shadow
Diocese de Dili > NOTÍCIAS > HOMILIA DO BISPO > ”O Homen Comum Fala, O Sábio Escuta, O Tolu Descute”

”O Homen Comum Fala, O Sábio Escuta, O Tolu Descute”

Ema Baibain Koalia, Ema Matenek Rona, Ema Nebé Matenek Oituan Discute.

DCDD ATSABE – Dom Virgilio hateten: Iha matenek sira husi oriente iha sira nia sabedoria ida dehan hanesan ne’e: ”O homen comum fala, o sábio escuta, o tolu descute” ema bai-bain koalia, ema matenek rona, ema ne’ebe dehan matenek ne’e oituan deskuti. Hau la hatene ita tau ita nia-na iha ne’ebe. haktuir Dom Virgilio iha Festa Paróquia São José Atsabe (01/05/2017).

 

 

Dom Virgilio hateten: Amo papa Pio XII iha 1955 iha dia 1 de Maio, nia fihir loron ida ne’e sai loron Trabalhador ninian e nune’e mos laos fihir deit ba loron trabalhdor nian, maibe ida ne’e mos sai hanesan nia fihir São Josè nu’udar mahein ba trabalhador Creda universal. ne’e dunu São José laos sai deit mahein ba sarani Paróquia Atsabe, maibe nia mos sai mahein ka protector ba trabalhadores iha Creda tomak iha mundo rai klaran. Tuir historia ne’e dehan São José ne’e mai husi família riku ”nobre”, maibe ema nebé simples, ema nebé hamtauk Maromak, ninia ran liurai ne’e tamba sa? tamba hanesan dala barak ita rona iha Bíblia nia mai husi Liurai David ninia oan, liurai David ninia Uma kain, ema nebé hamtauk Maromak laran mos hatudo ninia prontidão atu simu Maria nudar nia kaben maske sira nia cultura la permite. José ninia simplicidade hatudo nia knar, nia halo iha sociedade, hanesan ita dehan nia halo saida nia laos político nia badaen ai nia oan ida, laos knar extraodinário, maibe nia ema baibain liu husi servisu mak nia foti ema, foti dignidade nudar Maromak oan. Razão tamba sa mak tenki servisu? hodi servisu foti ita ema nia dignidade nudar Maromak nia oan tamba sa? Ema nebé badinas servisu la mate hamlaha. Tan ne’e iha ita nia expreção Timor nian dehan: ”servisu hanesan atan maibe han hanesan malae”, maibe agora ne’e troka tiha buat ne’e halo an hanesan malae maibe han hanesan atan. Los duni dalabarak ne’e ita lakohi atu liman foer, moris hanesan ema riku, maibe ita nia liman mamuk

Dom Virgilio haktuir mos katak: O lori o nia badinas mak o muda o nia moris, tan se o badinas mak foti as o nia naran ema hatene o, hau hatene ida ne’e sei acontece iha Atsabe, maibe isu iha fatin ida hau pernah servisu iha neba dala ida dada lia ho katuas sira dehan: katuas tamba sa mak imi nia tós ne’e barak, maibe modo ne’e imi ba sosa fali iha Dili mak lori mai? katuas dehan: Amo ami agora katuas hotu ona servisu labele ona foti aisuak katana mos tur kotuk kleuk, diak liu han deit buat ida fos MCTI ne’e baratu liu. Nusa mak jovem sira bar-barak la servisu? katuas dehan: Amo jovem sira agora ne’e la hanesan katuas sira uluk katana ho aisuak ne’e katuas sira uluk nian, jovem sira agora ne’e aisuak ho besi mak telefone ho computer. Aisuak ho katana ne’e laos sira nia lisan ona. Dala barak iha ita nia moris ita lakohi servisu, maibe saida mak ita halo, ita iha motor, ita iha telefone, sae motor maibe apa ho ama mak tau mina, uza telefone maibe tane liman ba apa ho ama atu enxe pulsa, ida ne’e laos jovem no ida ne’e mos laos Timor oan. sê atitude ida ne’e mak iha nia foin sae sira nia leet, ita precisa corije hahalok hirak ne’e, tamba Timor ema servisu nain, ema nebé laos gosta tane liman, maibe ema nebé hakarak nia liman laran mak tenki kaer uluk, tane liman ne’e ita moe atu tane liman ba ema. Tan ne’e, hau hanoin geração foun sira tenki ser sente orgulho wainhira imi uza telefone imi mak sosa duni pulsa, imi sae motor imi nia kosar-ben duni, ida ne’e mak dehan katak jovem ida foti nia dignidade, laos dignidade uja ema seluk ninian dignidade motor leten, ida ne’e laos Timor oan, laos mos sarani. Ita servisu foti ita nia dignidade katak ho servisu halo hau sai ema nebé independente iha economia rasik ba hau nia an. Hau tenki servisu la depende deit ba ema seluk, são Jóse laos deit ema nebé servisu, maibe São José ema ida nebé mos hamtauk Maromak nia tau buat rua ne’e hamutuk servisu ho Maromak buat rua ne’e lao hamutuk, hanesan iha Santo ida dehan ne’e ema nebé servisu nia bele halo osan 2 ba osan 4 dolar no ema nebé servisu no reza osan 2 dolar nia bele multiplica ba 4 dolar, maibe ema nebé servisu deit la reza nia iha osan 4 dolar sei laos sae maibe tun fila fali ba 2 dolar, ne’e dehan ita ema servisu waihira servisu ho Maromak tuir Maromak ninia hakarak, tuir Maromak ninia planu oituan nebé ita halo ne’e sei sai diak, maibe ita halai mesak o bele iha buat barak maibe o nia servisu ne’e sei monu deit.

Dom Virgilio haktuir tan: São José figura ida ne’ebe as, figura ida ne’ebe ita hotu admira laos deit sarani iha Paróquia Atsabe sai deit iha Creda Universal, ema hotu hare ba São José hanesan figura ida ne’e importante. Sê ita le karik iha Bíblia São José koalia dala hira? São José la iha liafuan ida ne’ebe sai husi nia ibun, buat hotu ne’ebe hakerek refere mak São José halo ema ne’ebe siléncio ou nonok. Tan ne’e mak expressão ne’ebe hau dehan: laiha hakilar ne’ebe as no forti liu duque nonok nia lian.

Dom Virgilio dehan: Ohin ita mos iha festa são Jóse ninian, iha mos ita nia alin hirak nebé iha ne’e, atu simu sacramentu krisma, hau la tenta atu koalia buat seluk maibe hakarak atu apresenta nafatin ba sira nain 300 resin atu krisma ne’e, hare ba são Jóse laos hare deit ba estatua, hare ba imagem são Jóse ninian nudar ema ida nudar santo ida, saida mak ita hare iha ne’e, nia ema ida hamtauk nafatin ba Maromak iha ninia moris tomak buat hotu nebé nia halo buka atu hare Maromak iha nia vontade, hare Maromak nia vontade iha ninia moris. Atu hare hatene tau nafatin imi nia konfiansa iha Maromak.

Dom Virgilio haktuir tan: Hau koalia liu ba jovem sira nebé atu halo Crisma jovem sira 300 resin iha katuas oituan maibe iha jovem mak barak. Dalabarak mos sira iha dilema tamba sira balu ne’e iha namora iha letra A to Z, António dalaruma ninia namora ne’e husi Ana to Zelia iha hotu kedas, Zelia mos dalaruma iha ninia namora ne’e husi António to Zacarias iha hotu kedas. Dalaruma nia lahatene atu hili los ida nebé mak diak ba nia? ne’e mak dehan dilema. Iha dilema hanesan ne’e atu hili saida, maibe dalabarak mos dilema nebé hau hakarak koalia iha ne’e laos atu koalia dilema sira ida ne’e, ne’e imi hatene atu hili los ida nebé, maibe dalabarak mos dilema koalia kona ba buat nebé moral ninian, koalia konaba mate, koalia konaba moris, liu-liu ba imi foin sae sira atu simu dadaun Crisma, tamba dilema sira nebé imi precisa iha momento nebé ruma nebé imi tenki hili, hili mate ka hili moris! (C+Q)

Leave a Reply

Your email address will not be published. Required fields are marked *