shadow
Diocese de Dili > NOTÍCIAS > Notícias > Precisa Presta Atenção Especial ba Tempo Forte Sira “Quaresma-Advento”

Precisa Presta Atenção Especial ba Tempo Forte Sira “Quaresma-Advento”

DCDD – lia hirak nee Pe. Juvito Rego de Jesus declara ba Jornalista sira wainhira remata Retiro ba Membros do Governo iha Terça Feira foin lalais ne’e (04/04/2017), iha Paróquia Imaculada Conceição Balide Dili. Relaciona ho programa retiro ba Membro do Governo sira, Pe. Juvito hateten: Ida nee hanesan plano housi Diocese, Amo Bispo rasik assina Carta comvite hodi fó ba Ministério hotu- hotu ho Secretaria do Estado katak; Igreja liu housi Diocese hakarak atu presta atenção especial ida liu-liu iha tempo forte sira ne’e hanesan Quaresma ho advento ba Membros sira Governo ninian, sira nebé servisu iha neba tamba sira hotu-hotu ema sarani, sarani nebé iha neba e dalaruma sira tempo laiha, tan ne’e, ita ba tulun sira atu oinsa sira mos hamamuk oituan, fo netik espaço oan ida, fo netik tempo oan ida atu habot sira nia Espírito hodi prepara sira nia an liu-liu ba Festa Páscoa Festa, advento.

Pe. Juvito realsa tan katak: Diocese iha nia plano ida katak plano pastoral nebe atu integra mos sarani sira, ida ne’e atu dehan katak; Igreja lao hamutuk hela ho sira atu sira wainhira ba servisu halo knar, knar nebé sira halao funsaun ne’e hanesan ema sarani ida mak tenki halo knar ne’e, laos knar ne’e hanesan robot ida ka fatuk ida ka hanesan ema nebé la conhece Maromak, maibé, hanesan ema nebé Maromak nian. Entaun Igreja mai ho ninia retiro ne’e, atu fo hanoin fali ba sarani sira nia papel ne’e mak sai masin no fermento no roman mundu ninia, hanesan fermento nebé bele halo servisu ne’e hanesan caracter Cristão.

Pe. Juvito Rego esplica tan katak; sarani ne’e tenki manifesta iha hahalok prática sira nebé halo. Tamba ne’e servisu  sira nebé halo ne’e laos sekedar manan osan deit, laos posição ida deit, laos funsão social ida deit, maibé, ne’e missão ida, vocação ida nebé sira bele halao iha ministeiro sira nia laran, secretaria sira nia laran, servisu ida nebé atu servi ema barak, atu servisu sira ne’e labele naben saugati deit, sira tenki servi ema hanesan mos sira servi Maromak, atu oinsa mak relação servi ema no Maromak bele sai forsa no kbiit ida nebé hametin sira nia laran atu servisu ho neon no laran.

Pe. Juvito Hateten: Retiro ida ne’e kona ba Páscoa e tema principal ne’e baseia ba Amu Papa fo katak “Palavra é um dom” liafuan ne’e katak Dom ida ka graça ida e ema seluk ne’e mos graça ida ou dom ida nebé ita estabelece ita nia relação vertical ho Maromak. Ita hare ema seluk hanesan graça ne’e, ita estabelece hanesan relação Horizontal ho ema hot-hotu katak iha neba laos funsão ida mak halo hanesan director ka secretário estado ka ministro ida, maibe iha neba ne’e além funsão, hau ema sarani ida hanesan ho hau nia maun alin sarani sira seluk no mesak Aman lalehan ninia oan deit, nebé ho fraternidade Espiritual ida ne’e atu halo servisu ne’e sai diak liu.

Iha Pe. Juvito nia mensagem hateten: Retiro ne’e hahu wainhira nia remata katak: ita agora iha ne’e ita mai rona esplicação, reflexão oan ruma, ita reza hamutuk, ita comfessa, ita missa ne’e hotu, maibé, retiro lolos ne’e quando ita ba ona fatin mak ita foin halo retiru nebé los iha moris. Nebe ita mai tuir reflexão oras oan hira nia laran ne’e, atu lori ita ba comversão, converte ita nia hahalok, ita nia atitude, comportamento sira durante ne’e lao la tuir ema sarani ida ninian, agora tempo Quaresma ne’e ita hadia tiha, atu fila fali ba ita hahu halo retiro ida lolos nian iha ita nia moris lor-loron nian, ita aplica buat sira nebé ita simu iha retiru ne’e ba ita nia moris lorloron atu bita comporta hanesan ema sarani ida, ema nebé pronto halao missão ida, halao servisu ne’e hanesan vocação ida nebé nia simu housi Maromak atu servi ema seluk.(C/A)

Leave a Reply

Your email address will not be published. Required fields are marked *