shadow
Diocese de Dili > NOTÍCIAS > HOMILIA DO BISPO > NA’I JESUS SA’E BA LALEHAN-ASCENÇÃO DO SENHOR

NA’I JESUS SA’E BA LALEHAN-ASCENÇÃO DO SENHOR

NA’I JESUS SA’E BA LALEHAN-ASCENÇÃO DO SENHOR

 

Iha historia antigo ida Hebreu sira nian haktuir nune’e:

hau buka rai ida ida nebe furak, iha nebe la kuran ai-han nune’e mos serviço:rai lalehan nian. Hau buka rai ida furak tebes duni, iha nebe  la iha terus no miseria, rai lalehan nian. hau buka hela dadaun rai ida, hau dere tiha ona, hodi harohan no tanis iha odamatan lalehan nian…..iha LIAN ida nebe housi odamatan kotuk dehan mai hau, sai husi ne’e, dok housi nee’e,  basa hau haksumik an iha kiak sira leet. Buka hela dadaun rai nebe furak los ne’e , iha kiak sira nia leet, ami hetan duni ODAMATAN LALEHAN NIAN.”

 

Ohin ita celelebra festa Ascenção do Senhor (ita Nain Jesus Cristo sae ba lalehan);ita haksolok  no hahi Maromak ba buat nebe ita haklaken kona ba Jesus iha oração “CREDO” ( hau fiar) iha Misa nebe dehan:

Nia sa’e ba lalehan tur iha Aman Maromak Nia sorin kwana.”

Maibe lia fuan “murak “ hirak ne’e atu dehan los saida?

Lia fuan murak hirak ne’e hetan nia sentido iha celelebração festa Ascenção do Senhor, ne’e duni mai ita haklean oituan.

iha loron ida ne’e ita haksolok basa Jesus bolu ita hotu atu participa iha Nia gloria nune’e mos saran mai ita kna’ar ida atu lori sira seluk ba fatin neba;

Jesus wainhira tama tiha ba lalehan nia la taka odamatan ba Nia an maibe Nia husik odamatan loke luan hela ba ema hotu. Finalidade Santa Creda estabelece loron ida ne’e laos deit atu celebra Jesus nia entrada ba Nia gloria, maibe atu celebra entrada Nia oan sira nian mos , basa “bolu/ chamada” ida ba ema hotu, ema barak mac goza ona, Jesus nia gloria.

Se hau husu karik ita boot sira entre leitura tolu nebe foin ita rona ida nebe mak apropriado liu ba festa ida ohin nian? Karik ita boot sira sei dehan kedas, primeira leitura, basa, iha Actos do apostolos haktuir saida mak mosu iha loron ascenção nian.

Maibe sarani sira antigo sei tau evangelho hanesan sira nia preferência, basa mensagem “nucleo”ne’e falun hela iha evangelho. Ba sarani sira , bainhira, iha nebe no oinsa mak Jesus manifesta nia an ne’e la dun importante, … importante mak ida ne’e:

Ema barak hare duni katak Jesus ne’e moris hias housi mate; housi nia mate lori perdão ba ema hotu; no ikus liu bolu ema hotu atu participa iha Nia gloria;

Bolu ida ne’e mak ohin sai claro liu tan mai ita iha evangelho,”

kbiit iha lalehan no rai fo tomak mai hau, ne’e duni , imi ba hanourin rai hot-hotu, sarani sira , hodi Aman, hodi Oan no hodi Espirito Santo sira naran no hanorin sira halo tuir buat hotu nebe Hau haruka!”

Sarani sira la considera kna’ar ida ne’e hanesan “NAHA NEBE TODAN” maibe “privilégio”: sira sei tama ba nia gloria hodi halo tuir didiak “fiel” ba kna’ar nebe saran ona ba sira nia liman;

 

 

Iha primeira leitura ita hare oinsa apostolo sira hasa’e lia ba Jesus,

“oras ne’e mak ita boot sei foti, hodi hahi povo Israel?”mas que Jesus dehan, lae. Maibe ho sira, nia estabelece reino ida; laos reino ida nebe hanesan sira hein (reino ida iha rai ne’e nian, reino atan no liurai nian) maibe reino ida iha nebe, ema hotu sei participa, reino Maromak nian;  ida ne’e mak kna’ar nebe Jesus saran ba nia apostolo sira liman , atu lori  ema hotu ba reino lalehan. no ida ne’e ma razão nebe a’as liu mai ita nia ksolok..

Tan ne’e,   Nain Jesus Cristo  nia  sae ba lalehan mak parte integral iha fiar sarani nian.

Maibe iha realidade ita la dun fo importância, los ga lae? hanesan wainhria ita celebra festa sira Natal nian. Tamba, Iha ema balun, hanoin, “ita LA celebra ita Nia maksoi nebe BA, maibe ita iha tendência atu haksolok ho ida nebe MAI.  Celebra ida nebe mai laos ida nebe ba! Atu haklaken kona ba ida nebe mosu mai laos ida nebe desaparece.

Iha Na’i Jesus Sa’e ba Lalehan neineik lakon housi apostolo sira matan (invisivel); invisibilidade ida ne’e hamosu dificuldade ida mos. Iha matenek  ida dehan nune’e, “a invisibilidade nos mata”, katak buat nebe ita la hare oho ita. Ida ne’e dala ruma los mos, basa buat nebe invisivel laos facil atu convence ita nia matan no liu-liu ita nia conhecimento. Sa tan iha cultura ita nian;  hanesan proverbo nebe dehan, “dook housi matan, dook mos housi fuan.” Atu dehan deit katak wainhira menos visivel (dook housi matan) ; ita nia relacionamento mos la funciona diak; laos ida ne’e mak foin ita rona iha primeira leitura, wainhira apostolo “sira hateke hela ba Jesus nebe sa’e dadaun ba lalehan, kalohan ida mai taka tiha Jesus husi sira matan.” Sira sai bilan liu tan deit maibe, wainhira…

Apostolo sira sei hateke hela ba leten derepente mosu ema nain rua husu ba sira, “ tamba sa imi hamrik iha ne’e no hateke hela ba lalehan?  Jesus ida ne’e duni sei tun fali mai…

Jesus ida nebe sa’e ba lalehan ne’e dook husi matan deit ga, dook mos husi apostolo sira nia fuan?

No iha evangelho,wainhira hasoru malu tiha ho sira nain sanulu resin ida iha foho, fo tiha ordem ba sira nia dehan nusa ba sira? Hau sei hela nafatin ho imi too mundo ne’e nia rohan;

Jesus nia invisibilidade ne’e laos ausência ida maibe tipo presença ida; presença espirito nian nebe paradossalmente ba nia discípulo sira: uluk nia hela ho sira maibe agora nia horik iha sira nia laran.”nune’e proverbo ohin laos ona dook husi matan no dook mos husi fuan maibe “dook husi matan besik ba fuan.”

tuir santo Agostinho iha Na’I Jesus sa’e ba Lalehan, hakbiit ita atu besik liu tan ba Jesus ne’e laos deit presença foun ida maibe maneira foun ida Jesus presente no moris iha ita leet.

No Karl Rahner dehan,”ita ema iha lalehan wainhira Nia ho Cristo no ema hela iha Maromak no Maromak hela iha ita ema.

Maluk doben sira, hanesan São Paulo harohan atu sarani sira bele haklean liu tan sira nia conhecemento iha Cristo no sira bele koko domin boot Nai Maromak nian iha sira nia fuan, ita mos ohin iha loron ida ne’e harohan atu ita laos comprende deit maibe halo hau nia fuan horik fatin ida Maromak nian…mai ita hotu halo festa ida ne’e Festa ksolok nian, Festa esperança nian, Festa encorajamento …nian mai ita!

Leave a Reply

Your email address will not be published. Required fields are marked *