shadow
Diocese de Dili > NOTÍCIAS > Notícias > “APRENDE HUSI HAU NIA CASO MAIBE LABELE TAUK”

“APRENDE HUSI HAU NIA CASO MAIBE LABELE TAUK”

Hafoin rona decisão husi husi Tribunal Distrital Dili iha loron 1 fulan Junho 2017 nebe absolve caso denuncio caloniosa hasoru Ex-assesor Ministerio Financas Dr. Rui Maria de Araujo, Raimundo Oki ba Jornallista sira hateten, desde inicio nia fiar katak caso ne sei absolve husi Tribunal Distrital Dili tanba nia laiha intenção atu defama Primeiro Ministro nia Naran. Oki hatutan antes ne nia hato’o ona desculpa publicamente, No caso nebe nia hasoru sai ona lição importante ba Jornalista no mos editor sira

“ba future wainhira atu hakerek  noticia ruma ita tenque cuidado no editor sira mos tenque hare didiak  noticia nebe jornalista sira hakerek, karik iha confusão ruma tenque halo confirmação ba iha Jornalista sira tanba  ultimo decisão ba Publicação noticia ruma iha editor nia liman” Hateten OKI

Raimundo Oki mos aprecia ho Juiz nebe uza Lei Comunicação Social hanesan barometro hodi foti decisão ba nia caso. “Mudança Positivo ida maka Juiz Uza Lei Comunicação hodi foti decisão ba hau nia caso no gracas A Deus tanba absolve  hau nia caso ne. Antes ne hau hateten ona ba media sira iha hau nia entrevista katak hau la satisfas ho parte balun nebe uza codigo Penal hodi criminalisa servico Jornalista nian tanba ne ba future quando mosu caso ruma hasoru Jornalista tenque utilize ona lei comunicação Social. Ikus liu hau hakarak hato ba Colega Jornalista sira hotu katak ne lição diak ba ita hotu no ita nia service ne iha conciquencia boot maibe Lalika tauk” Tenik Coordemador Cobertura Diario Timor Post ne.

Iha fatin hanesan, Mombro Concelho Imprenssa Timor-Leste Hugo Fernandes hateten  tribunal assume duni nia papel nudar orgão Independen tanba foti duni Decisão nebe tuir Lei Haruka “ ida ne caso Primeiro nebe hatudo katak Lei Comunicação Social fo duni Proteção ba Jornalista sira’ Hateten Hugo.

Allemde participa husi Jornalista sira Iha Julgamento ba decisão  ne hetan mos participação husi ex-Primeira dama Isabel Fereira, Presidente Partido Pdc Antonio Ximenes, Representante International Federation Journalist (IFJ) no Estudante no sociedade Civil.

Caso ne rasik mosu wainhira iha Fulan Novembro tinan 2015 diario Timor Post publica noticia ho nia titulo “Eis Assesor Ministerio Financas fo Projeto ba Companha husi Indonesia” nebe ikus mai tenque lori ex-Diretor Timor Post Lourenco Martins ho Jornalista Raimundo Oki ba iha Tribunal.

Iha sorin seluk, iha loron 31 fulan Maio tinan ida ne, Primeiro Minnistro Dr. Rui Maria de Araujo nebe maka nudar mos lezado hateten ba Jornalista sira iha Palacio da cinzas katak laos nia maka lori Jornalista ba Tribunal maibe Ministerio Público.

“Ministerio Público maka lori sira Nain rua ba tribunal tanba Denuncia caluniosa, ida ne depende ba queixa husi ema ruma. Ministerio Público autoridade tomak atu lori ema ruma ba Tribunal quando identifica katak iha Crime ruma” Dehan Ex-Assesor Ministerio Financas ne. (RmG/NJ)

Leave a Reply

Your email address will not be published. Required fields are marked *