shadow
Diocese de Dili > NOTÍCIAS > Notícias > Professores Contratados Sira Nebe La Liu Iha Teste, Tama Iha Plano Ministério Da Educação

Professores Contratados Sira Nebe La Liu Iha Teste, Tama Iha Plano Ministério Da Educação

DCDD – Ministro da Educação, Dr. António da Conceição, acompanha husi Presidente INFORDEPE Deolindo da Cruz, liu husi sorumutu nebe halao iha loron Quarta-Feira, dia 05 de Março de 2017 ne’e, iha salão Ministério da Educação, Vila- Verde Dili, anuncia resultado teste ba professores contratados nebe tuir ona exame.

Resultado husi teste ba professores contratados sira nebe mai husi Timor laran tomak ne’e, hatudu katak husi totalidade 3.586 nebe mai regista, iha deit 3. 535 mak tuir teste. Nune’e, liu husi comferência da Imprenssa, Ministro da Educação António da Conceição hateten, professores contratado sira nebe la liu iha teste ne’e, tuir plano ministério da educação nian, sei buka meios atu oinsa sira (professores sira nebe la liu teste) bele halo fali contrato ba serviço sira nebe iha ministério nia laran. “Teste de admissão, candidato sira nebe mak hau dehan 4.420, publicação da informação nebe mak sai, ema sira nebe mak halo registrado ba teste ne’e iha deit 3.586 pessoas”, tenis António. Nia hatutan tan, totalidade nebe menciona iha leten fahe tuir nível escola, Pre-primária, Ensino Básico, Ensino Secundário Geral no Ensino técnico Vocacional. “Husi 3.586 pessoas ne’e, fahe ba nível Pre-Escola 446 professores, nível da Ensino Básico 10, 20 e 30 síclo 2.952 professores, nível de Ensino Secundário Geral 154 professores, nível de técnico vocacional 34 professores. Sira ne’e professores sira nebe mak mai tuir teste”, Afirma Ministro da Educação. Governante ne’e mos dehan, depois de teste ne’e, resultado nebe mak hetan, sira nebe admitidos ka liu husi teste ne’e, hamutuk 2.946 professores. Enquanto sira nebe mak la liu teste hamutuk 555 professores no sira nebe mak la mai tuir teste ne’e hamutuk 85. Ne’e significa número ida ne’e tun fila fali husi 3.586 ba 3.535 professores deit mak mai tuir teste. Tuir António da Conceção katak anunciação resultado ne’e lao tuir teste nebe halo ona, katak balun liu no balun la liu. Relaciona ho professores contratado sira nebe la liu husi teste ne’e, tuir António da Conceição katak professores sira ne’e, mas que la liu husi teste, maibe ministério sei usa nafatin sira iha ministério nia laran tuir política ministério da educação nian, atu nune’e labele lori problema ba ministério da Educação. “Hau husu atu Município ida-idak hatene sira nebe mak la liu iha Município ne’e, atu hare konaba plano hodi fo responsabilidade sira. Fo plano de responsabilidade ne’e, tuir António da Conceição katak buka tuir sira ninia habilidade ou nível de Ensino atu nune’e, sira balun ba ajuda iha administração da escola no balun ba sai guarda escola nian, maibe lao tuir regras nebe ministério iha. (n)

Leave a Reply

Your email address will not be published. Required fields are marked *