no Domingo de Ressurreição eventualmente bele fo “matrimônio”, maibe buat hirak ne’e mak halo iha tempo quaresma ne’e erros bot nebe la admite tamba la respeita “kayros” O SENHOR DOS TESMPOS MAK CRISTO RASIK. Se sarani sira  hamutuk nia pároco mak la respeito tempo forte ga tempo “Kayros” oin sa ma ema sira seluk bele respeita ita nia tempo hirak nee? Nun’e mos wainhira festa santo, santa sira nian (inclui Nai Feto) no fundadores religiosos sira nia wainhira monu iha Domingo, la bele celebra iha Domingo tamba Domingo Loron Cristo Moris Hias Husi Mate, “Dia do Senhor”, la bele troka ho santo no santa sira nia festa. Wainhira sarani sira hare no hatene katak iha agente pastoral ruma nebe la respeito regras quaresmal iha tempo forte iha sira nia paroquia precisa atu fo hatene ba Ordinário lugar mak “ Bispo titular ou bispo diocesano”.

Iha quaresma hahalok nebe sarani sira obrigado atu halo mak ne’e Abstinência, Jejum, fo esmola, hamulak ga reza, hadera an. “Abstinência” no “Jejum” liafuan rua nebe la hanesan maibe fo sentido ga significado ida deit. Abstenência significa: dieta, halo jejum lá bele han. Lia fuan nebe origem husi Latim “abstinentia” katak; bandu atu la bele han “na’an” iha loron nebe Santa Kreda haruka. Enquanto “Jejum” liafuan nebe mai husi lia Latim “jejunu” significa abstinência parcial ou total de alimentos em certos dias; estado de quem não come desde o dia anterior. “Jejum” no “Oração” define mos iha “Didake” ( Didakè twn dwdeka apostolon; apóstolos 12 nia doutrina) kona ba questão liturgia nian “Imi nia jejum la bele halao iha periodo nebe hanesan ema hipócrito sira: sira jejum lalais iha segundo no quinta dias depois de sábado; maibe imi, em vez, halo jejum iha quarto dias no iha loron preparação sabado nian” (Didakè 8,1), Nune’e mos wainhira imi reza la bele halo hanesan ema hipócrito sira, maibe tuir buat nebe mak Nai hanorin ona, reza hanesan ne’e; “Ami Aman iha Lalehan tulun ema atu santifica Ita Naran”…….

Iha teologia biblica “jejum” ne’e eventualmente husik relações sexuais loron ida ga loron balun liu liu iha loron quarta no sexta hahu loron sae too loron monu. Sarani sira halo jejum no abstenência ho motivo ascesis, purificação, de luto (estado de luto e de súplica). Abstenência no jejum iha Biblia hakarak dehan regula ita nia prática moris ho oração, fo esmola no halo obra de caridade hodi hatudu ita nia humilde, esperança no domin ba ema seluk.

3). Husi parte interior; conversão no arrependimento tem que mai husi mudança de atitude ou da vida; hakribi hahalok aat nebe ita kuda buras iha sociedade no comunidade nia laran. Hahalok 3 nebe Jesus hanorin iha Evangelho São Mateus 6,1-6, 16-18 iha “ Quarta feira de Cinzas” mak; Fo esmola, hamulak ga reza, hadera-an. Oin as ita traduz ou tau iha prática maneira 3 ne’e iha ita nia vida; Hahalok 3 nee mak liga ho jejum no abstenência ita hatene katak dieta la os deit ba hahan no bebidas, maibe dieta ba ita nia hahalok; liu liu “vicios” ou“toman aat”, “hahalok aat” nebe tau fahe ita husi domin Maromak nian, no husi relação amigável ho ita nia maluk sira seluk. Importante mak sarani sira hakribi sala foer, muda hahalok, fila ba Na’i. Exigência quaresmal tuir Profeta Joel dehan “lalika Les imi unuk, maibe les imi fuan”; São Paolo reforça tan liu husi hadera-na no penitência, criatura sira hakribi sala atu “Ba dame malu ho Maromak” (2Cor 5,20-6,2). Atu ba dame malu neé mak ita sei halo; abstinência, jejum, fo esmola, hamulak makaas ho lia sumik, hadera-na tamba Maromak dehan iha tempo diak, Hau rona o, iha tempo Maksoin Hau tulun o,; oras ne’e mak tempo diak, oras ne’e dadaun mak tempo Maksoyn, tamba ne’e “Quaresma” ita dehan tempo forte significa “Tempo Maksoyn “ Kayros”. Tempo Maksoin hetan nia plenitude iha Cruz tutun molok Jesus husik Nia iis, Nia dehan ” Buat hotu tuir los ona, iha Ita Nia Liman Hau saran Hau Klamar”, ita hotu too iha “ plenitude dos tempos”, “kepenuhan waktu”, consumação dos tempos, tempo está consumado nebe realiza husi Cristo “Kayros” e “ O Senhor dos Tempos”.

Hein edição seluk sei tuir mai “ Descrição de ordenamento das leituras da Missa

sobre“Ano Litúrgico ; tempo quaresma e páscoa.

Nelson da Costa Freitas, sacerdote diocesano Baucau, docente Liturgia iha IFT-Fatumeta,Dili.

Leave a Reply

Your email address will not be published. Required fields are marked *