shadow
Diocese de Dili > NOTÍCIAS > Notícias > Pe. Ângelo Oficialmente Lança Abertura ba SENOFA CUP

Pe. Ângelo Oficialmente Lança Abertura ba SENOFA CUP

DCDD – Seminário Nossa Senhora de Fátima Balide (SENOFA), Tersa-Feira Lorokraik (02/05/2017), oficialmente halao abertura ba actividade sira físico nian hanesan; Fotebol no Basquetebol hodi comemora no celebra festa aniversário Seminário Menor Balide nebe hamahan an iha Nossa Senhora De Fátima ba dala 63. Iha evento refere Participa housi Escola Secundária Anur, Herois de Pátria, 4 de Setembro, 5 de Maio, 28 de Novembro, Cristal, Paulos VI, São Pedro, São José Operario, Alumni Senofa no mos uma nain Senofa.

Iha biban nee, Pe. Ángelo Salsinha nudar Reitor ba Seminário Menor Balide esplica katak: Hau hanoin buat ida importante ita celebra iha fulan ida nee maka: celebração tinan 100 Nain Feto mosu iha Fátima no mos ita Timor celebra mos tinan 500 iha Timor-Leste. Fruto ida housi tinan 500 nee missionário sira rai hela mak Seminário. Tan nee Seminário tinan nee comemora nia aniversário ba dala 63. Tamba nee mak hakarak loke eventos hirak nee hodi partilha ksolok nee ho maluk sira.

Pe. Reforsa tan katak:evento nebe realiza iha tinan ida nee sei diferente uituan katak, imi hirak nebe mak sei liu no tama iha final ita sei halo Carantina. Caratina katak loron tolu imi nia formação iha laran han hemu, toba fatin no formação hot hotu iha ne’e no imi sei aprende saida mak Seminarista sira aprende, imi sei koko saida mak Seminarista sira koko iha vida. Ho ida nee atu forma imi nia-an, caracter no displina oinsa atu joven ida lolos. Tamba nee iha carantina ami sei hanorin imi hanesan Seminarista significa; han buat hotu iha horas no iha fomação durante loron tolu nia laran panitia sei prepara imi no organiza imi no sei halo imi nia tempo tomak nakonu ho actividade sira iha fatin ida ne’e.

Pe. Sublinha tan katak: Desporto iha ne’e, ami la forma deit atu tebe bola deit, maibe oinsa mak formação ba mentalidade nebe intergrado, forma jovem ida nebe sai housi fatin ne’e nia aprende buat barak ba nia vida liu-liu nia aprende kona ba valor Desporto iha Comunidade, iha nia-an no ba nia futuro.

Iha ocasião nee, Pe. Ângelo Salsinha nudar Reitor Seminário Menor balide hatoo sentimento ksolok no benvindo e boa sorte no husu ba foinsae hirak nee atu hatudu ida nebe melor iha Joga durante actividade nee lao. (A)

Leave a Reply

Your email address will not be published. Required fields are marked *