shadow
Diocese de Dili > NOTÍCIAS > Notícias > CELEBRAÇÃO QUARTO ANIVERSÁRIO DA ELEIÇÃO DE SUA SANTIDADE PAPA FRANCISCO

CELEBRAÇÃO QUARTO ANIVERSÁRIO DA ELEIÇÃO DE SUA SANTIDADE PAPA FRANCISCO

Amo Papa Ami Ho Ita Bali Ita Ho Ami Nia Oração Lor-Loron Nian

(Refrexão Dom Norberto do Amaral)

 

DCDD – Quinta feira foin lalais nee (30/03/2017), liburan hamutuk iha Sé Catedral Diocese Dili bibi atan housi Diocese Dili, Baucau no Maliana, hamutuk ho S. E. Dom Joseph Marino, Núncio Apostólico em Timor, Encaregado Nunciatura iha Timor Leste hodi comemora Quarto aniversário da Eleição Sua Santidade Papa Francisco nian. celebração nee preside husi Bispo Diocese de Dili Dom Virgilio do Carmo da Silva, SDB iha oras (16:30) iha Sé Catedral Diocese Dili, nebé concelebra husi S. E. Dom Joseph Marino Núncio Apostólico iha Timor, Bispo Baucau Dom Basilio do Nacimento, Bispo Maliana Dom Norberto do Amaral, Encaregado Nunciatura nian iha Timor Leste, nomos presbitero tomak Diocese Dili nian. Celebração nee hetan participação mos husi :Religiosos/as, Seminaristas, Corpos Diplomáticos, convidados no Comunidade sarani.

 

Dom Norberto do Amaral Bispo de Maliana, nebé lori mensagem Maromak nian iha homilia ba celebração nee hateten: Lokraik ida ne’e, Igreja Católica Timor-Leste nian hakarak manifesta nia sentimento ida ne’e katak Papa mos Cristo Nia fatuk ida nebé Nia hari Nia Creda ba, nebé Nia harí iha Ásia de Oriente dook housi Roma. Ho nune’e dehan katak Roma ho Timor-Leste laos Creda oi-oin ida, maibé Creda ida tamba Cristo ida mesak mos.  Aproveita oportunidade ida ne’e mos, ita agradece ba Maromak ba tulun tomak nebé Na’i Maromak haraik ona ba Nia Creda no harohan nafatin ba Nia atu haraik nafatin ba ida nebé Nia hili housi Nia laran Luak no laran diak, hodi hamatan didiak Creda ida ne’e, atu nune’e Creda ida ne’e bele metin nafatin hodi lao ba oin, maski hasouru força inferno nian nebé baku bebeik nia odamatan. Nune’e mos Jesus rasik dehan: “As portas do inferno regrecerão sobre Ele”. Ne’e ita nia esperança maski ita ema sala nain, maibe sala nain dala sanulu ba, maibé labele haluha katak nia mos santa. Hanesan Papa Bento 16 dehan: sarani balu hahu hatama ona iha barco laran bé atu hamout barco ida ne’e rasik, maibé, fiar metin no laran metin katak: sê mak kaer bulante mak Jejus Cristo rasik. Ita hasae ita nia parabens certamente ba iha dia 12 de Março kotuk ba ita ida-idak reza tiha ona ba ita nia Santo Padre, maibé iha lorokraik ida ne’e atu ita hanoin especial ba nia liu housi ita nia hamulak hamutuk ida ne’e, nune’e hatudu nafatin ita nia unidade no domin ba Papa Francisco hodi dehan: Amo Papa ami ho Ita bali ita ho ami nia oração lor-loron nian, haktuir Dom Norberto Bispo de Maliana iha nia homilia ba sarani sira iha Sé Catedral Diocese Dili(30/03/2017)

Dom Norberto haklaken:  Lia-fuan hasai Jesus nian ba Pedro wainhira nia hatan lia husu Jesus nian kona ba; sê mak Jesus ne’e rasik? No Pedro hatan: “Ita mak  Messias Maromak moris Nia Oan”. Reposta Pedro nian ida ne’e laos teki-tekir fó sai housi Pedro nia ibun, maibé, mai housi revelação Aman Maromak nian ba Pedro hanesan Jesus rasik dehan.“Laos housi isin no ran nian mak fo sai ida ne’e ba ó, maibé, Ha’u Aman iha Lalehan”. Ó filho, ó naran fatuk kikoan ida nebé housi ó nia ibun mosu lia los ida, nebé iha lia los ne’e mak sei harí Ha’u nia Creda.

Lia los mak fiar nebé Pedro hatán ba perguntas Jesus nian; “Ita mak messias Maromak moris nia Oan”, maski ohin loron ema balu discute maka’as kona ba lia-fuan ida ne’e, kona ba lia-fuan nia significado rasik, liu-liu kona ba saida mak Jesus hakarak hateten ho lia-fuan ida ne’e? Ne’e competéncia ba ema matenek nain sira. Maibé, tuir tradição Igreja Católica nian dehan katak: Jesus nia lia hasae ba Pedro ne’e mak sai nudar base terminante ba ukun Papa nian iha Mundo raiklaran, hodi tau matan ba Creda tomak namkari lemo rai iha mundo. Iha tinan rihun ona mak tradição lao nune’e no ita Católico kaer metin no lao to’o ohin loron no hametin liu tan ho Creda Católico ho Papa sira nebé mosu mai liu-liu ho São João Paulo II nebé iha nia Exortação Pastores Igrejas nebé dehan nune’e: “Amo Papa Ukun Creda Católico ida ne’e iha Unidade no no domin eh cominhão”. Ida nebé nudar uluk Pedro hatan ba Jesus nia lia husu sai nudar duni fatuk oan ida nebé hamutuk, nebé Cristo rasik harí ba Nia Creda no Cristo rasik sai nudar fatuk inan eh fatuk sikun iha Creda ne’e nian rasik.

Dom Norberto hatutan: Santo Padre Bento 16 iha nia homilia ida nia dehan; “Ita sarani hotu-hotu hanesan fatuk kiik ida nebé tama halo parte iha Maromak nia Creda ida ne’e, balu iha leten, balu iha kraik, balu iha sor-sorin. Sira nebé iha leten dada sira nebé iha kraik, sira nebé iha kraik tutur no dudu sira nebé iha leten ne’e no sira nebé sor-sorin hametin ba laran husi esquerda no direita, atu uma labele monu, maibé, hamrik metin nafatin, maski hasouru anin no laloran nebé mak makas. Ohin loron iha mundo moderno ida ne’e, lia-fuan hirak ne’e tenki concretisa iha sarani Católica ida-idak nia moris rasik katak; hamatan lisuk ba Cristo Nia Creda ida ne’e, basá Nia mos hola-An iha Creda ida nia laran, basá housi laran mosu buat oi-oin nebé doko Nia i pior liur tan housi liur aproveita opurtunidade hodi koalia at no buka atu sobu Creda ida ne’e rasik. Ida ne’e realidade, maibé ita hotu hatene katak Creda ne’e laos organizaçao ka NGO ruma, maibé nia nudar Instituição ida. Liu tan ida ne’e, Creda laos Instituição humana nian ida, maibé Inan katak Maromak rasik mak hari basa Ukun-fuan rasik dehan: Iha fatuk ida nia leten hau hari Ha’u Nia Creda.

Hafoin remata housi celebração Eucaristia Agradecimento nian ba Quarto aniversário Sua Santidade nian iha Sé Catedral Diocese Dili, liburan hamutuk Núncio Apostólico, Bispos, Padres, Encaregado Vaticano nian, Religiosos e religiosas, Corpos Diplomático, comvidados hodi continua Jantar com Fraternização iha Salão Canossiana Becora Dili. (C/a)

Leave a Reply

Your email address will not be published. Required fields are marked *