shadow
Diocese de Dili > NOTÍCIAS > LETURA DIÁRIA > 6A SEMANA IHA PÁSCOA

6A SEMANA IHA PÁSCOA

ANO A

 

Primeira Leitura       Act. 16, 11-15;

Lia housi livro Apóstolo sira nia hahalok

Iha loron hirak nebá, Paulo ho ami ho nia maluk sira seluk, ami sai housi Tróade hodi ba lós Samotrácia. Iha loron tuir mai, ami liu ba Neápoles hodi ba to’o Filipos, cidade boot no furak iha Macedónia, iha Roma nia ukun. Ami hela loron ruma iha cidade ne’e. Iha sábado, ami sai housi cidade hodi ba mota ida nia ninin hodi hanoin katak iha fatin ida atu halo orasaun. Iha ne’e ami tur hodi hahu ko’alia ba feto lubun ida nebe halibur malu iha fatin ne’e. Feto ida naran Lídia, ema faan-dor hena seda púrpura housi cidade Tiatira nian nebe loron kalan hahi hana’i Maromak; nia hahu rona buat nebe ami hateten ba sira. Maromak loke nia fuan atu nia bele simu liafuan be Paulo haklaken. Wainhira ho nia famÍlia tomak simu tiha baptismo, nia husu ba ami nune’e: “Imi hanoin duni karik, katak ha’u mos Maromak Nia oan ida, ne’e  sa,  mai hela iha ha’u nia uma”. Nia husu barak tebes atu ami hatan ninia  hakaran.

Maromak Futar Lia.

 

Salmo Responsorial                                                                                         149, 1-2. 3-4. 5-6a.9b;

Refrão : Na’i hadomi Nia povo! Repete-se

Hananu ba Na’i knananuk foun ida, assembleia santo sira nian hahi Nia.

Israel haksolok iha Na’i be hakiak nia; Sião nia oan sira haksolok iha nia Liurai.

 

Haklalak hahi Nia naran, hananu hamutuk ba ita Maromak.

Na’i hadomi Nia povo, Nia sei fo prémio manan nian ba ema haraik-an sira.

Haksolok ema laran mos sira, Maromak Nia Santo sira haksolok;

basá hahi hana’i la hotu housi sira ibun. Ne’e mak Na’i Nia emar sira nia gloria.

 

Aclamação

Refrão:           Aleluia, Aleluia … Repete-se

                        Na’i dehan: “Espirito lialos nian, nebe mai housi Aman,

Nia mak sei sasin ba Ha’u, imi mos sei fo sasin”.

 

 

Evangelho :                                                                                                                Jo. 15 : 26-16:4b

+ Na’i Jesus Cristo Nia Evangelho nu’udar S. João haktuir

Iha tempo nebá, Jesus lia tun ba escolante sira, dehan: “Uainhira Tulun-Na’in mai, nebé Ha’u sei haruka housi Aman, Espirito lia lós nian, nebe mai housi Aman, Nia mak sei sasin ba Ha’u. Imi mos sei fo sasin, tamba imi hela ho Ha’u hori uluk kedas. Ha’u hateten sai liafuan hirak ne’e ba imi atu imi keta laran susar. Sira sei duni sai imi housi sinagoga sira; iha loron ikus uainhira to’o oras, sira nebe oho imi, ida-idak sei hanoin katak buat aat be sira halo, sira halo hodi hahi Maromak. Sira sei halo nune’e, tanba sira la hatene Ha’u Aman, no mos la hatene Ha’u. Maibé Ha’u hateten liafuan hirak ne’e ba imi, atu uainhira to’o nia oras, imi hanoin hikas fali buat nebe Ha’u hateten ona ba imi.”

Lia Maksoyn.

Leave a Reply

Your email address will not be published. Required fields are marked *