shadow
Diocese de Dili > NOTÍCIAS > Notícias > Inan Aman Iha Responsabilidade Máximo Atu Controla Oan Sira Usa Meios Comunicação

Inan Aman Iha Responsabilidade Máximo Atu Controla Oan Sira Usa Meios Comunicação

Preocupação ne’e fo sai husi Comissária Nacional Direito ba Labarik, Dra. Maria Barreto ba Jornalista sira, wainhira sai hanesan apresentadora ba socialização Plano Ação ba Labarik (PAL), nebe organiza husi Secretário Estado Juventude no Desporto ho UNICEF iha Timor Leste, iha Hotel JL. Vila, loron 18/04/2017 foin lalais ne’e.

Ohin loron ema hotu moris iha mundo digital ka mundo teknológico. Ho realidade moris ida hanesan ne’e, halo ema hotu, labarik (minoridade), jovem eh idade avancada sira, ida-idak usa sira nia liberdade hodi hakarak sente furak saida maka mundo tecnologia fo. Mas que furak, sempre iha ninia posetivo no negativo. Atu hadok an husi hahalok negativo ninian, liliu iha idade nebe la mereçe (minoridade), maka Comissária Nacional Direito ba Labarik, Dra. Maria Barreto, iha entrevista ho jornalista sira dehan inan-aman sira iha responsabilidade tomak atu tau matan ba oan sira no hanorin sira ho hahalok posetivo nian no haruka sira ba escola atu apreende. “Husu ba inan-aman sira nebe facilita telephone ba iha oan sira, husu atu ita hotu iha responsabilidade controla labarik sira acesso ba mídia ne’e”, dehan Maria. Preocupação ne’e, Maria Barreto foti tamba hare iha parte meio de comunicação, liliu mídia online ninian, dala barak liu mak labarik sira uza laos atu buka referência (posetivo nian), maibe sira acesso fali ba canal seluk nian. Comissária ne’e reforça tan katak inan-aman sira precisa controla ba oan sira tamba dala barak labarik sira tama iha mídia online ne’e, bele acesso ba iha referência sira no atu halo comunicação iha mídia, maibe mos dalaruma sira buka acesso ba iha buat seluk ka síclo seluk nebe tuir lolos la mereçe atu hola parte ba. Ho realidade ida hanesan ne’e, oinsa atu resolve problema mídia online nebe mak dala barak ema uza ba liu necessidade negative nian, tuir Comissária Nacional Direito ba Labarik, Maria Barreto, katak ne’e questão ida ne’e, preucupação ita hotu nian, atu oinsa mak buka dalan hodi foti medidas atu taka ka hapara tiha mídia online ne’e. Nia hatutan tan, atu hapara mídia online ne’e la facil, tamba ne’e precisa parte hotu ninia serviço hamutuk, no precisa iha documento legal ida. Tamba hare ba influência husi mídia online ninian ne’e, dala barak maka ema acesso liu ba buat negativo nian, compara ho conhecimento posetivo nian. Nune’e, Comissária Direito ba Labarik ne’e sublinha liu tan katak familia mak tem que iha responsabilidade máximo ba iha lalaok oan sira nian, tamba tuir Maria katak telephone (camera) sira nebe oan sira usa ne’e dala barak liu inan-aman sira mak sosa hodi fo ba oan sira. “Ho situação sira ne’e hotu, iha Timor leste  ita hare katak iha labarik balun mak acesso, mas que processo atu prevene ne’e, sei iha discução hela, no iha ona ideia no hanoin ruma ba assunto ida ne’e, maibe atu husu liliu ba iha inan-aman sira, nebe mak facilita telephone ba iha oan sira, oinsa mak ita hotu-hotu iha responsabilidade no controla labarik sira acesso ba mídia ne’e”, esclareçe maria Barreto. (N)

Leave a Reply

Your email address will not be published. Required fields are marked *