shadow
Diocese de Dili > NOTÍCIAS > Notícias > MISSA CRISMAL : RENOVAÇÃO PROMESSA NAI LULIK SIRA NIAN

MISSA CRISMAL : RENOVAÇÃO PROMESSA NAI LULIK SIRA NIAN

DCDD – Amo Bispo hamutuk ho Nailulik sira nebé sura liu atus ida resin, halao celebrção Liturgia hamutuk ho sarani sira hodi hanoin loron Nailulik sira nian nebé tinan rihun rua resin liu ba, Nai Jesus lori Sacramentos: Órdem no Eucaristia. Presente mos iha Celebração ne’e, representante Encaregado Nunciatura ba Timor Leste, Religiosos e Religiosas, Seminaritas no sarani rihun resin. Celebração Missa Crismal Tinan ne’e nian, halao iha Sé Catedral Dili. Buat hotu halo ho diak no nakonu ho folin nebé as, acompanhado tan ho knanauk furak housi coro Seminarista Maloa nian, nebé lori ema ba contacto ho Maromak liu tan.

Relaciona ho celebração ne’e, Dom Virgilio do Carmo da Silva esplica katak:Missa  ohin ne’e nian, ita bolu Missa Crismal. Missa Crismal ne’e iha objetivo rua; ida mak hanesan missa ida atu fo bensa ba mina moras nian, mina Crisma nian no Mina Catecúmeno nian tanba tinan-tinan bensa mina tolu ne’e, atu nune’e Amo lulik sira uja iha Paróquia tomak. Missa Crismal ne’e mos nudar loron amolulik sira nian, atu renova promesa Amolulik sira nian. Tamba ne’e, loron ida ne’e dedica especial ba Amolulik sira, tenik Dom Virgilio iha Sé Catedral Dili (06/04/2017).

Dom Virgilio reforsa tan katak: Missa Crismal lolos ne’e halo iha loran Quinta Santa dader, maibé, tamba Dili ninian ne’e geográficamente dok ho sentido katak amo lulik sira iha Quinta dader iha ne’e, lorokraik ida-idak tenki halai fila-fali ba idak-idak nia fatin. Ho razão ida ne’e, Dili nian anticipa tiha Quinta-feira ida ohin ne’e katak; semana ida antes, maibé, tuir lolos iha Quinta Santa dader, maibé tamba dok hanesan Oecusse, Alas, Atauro, hodi ida ne’e mak Dili anticipa tiha ohin hodi amululik sira hakmatek no mai hotu atu bele celebra loron Amolulik sira nian ida ne’e. Tan ne’e, ohin imi hare katak amululik sira hotu mai no atu sente cominhão nu’udar amululik nian iha Uma Creda no mos atu fo bensa ba iha ólio sira.

Relaciona ho Diocese rua seluk Dom Virgilio sublinha katak: Diocese Dili no Diocese Maliana hahu ohin, maibé, Diocese Baucau sei halao iha Quinta Feira semana oin. Ida ne’e, Amo Bispo ida-idak halo iha Diocese rasik ho amululik sira hotu, Pároco no Religioso sira hotu nebé servisu iha Dili no hela iha Dili opurtunidade ida atu halibur hamutuk.(C/a)

Leave a Reply

Your email address will not be published. Required fields are marked *