shadow
Diocese de Dili > NOTÍCIAS > Notícias > Haksolok Laos Tan Presença Bispo, Maibe Tamba Cristo

Haksolok Laos Tan Presença Bispo, Maibe Tamba Cristo

DCDD – (28/04/2017). mensagem hirak nee Dom Virgilio do Carmo da Silva tatoli ba sarani sira Paróquia São José Atsabe iha nia visita ba loron uluk nian iha Paróquia refere.  Bispo hateten: Cristo mak tenki sai motivo ba ita nia ksolok ohin aban bainrua no ba nafatin. Cristo mak tenki sai razão ita nia ksolok. Santo Padre Francisco comvida ita hotu husi labarik, foinsae, katuas no ferik, inan aman keta baruk atu bele descobre ksolok nebe los. Ksolok nebe los nee ita hetan deit iha Maromak Nia Lia-Fuan, hetan iha Jesus no hetan iha Eucaristia.

Bispo reforsa tan katak: Tamba sa mak ita nia amo Papa husu ita atu descobre ksolok nebe los? Papa dehan nunee tamba ema ba buka ksolok iha fatin barak. Balu hanoin dehan iha motor, iha telefone, iha kareta, iha osan, iha uma diak, iha família diak contenten ona, maibe ita nia Amo Papa dehan: contente ida nebé mai housi sasan nee ita hanaran temporário deit.

contente nee mos laos ita hare ba malu hamnasa deit, maibe contente nee precisa mai husi laran maski ita moris kiak, laiha buat barak maibe iha laran nee ita bele hetan Jesus iha ita nia fuan, ita bele lori Jesus ba ita nia família, lori Jesus ba ita nia maluk sira ida nee mak ita dehan contente nebe los.

Iha biban hanesan Bispo hateten: hau agradece ba Pároco no autoridade sira tomak nebe bele cria programa ida nee hau bele hamutuk ho imi durante loron tolu nia laran (28 – 1) de Maio tamba hau lao quase hotu ona Paróquia hotu nebe pertênce ba Diocese Dili nian; e Atsabe mak ita bele dehan Paróquia tolu ikus nian ona.

Hau dehan ikus nee laos dehan la fo importância baibain ema dehan ida nebe ikus mak sei sai uluk nee significa ida ikus nee mak importante liu. Tan nee hau contenete ohin bele halibur ho ita boot sira iha Paróquia São José Atsabe.

Leave a Reply

Your email address will not be published. Required fields are marked *