shadow
Diocese de Dili > NOTÍCIAS > Notícias > Plano Ação Nacional Labarik ba Tinan Lima oin mai

Plano Ação Nacional Labarik ba Tinan Lima oin mai

SECOMS serviço hamutuk ho Unicef iha Timor Leste, organiza consultacão ho Mídia sira, ho ninia tema Plano Ação Nacional Comissão Direito ba Labarik no Papel Mídia, iha JL. Vila, Delta, Dili, Terça Feira, 18 de Abril tinan ne’e. Objetivo husi sorumutu ne’e, tuir Comissária Nacional Direito ba Labarik, Dra. Maria Barreto mak atu hare liu ba papel mídia sira nian, atu bele iha consciência nomos iha compreenção ida nebe mak diak ba iha asssuntos direitos labarik no assunto plano ação ba labarik (PAL). Nune’e mos, discemina ou divulga nafatin ba público oinsa proteção labarik sira husi violação infatil nebe cobre áreia hotu-hotu.

Liu husi apresentação Comissária Nacional Direito ba Labarik, Dra. Maria Barreto dehan, iha tinan 2003, Governo Timor Leste aprova ona Convenção Direito Labarik ho ninia protucolo rua: primeiro mak protucolo opcional ba fa’an labarik sira, prostituição labarik no pornografia labarik; Segundo mak protucolo opcional ba involvimento labarik sira iha conflito usa kilat. Nia hatutan tan iha 2007 Governo Timor leste haruka relatório dahuluk ba CDLONU (Comite Direito Labarik ONU); enquanto relatório daruak no datoluk nian, iha tinan 2013. Husi submissão relatório ne’e, Governo Timor Leste hetan recomendação husi CDLONU, atu oinsa Governo Timoir Leste desenvolve Plano Ação Labarik (PAL). Nune’e PAL hanesan oportunidade ba gverno atu indica ação saida mak governo hola para hatan sujestão husi CDLONU nian. Questão seluk nebe Comissária ne’e hatan ba problema ka violação sira nebe hasoru labarik iha Timor Leste, nia dehan ita iha ona código penal no código civil, nebe atu protégé labarik sira, problema mak iha ninia implementação. “Ita iha lei balun nebe mak menciona konaba ida ne’e, nune’e mos ita iha ona código civil nebe atu hare ba labarik sira nebe mak hetan abandona husi inan-aman sira. Pelo menus ita iha ona lei, problema iha implementação ba lei ne’e mak sai hanesan obstáculo bot ba ita oinsa atu fo proteção ba labarik”, tenik Maria Barreto. Ho preocupação ne’e, Comissária Nacional Direito ba Labarik, husu ba mídia sira atu halo advocacia nafatin ba assunto implementação ba lei nebe mak iha ona, nune’e mos husu ba autor judiciário sira tau consideração. Enquanto iha questão seluk hanesan trabalho infantil nian nebe labarik timoroan sira halo hela, Comissária ne’e dehan ita hein hela lei nebe iha SEFOPE, para atu acelera lalais lei sira proteção ba labarik ne’e, atu nune’e bele sai hanesan base legal ida para bele foti ação prevenção ba risco. “Tanba ne’e, maka ita hein hela lei ne’e, para atu finaliza lalais iha SEFOPE neba, depois lori ba halo apresentação iha Conselho Ministro no Parlamento Nacional, para it abele iha lei ida, iha base legal ida, nebe mak protégé ba ita hotu nebe mak iha compromisso atu protégé no prevene labarik husi risco sira ne’e”, dehan Baria Barreto. Nia hatutan tan katak base legal laiha, labele foti medidas imediatamente labele. Ida ne’e, laos deit ba iha trabalho infantil nian, maibe ia area hotu nebe afeta ba violação hasoru labarik. Iha fatin seluk representante SECOMS, sr. Luis Soares hateten Secretário Estado COmunicação Social iha comitmento bot atu parceria afatin ho agencia internacional sira hanesan UNICEF, CNDL, atu promove no hatoo nafatin informação no divulgação konaba direito labarik iha Timor laran tomak. Nune’e mos representante UNICEF Sr. Deshire yungsma, liu husi entrevista ho jornalista sira hatete UNICEF serviço hamutuk ho governo atu fo educação nebe relevante ba labarik sira no buka oinsa dalan oinsa bele muda labarik sira ninia moris diak. (N)

Leave a Reply

Your email address will not be published. Required fields are marked *