shadow
Diocese de Dili > NOTÍCIAS > Notícias > Presidente da República Condecora Instituiçao PNTL, Comissário Julio Hornai no Funcionários Estado nian

Presidente da República Condecora Instituiçao PNTL, Comissário Julio Hornai no Funcionários Estado nian

DCDD – Iha Segunda Feira, 27 de Fevereiro tinan ne’e, Presidente da República de Timor Leste, Taur Matan Ruak, condecora Instituição PNTL no mos Comandante Geral, Comissário Julio Hornai. Reconhecimento ne’e, PR fo wainhira participa iha cerimónia aniversário PNTL nian ba dala XVII, iha Academia PNTL Comoro Dili. Objetivo husi condecoração ne’e, tamba hare ba serviço no contribuição Instituição PNTL nian, nebe durante ne’e halao ona hodi servi povo no rai ida ne’e.

Presidente da República liu husi nia discurso, ba participantes sira hateten, nia hahi no aprecia serviço no dedicação Polícia Nacional de Timor Leste nian hodi servi cidadão sira. “Hau hakarak hatoo, hau nia saudação especial, ba Policia no civil sira nebe lorloron coopera hodi hametin segurança iha rai laran. Hametin legalidade democrático, tane as no assegura ita nia identidade nacional liu husi sira nia capacidade hodi servi ita nia rain no ita nia povo” tenik Presidente da República Taur Matan Ruak. Iha oportunidade ne’e, Presidente da República hatoo mos parabens ba timoroan tomak nebe participa iha eleição presidencial foin lalais ne’e, nebe lao hakmatek no tuir ordem. Iha evento importante aniversário PNTL ba dala XVII ne’e, Presidente da República hatete, processo construção ba estado democrático, iha nação hanesan ita nian, nebe mai husi período ida nebe nakonu ho conflito no desafio político económico no social oioin, inclui mos problema segurança iha rai laran nian, bele hamosu sentimento iha segurança, tamba ne’e precisa duni sira nia proficialismo no dedicação. Além de, aprecia serviço no dedicação PNTL nian, PR hatoo mos agradecimento ba Ministro Interior, Dr. Longuinhos Monteiro no Comandante Geral PNTL, Comissário Julio Hornai. “Liu husi oportunidade ida ne’e, hau hatoo hau nia agradecimento boot ba Senhor Ministro Interior, DR. Longuinhos Monteiro, ba profecionalismo compotência no didicação, nebe nia uluk hatudu nudar Comandante Geral no sei hatudu nafatin nudar Ministro, hodi presta serviço nebe as ba país no mos ba instituição Polícia Nacional. Hau hakarak mos hatoo liafuan aprecia ba Comandante Geral, comissário Julio Hornai no mos ba segundo comandante, comissário Faustino da Costa, ba apoio boot tebes nebe fo mai hau durante halo nia knar ne’e”, tenik PR. Hare ba serviço no contribuição PNTL nian nebe mak halao ona durante ne’e, hodi servi povo no rai ida ne’e, mak Presidente da República mos fo homenagem ba institução PNTL no Comandante Geral PNTL Comissário Julio Hornai, ho Colar Ordem de Timor Leste. “Hau fiar katak reconhecimento público nebe hau fo iha ceremónia ida ne’e, hodi condecora imi nia instituição, ho Colar Ordem de Timor Leste no prega insigna ba ba imi nia estandarte nacional, hanesan reconhecimento ida nebe justo duni”. Nia hatutan tan, ho sentimento gratidão ida ne’e, hodi fo reconhcemento no Polícia Nacional  tomak. Liu husi jesto ida ne’e, mak hau hakarak usa oportunidade ida ne’e, mos condecora, Comissário Julio da Costa Hornai, ho insigna da Ordem de Timor Leste, ba serviço hirak nebe nia presta ona ba nação, iha Commando Geral PNTL nia laran. Iha momento despedida ida ne’e, Presidente da República hateten katak Polícia Nacional de Timor Leste fo prestígio no dignidade ba ita nia rain no povo no sei kaer metin nafatin princípio sociedade ida nebe justo, livre no seguro liu. Iha tempo hanesan, liu husi entrevista ba jornalista sira, Ministro Interior, Dr. Longuinhos Monteiro relata katak, iha orgulho bot ba serviço Polícia Nacional de Timor Leste nian durante ne’e, tamba tuir pesquisa público ikus liu iha Timor Leste hateten, mais de 98% comunidade iha Timor hakarak presença Policia nian iha sira nia le’et. “Pesquisa público ikus liu hateten katak 98 % comunidade iha Timor, hakarak Policia tem que ser iha sira ninia bairo ka sira le’et’’, tenik Longuinho Monteiro. Hare ba resultado ne’e, tuir nia katak ida nebe significa confiança ida Policia hetan, ida ne’e orgulho Policia ninian no orgulho estado ninian. Ministro ne’e reforça tan katak enquando individo ida ka rua mak comete crime, commando la taka matan ba ema nebe indiciplinado, basa Policia iha ninia ordem no ninia lei atu aplica ba se deit, inclusivamente ba ninia membro sira. Iha cerimónia aniversário PNTL ba XVII ne’e, hetan participação husi Presidente da República, Prmeiro Ministro, Ministro Interior, Ministro Defesa, DR. José Ramos Horta, Brigadeiro Genderal Lere Anan Timor, membro do Governo, Corpo Diplomático no comvidados sira. (c/n)

Leave a Reply

Your email address will not be published. Required fields are marked *