shadow
Diocese de Dili > NOTÍCIAS > HOMILIA DO BISPO > PENTECOSTES! TAMBA SA?

PENTECOSTES! TAMBA SA?

 

Pentecostes!

Tamba sa?

“Creda precisa Pentecoste nafatin. Precisa ahi ida atu hamanas Nia fuan , atu hamamar Nia ibun …Creda precisa ser templo Espirito Santo, atu halo purificação ida total, iha nia vida interior…Creda precisa atu hafoun an nafatin.. Creda precisa descobre fali nia HAMROK IDA…NIA GOSTO IDA…CERTEZA IDA ATU BUKA VERDADE…HODI RONA HO SILÊNCIO ESPIRITO NEBE HANORIN NIA KONA BA LIA LOS” ( cf. Paulo VI)

Don Espirito Santo nebe celebra iha loron Pentecoste mak hatudu iha texto bíblico nebe foin ita rona ho linguagem Comunidade Cristã (liu-liu apostolo sira)  nebe consegue comunica (ad extra) ba liur Maromak Nia obra , hanesan ita rona iha primeira leitura.  Espirito ne’e mak hakbiit sira ho matenek no coragem atu fo hatene ba mundo tomak kona ba Maromak Nia mistério; No Espirito ida nebe iha forsa atu hatama ema hotu iha bibi luhan ida deit…no Nai ida deit!

 

Iha segunda leitura Espirito nia papel hanesan “ordenador principal” significa nia mak regula don oi-oin no ministerio oi-oin iha comunidade sarani sira nian, hodi hatan ba necessidade comuidade nian. Maske ita hotu simu Espirito ida maibe iha nia diak oi-oin. Nia diak oi-oin (nia diversidade) mak hariku Creda hodi servi diak liu tan Maromak nia povo.

 

Iha evangelho Jesus hu’u is ba sira no dehan, ”simu Espirito Santo ba!” iha fatin seluk nia mos dehan, hau sei haruka paráclito ida atu horik ho imi ba nafatin (Jo 14;16). Domingo ida ne’e convida duni ita atu hanoin klean liu tan oituan kona ba buat kmanek oi-oin nebe Espirito ne’e halo iha Cristo nune’e mos iha ita ema nia moris. Ida nebe ita bele habadak ação Espirito nian iha maneira tolu: Nia prepara, Nia unge (tau mina), Nia haruka.

Gesto hirak ne’e ita bele hare iha Jesus nia moris rasik.

Iha loron batismo nian Espirito ne’e tun ba Jesus atu prepara nia ba Nia missão Salvação nian; missão ida nebe carateriza ho servo humilde e laran diak, pronto atu saran Nia An tomak; Maibe Espirito ne’e hahu kedas ona husi início história salvação nian, wainhira Jesus sei iha Nia inan virgem Maria nia knotak, ho momenot anunciação nian;

tuir mai  Espirto ne’e mos iha Simeão no Anna iha loron presentação Jesus ba Templo. Sira rua hein hela Mesias ne’e;

funsão Espirito Santo nian ida seluk mak atu hakiak hakmatek; Nia rasik mak hakmatek Nia Nain; no atu lori paz ba circumstância oi-oin. Maske Iha ema oi-oin nune’e mos hanoin mos la hanesan nebe dala barak sai obstáculo ba paz; ohin ita harohan ho fuan ho laran tomak atu Espirito Santo prepara hela dalan ba paz no unidade nian.

Segundo, Espirito ne’e mos hasanto ho mina santo nian; atu nune’e escolante sira mos iha sentimento ida hanesan ho Jesus nian nune’e sira mos assume comportamento ida favorece nafatin ba paz no comuniaun nian.

Ho unção Espirito Santo nian , ita ema nia humanidade simu marca ida santidade Jesus nian nebe hakbiit ita ema atu hadomi ita nia maun alin sira ho domin nebe Jesus hadomi ita; tan ne’e mak necessário atu iha gesto ida humildade nian, fraternidade nian, perdão nian no reconciliação nian. Gesto hirak ne’e mak prerequésito nune’e mos condição sira ne’e mak dalan nebe inevitável ba paz nebe autêntica(verdadeiro), sólida no duradoira.

Ita harohan ba Aman atu hasanto mos ita ho mina santo ne’e, atu nune’e ita bele sai duni Nia oan lolos, hodi haka’as an nafatin atu conforme ita nia an ho Cristo, atu ita bele iha sentimento nebe hanesan maun alin. Ho deit nune’e mak bele hadook husi ita rancor ho divisão no bele hadomi malu nudar maun alin;

Amo Papa dehan, “Paz laos atu sosa nune’e mos fa’an”. Paz ne’e ne’e don ida nebe ita precisa buka ho paciência no hari ho gesto oi-oin iha ita nia moris lor-loron nian;

Maluk doben sira, iha loron pentecostes nian la reflete deit kona ba Espirito Santo maibe mos Jesus be husi evangelho badak loron ida ne’e nian husik hela hahalok ida nebe konkreto.

Iha evangelho estabelece relação ida entre Espirito Santo e remissão dos pecados. Jesus nebe moris hias tiha hatudu ba nia escolante sira kanek sira iha nia liman no sorin, hafoin tuir mai Nia  husik (fo) ba sira paz no Espirito Santo. Hau la hatene saida mak ita boot sira hanorin maibe ita dehan mai ita katak,

Perdão, significa liu husi kanek nebe Nia simu Nia halo “karan” (oferta) ida, Nia nakfilak (tranforma) buat a’at nebe simu ba gesto ida domin nian; ida ne’e hatudu katak, atu hari damen precisa domin nebe abundância atu bele manan (vence) ódio no violência nebe hau simu…;  ida ne’e Jesus rasik hatudu, Nia manan Nia-An rasik, Nia manan Nia an ho doimn, mas que terus hotu nebe nia simu…

Nia manifesta continua ba escolante sira atu escolante sira mos bele participa iha dalan moris nian ida ne’e: manan buat nebe a’at ho hahalok nebe diak; hatan ba cativeria ho dolceza( hatan ho oin hamnasa no laran midar ba hirak nebe buka deit problema), buka nafatin atu tau Graça Maromak Nian iha vingança no revalria nia leten…

Molok hanoin atu perdua ema seluk , buka tulun housi Espirito ne’e atu reconhece uluk buat a’at nebe iha ita nia maluk no atu bele conquista nia ho diak no domin…

Nune’e mos, oin sa mak ita koko no buka atu hakiak paz ho ema seluk se iha hau nia fuan ho laran rasik seidauk iha paz?

Oin sa mos, mak hau bele hadomi hau nia funu baluk (inimigo) ida nebe iha liur neba, se hau la hahu uluk atu manan uluk lai “inimigo” nebe iha hau nia laran “o nia an rasik”? ida ne’e mak hau Nia hirus, hau nia ódio, hau nia la kohi atu perdua,…hau nia lakohi atu rona ema seluk, hau nia defende deit hau nia an,…hau nia …sst…

Fruto do Espirito Santo, perdão evento ida mais escatológico do que ético. Mas que nune’e ita hotu hatene didiak laos facil basa ida ne’e, exige esforço lubuk boot ida wainhira ita koalia kona perdão mai ita ema. Atu perdua precisa renucia vontade hirak nebe buka deit atu “vinga”

Saida tan mak diak nebe Espirito ne’e bele lori mai hau no ba comunidade sarani?

… è don e promessa. Hanesan “don” ita facil atu verifica iha sarani sira nia moris no iha Creda nia moris nebe hatudu iha nia diak sira hanesan caridade, paz, benevolencia,  paciência, sst..

wainhira kolia kona ba  “promessa” Nia  loke ita ba futuro ida, fo esperança ida, nune’e mos fo orientação ida iha ita nia dalan ba moris…

 

Ikus liu Espirito ne’e mos ,

….. è don e impenho: don de ressureição nebe empenha iha escolante sira nia missão.

Espirito, nudar don ida Maromak nian, oferece ba fiar nain sira nune’e mos ba Creda forma ida Cristo nian.

 

Maun alin no inan feton sira, Espirito ida ne’e Jesus fo saugate deit mai ita…mai ita harohan Nia prepara ita nia fuan sira atu ita bele ba hasru malu ho sira nebe ita gosta tamba ita nia hanoin la hanesan,  ita nia lian la hanesan, ita nia cultura la hanesan, ita nia fiar la hanesan, ita nia lisan la hanesan, ita nia matenek la hanesan, ita nia raça la hanesan,….atu hasanto ita Nia-an, ho ólio misericordia nian atu bele cura ita nia kanek sira erros nian, kanek sira inconpreensão nian, kanek sira arogancia e soberbo nian…ho graça humildade e laran midar hodi empenha ita nia an ba Paz nebe los.

 

Leave a Reply

Your email address will not be published. Required fields are marked *