shadow
Diocese de Dili > NOTÍCIAS > Notícias > Rede Ba Rai (RbR) Ho Membro 24 Husu Presidente da República Promulga Lalais Pacote Lei Ba Rai

Rede Ba Rai (RbR) Ho Membro 24 Husu Presidente da República Promulga Lalais Pacote Lei Ba Rai

Governo no Estado iha preocupação boot oinsa halo desenvolvimento ba rai ida ne’e ho projeto sira, povo ki’ik sira dalabarak liu halerik ba estado ou governo, oinsa sira ninia direito hanesan nain ba rai. Ho preocupação hirak ne’e, Rede ba Rai (RbR), liu husi conferência da imprenssa ho ninia membro 24, nebe composto husi NGO local, Internacional, UNAER nomos individo balun, hakarak husu ba Presidende da República promulga lalais  pacote lei ba rai atu nue’e labele lori desastre ba povo Timor Leste. Conferência da Imprenssa ne’e halao iha sede Fundação Haburas, loron 18 fulan Abril tinan 2017.

Objetivo husi conferência ne’e, Rede ba Rai hamrik ho posição ida, hakarak Presidente da República promulga ona pacote lei ba rai, nebe tuir Rede ba Rei katak pacote lei ba rai ne’e suficiente ona atu protégé povo nia direito hanesan nain ba rai no hela fatin. Pacote lei 3 ne’e mak hanesan: Regime Especieal ba Definição Titulares ba Soin-Imóvel; Expropriação ba Utilidade Pública no Base Ordenamento Territorial. Nebe iha loron 4 fulan Abril 2017 ne’e, Presidente da República haruka ona ba Tribunal Supremo Justiça, hodi halo apreciação preventiva no fiscalização abstrato. Nune’e, liu husi conferência da imprenssa, coordenadora ETM RbR (Rede ba Rai), Inês Martins dehan durante ne’e Rede ba Rai observa katak iha debate Parlamento nian, claro katak iha Conselho Ministro iha mudança balun hanesan hasai tiha capítulo 8 husi lei ne’e, maibe Rede ba Rai buka dalan oinsa hakbesik an ba ministério Justiça no Comissão A, ikus mai tau fali princípio balun nebe fo ênfase katak tem que cria condição ates atu halo despeso. Inês Martins hatutan tan, hare situação atual nebe lao iha Timor Leste, liliu ho processo sira nebe mak foti comunidade sira nia rai sem indiminização no justo e sem consultação nebe klean, ne’e tem que para ona. Nune’e, hakarak ka lakohi Timor Leste precisa iha lei ba rai, nebe bele regula katak processo sira tem que lao ho justo, tuir ema ida-idak ninia competência no ninia direito. “Hare iha situção ne’ebe mak actual lao iha Timor Leste, liu-liu ho processo nebe mak lao foti comunidade sira nia rai sem iha indiminação no justo, sem iha consultação, nebe mak klean, ho ida ne’e mak ita hanoin buat sira ne’e maka ita tem que ser para ona, no iha lei ba rai ne’e atu bele regula katak processo sira ne’e tem que Justo no tuir duni ema ida-idak nia competência no tuir duni ema ida-idak ninia direito”, haktuir coordenadora RbR. Nia hatutan tan katak iha parceiros balun haktuir katak rai comunidade sira nian hanesan iha Oecusse no Suai, balun mak afeitado ba projeto sira, hanesan ZEESM Oecusse (central elétrica Inur Sacato, nebe afeta iha uma kain ou familia walu (8), residência RAEOA, hari construção hotel no ikus liu mak caso Oesono, nebe dehan atu hari uma social, ba uma atus rua nebe afetado ba construção ZEESM.) no Suai nian, Projeto Tasi Mane (construção Aeroporto Suai, nebe afeta comunidade sira ou familia 72 mak muda sai ba uma nebe governo prepara, maibe tuir informação katak governo sei iha plano atu muda tan comunidade ou familia 65, tamba ho razão katak besik hela Aeroporto sorin). Hare ba questão sira ne’e, mak Rede ba Rai husu ba Presidente da República atu promulga lalais pacote lei ba rai 3, nebe menciona ona iha leten, tamba se Presidente da República la promulga lalais lei rai e’e, ne’e desastre bot ba povo. “Ho buat sira ne’e hotu, mak ita precisa duni lei ba rai ida. Tamba, se lei ba rai actual ne’e mak la promulga então ida ne’e mak desastre boot ba povo Timor leste, desastre boot tamba preocupa sei hein tan governo nebe foun, sira sei forma no hare fali sira nia estrutura, ida ne’e mos tempo lao kleur entaun ida ne’e mos sei afeta mos ba desenvolvimento nebe mak lao foti komunidade sira nia rai”, tenik Inês. Nia clarifica tan katak alende ida ne’e, iha mos lei expropriação, parte indiminazação nian, koalia katak projeto sira ne’e maka realiza tiha ona ida ne’e sei la hetan indiminazação, no ida ne’e sai hanesan desafios boot ba comunidade katak se lei ne’e ita la promulga agora. (N)

Leave a Reply

Your email address will not be published. Required fields are marked *