shadow
Diocese de Dili > NOTÍCIAS > HOMILIA DO BISPO > MISSA CRISMAL 2017

MISSA CRISMAL 2017

“Jesus Cristo halo ita sai reinu ida nailulik sira nian ba Nia Maromak, ba nia Aman; Gloria no kbi’it ba Nia tinan ba tinan…”(antifona entrada)

Los duni basá, ita mak suku ida nebe Maromak hili, ita amlulik ran liurai sira  nian, ita nasaun Santo ida, Maromak Nia povo rasik (cf. I Pe 2,9)

Ohin ita halibur hamutuk hodi hanoin loron nebe ita Na’in Jesus Cristo haraik Nia kna’ar no moris nailulik nian ba apostolo sira no mos mai ita…

Los duni iha loron ordenação ita saran ita nia an total no sem condiação ba Maromak.

iha intervista ida nebe jornalista halo ho Padre foun (imediata depois de ordenação), saida mak nia sente kona ba ita nia ordenação sacerdotal? Nia dehan, “hau bele guarantee ba ita boot katak se hau mak mate karik iha momento ordenação nian hau iha certeza katak hau sei la liu housi purgatorio.”

Maluk doben sira ita houtu iha experiencia oi-oin, ba hau loron ida ne’e iha sentidu ida especial atu hanoin liu-liu kona ba “vocação sacerdocio” nebe Maromak haraik mai ita  ministro ordenado sira; balun lao tempo barak ona no balun foin mak hahu maibe importante mak hau fo “qualidade ba hau nia moris vocasção sacerdocio nian.” La too atu sura baut diak nebe hau halo  maibe oin sa mak hau moris  hau nia sacerdocio?

Hare ba vocação ida ne’e nian kmook no murak ne’e mak hau hakarak atu ita reflecte liu-liu kona ba ita nia an nudar,

“servo inutil nebe Nai Maromak bolu atu halao knaar misericordia Maromak Nian” (somos servos inuteis chamados para obra misericordia de Deus”;

iha primeira leitura, Profeta Isaias ho haraik an reconhece nia an “servo” ida atu lori (hadaet) Nai Nia “lia fuan diak” ba ki’ik no kiak sira; “Logicos tês charitos”, significa “palavra de amor” hanesan evangelista dehan,

todos ficaram encantados com as palavras de amor que procediam da Sua boca.”

sira nebe rona Jesus hakfodak… admira… ho lia fuan domin nebe sai housi Jesus nia futar ibun.

Iha livro apocalypse (segunda leitura) São João hare nia an hanesan  “porta voz” paz no grasa nian ; Maromak ne’e nia a’as no klean nebe sei horik nafatin iha ita le’et  housi gerasaun ba gerasaun.

“Nai nia espirito iha hau leten…

nia admite katak Nia simu espirito ida housi leten, Epirito Nai Nia. Espirito ida ne’e mak halulik nia; no espirito nebe mai housi leten ne’e mak haruka nia’ atu nia bele halao Nai Nia missão. Profeta reconhece nia an “intermedio”no São João konsidera nian an hanesan “porta-voz” Maromak nian; sira la service hodi sira nia –an ka sira nia naran;  Nia halao missão ida ne’e tuir deit Nia, ida nebe iha leten ne’e Nia  hakarak; ba São João nia papel atu comunika paz no graça hosi leten ba Nia povo; Nai nia espirito ida ne’e mai atu tulun Nia halo didiak buat nebe ispiritual nian; Nune’e mos ausencia espirito ida ne’e sei hafrako mos kna’ar espiritual nian ida ne’e.

maluk doben sira hatudu mai ita ministro ordenado sira importante oin sa, folin oin sa ita nia nutrisaun ispiritual..oin sa mac ita bele fahe ida ne’e se ita rasik la haka’as an atu hakiak…”hau la bele fo buat nebe hau la iha!”

Alem ba ita nia vida pessoal importante mos ba apostolado; Presence espirito ida ne’e atu continua marca autenticidade  no relevancia missaun kmook ida ne’e; wainhira iha espirito ida ne’e nia sei orienta ita laos buka hau nia consolação maibe Maromak Nia Gloria(consolação significa katak iha tendencia ba ita halo buat nebe fo ksolok mai ita ou koalia buat nebe ema gosta atu rona laos buat nebe ita tenke koalia duni);

Atu haklaken lia fuan diak ba sira hirak nebe hamlaha no hamrok duni ba Maromak (amo Papa nia lia fuan karik, sira nebe iha periferia)  hanesan Jesus rasik koalia iha nia bem-aventuranças, “rahun diak ba sira nebe hamlaha no hamrok ba justiça basa reino lalehan sira nian , rahun diak ba sira nebe buka lia los…”

Atu fo hikas matan ba sira ida nebe matan “delek”. Laos deit isin nian maibe liu-liu iha espirito; ba hirak nebe moris iha nakukun laran tamba sira nian fuan hadomi demais buat nebe isin nian, poder nian, fama nian  too harí sira nia mundo rasik no isola ema houtu sa tan Maromak;

Papa Francisco dehan,

“kanten mak abut ba buat a’at houto. Força osan nian mak desvia ita housi fiar nebe autentico; no halo ita lakon ita nia fiar; Osan lori ita ba prosperidade; wainhira ita diak ona, o sente ema nebe importante, nune’e vaidade hahu; vaidade halo o sente ema nebe importante; Sãon Paul dehan, “ se ema ruma hanourin karik buat nebe kontrario no la aceita ho lia fuan sira Jesus nian no nia dotrina, tuir religiãonebe los, ema ne’e matan delek tamba nia foti an, la komprende buat ida…”

Tamba preocupa liu ho buat nebe isin nian ita la too hare importancia buat nebe espirito nian tan ne’e livro Sabedoria dehan,

“o corpo que se corrompe  pesa sobre a alma, e esta habitação terrestre abate o espirito que pensa muitas coisas”. (Sab 9:15)

ne’e duni sa ida mac tenke halo? Maske ho realidade houto ne’e ita precisa nafatin fiar metin ba Maromak, livro apocalypse fo esperansa boot ida sira nebe buka atu lao tuir dalan los, dalan nebe ideal,…

“Jesus Cristo ma;i, liurai sira nian…, Nia hadomi ita, hodi nian naran hamos ita salan.”

Nia deit mac iha kbiit a’as liu no maka’as liu houto. No nia deit mak iha kbiit atu conquista  nakukun mundo ne’e nian; basá iha nia mac sasin lolos no ba ida nebe fiar iha Nia mac “sei hare oan mane nebe tun mai housi lalehan,..”(Dan 7:13) tuir visaun Daniel nian.  Nune’e mos Maromak nia promessa sei sai realidade ba ida nebe laran metin ba Maromac, “hau sei haraik ba David nia bei oan sira iha Jerusalem espirito  grasa no pentimento nian”(Zc 10:12) atu sira hatene tanis ba sira nia sala no nakfilak sira nia moris ba dalan nebe diak no los. Hanesan ne’e mac sira sei hadia an ba Nai Nia loron. Mak Loron “libertação”, loron salvasaun nian no loron ida iha nebe ita tama encontro comunhão ho Maromak.

Hau cita, São Joào Bosco nia conselho ba amululik sira nia dehan,”Amululik ida wainhira mate sei la ba mesak lalehan nune’e mos sei la ba mesak inferno, nia ba karik lalehan ba hamutuk ho sira nebe nia  salva nune’e mos nia ba karik inferno nia ba hamutuk ho sira nebe nia la consegue salva.” Ida ne’e mac tenke ser sai opsaun fundamental ba ita nia vocasaun.

“servo inutil/ “folin laek” nebe Nai Maromak bolu atu halao knar misericordia Maromak Nian” (somos servos inuteis chamados para obra misericordia de Deus”;

Amo sira ohin ita nia loron! Ita nia encontro oportunidade ida tulun malu nian no koko atu mehi ba figura amuluik ida nebe “ideal” :

“a identidade do sacerdocio deriva, portanto, da participação especifica no sacerdocio de Cristo, pelo qual o ordenado se torna, na Igreja e para a igreja , imagem real, viva e transparente de Cristo Sacerdote…”por meio da consagração , o sacerdote como dom um “poder” espiritual que é participação na autoridade com a qual Jesus Cristo, mediante o espirito guia a Igreja.”(dvp#2)

Amululik ida hakarak ga lae nia participa iha Cristo nia sacerdocio atu servisu iha Kreda ne’e duni nia presenca ne’e real, moris no transparente. Ita nia vocação laos deit atu exerce kna’ar ida maibe liu-liu atu configura ita nia an tuir Cristo; halo Cristo moris iha ita; koko atu moris oin sa ema seluk bele hare Cristo iha ita laos deit iha buat nebe ita celebra maibe iha moris hanesan lia fuan nebe ita rona iha loron ordenação nian “…hanourin buat nebe o fiar, moris tuir buat nebe ó hanourin.”

Tinan-tinan wainhira ita halo renovasaun iha dialogo ho bispo iha ponto rua sobre sai:

primeiro husu amu id-idak nia disponibilidade atu banati besik liu tan Cristo; disponibilidade total ba Maromak ne’e katak ita nia la sura kole no sura forsa, “ita nia sasukat atu sukat ita nia saran –an ba Maromak ne’e mak saran ba la ho sukat, “la iha rohan.” Hau laos atu inventa ou gava maibe atu partilha deit experiencia tinan kotuk nian wainhira sei foun los iha Lecidere neba, amululik hirak nebe idade oituan ona mai no apresenta sira nia an no sira nia servisu; houto  tiha dehan amu, “agora hau depende ba ita boot, se ita iha kna’ar foun hau pronto atu halo!

Segundo badinas servi Maromak no maluk sira liu housi sacramento sira. São João Paulo II, dala barak apela ba jovem no sarani sira atu keta tauk atu lao tuir Maromak nia hakarak. Ba hau problema laos “tauk” maibe “baruk.” Keta baruk atu reza missa, keta baruk atu visita moras, keta baruk atu tur iha confessionario, basá missa ho confessa ne’e amululik deit mak bele halo.

Molok atu termina hakarak fo hanoin tan dala ida mai ita houto kona ba, parte ki’ik oan ida housi, exhortasaun misericordia et misera, husu amululik sira atu keta baruk atu disponivel an ba atu fahe Maromak nia perdaun ho maluk sira. Tan ne’e nia propoen ba amululik sira atu ,

hakiak atetude sira wainhira rona confessa: “hau husu imi atu acolhe ema houto, sasin kona ba domin Aman ninian maske sala boot oin sa, fo atensaun ba penitente hodi tulun nia reflecte kona ba nia sala, claro hodi apresenta mos ba nia principio moral  sira, disponiveis atu acompanha ho paciencia iha sira nia viagem penitencia nian, hanoin dook hodi halo discernimento no generoso atu despensa Maromak Nia perdaun;”

Hare kona ba ita nia kna’ar ne’e ita dada I’is duni maibe ita agradece ba Maroamak nebe hili tiha ona ita ba amululik ran liurai no halo ita sai reinu ida nailulik nian maske ita ema inutil. Tan nia confia iha ita mai ita mos buka nafatin atu la lakon confiansa nebe deposita ona iha ita hodi renova nafatin ita nia an no liu housi intercessaun Liurai  Feto Nailulik sira nian tane no bali ita houtu metin nafatin ba aliansa Santo nebe ita halo tiha ona ho nia oan.

Leave a Reply

Your email address will not be published. Required fields are marked *