shadow
Diocese de Dili > NOTÍCIAS > Notícias > LORON 24 DE MAIO, DIA DE ORAÇÃO HUSI IGREJA IHA CHINA

LORON 24 DE MAIO, DIA DE ORAÇÃO HUSI IGREJA IHA CHINA

DCDD – Rádio Vaticana –Dia de Oração iha Igreja  China nian halao dadaun hahu ohin. Evento ida nee sei junta espiritualmente ba fiéis católicos iha China,  hodi comemora aniversário ‘Auxiliadora’ Santíssima Virgem Maria, venerada iha Santuário de Sheshan  Xangai nian. “

Nee maka evento nebe halao cada tinan 10, iha loron 24 de Maio no atu lança mos iniciativa nebe maka fo sai husi Papa Emerito Bento XVI iha ninia Carta ba católicos chineses iha tinan 2007. Papa Francisco iha domingo liuba hateten ba fiéis católicos China nian : “ita haree ba Maria, ita inan, ajuda ita atu discerne  vontade Maromak nian iha vida concreta Igreja nian iha China no, novamente Papa continua : “Maria encoraja ita atu oferece ita ninia contribuição pessoal ba comunhão entre crentes no ba harmonia sociedade nian.” Kona ba nee padre Angelo Lazzarotto, missionário husi  PIME (Pontifício Instituto das Missões Exteriores) no sinólogo hatoo ninia visão :

“Papa Bento, tinan 10 liuba, hakerek ona carta famosa ida ba católicos China nian, no tuir mai, tinan ida liutiha too compôs oração ida nebe termina hanesan nee: ‘Nossa Senhora de Sheshan, sustenta ema hotu iha China, liuhusi sira ninia provações diárias, continua fiar, esperança no hadomi’. No por último domingo Papa Francisco fo hanoin fila fali compromisso ida nee : oferece contribuição pessoal ida ba comunhão entre crentes no ba harmonia sociedade tomak nian. Dica kona ba harmonia intera chinesa nian nebe hatoo husi Papa Francisco nee maka buat ida nebe fo hanoin ba buat ida nebe oportuna tebes no  importante tebes, tamba ita hatene katak  diálogo difícil lubuk ida entre Santa Sé no China. Hare ba nee, hau hanoin katak nee importante, tanto iha liafuan Papa Bento nian nunee mos agora Papa Francisco, nebe maka Igreja tomak sai ida deit hodi halibur católicos chineses, esforço ida nee maka; husu ba Maria, auxílio ida nebe bele consegue halibur fieis iha China nunee mos bele moris iha ninia fiar no íntegra diak liutan, nunee duni maka sira bele contribui ho sira ninia testemunho de vida atu promove  crescimento sociedade ida nebe harmoniosa iha China, iha nebe, mosu perigo husi contrastes no contradições lubuk ida”.

Hodi alinha vizão Papa Francisco nian nebe  recomenda ona ba católicos chineses atu keta haluha “hodi testemunha ba fé ho oração no domin, manten nafatin atu abertos, iha encontro no diálogo, bebeik.” Nebe mos kait ho vida crentes nian no Igreja nebe cresce iha China Padre Lazzarotto hateten :

“Igreja moris dadaun iha China. Apesar de restrições lubuk ida, católicos presentes nafatin ho número considerável. Difícil tebes atu iha estatísticas exatas ,. Maibe hanesan facto ida nebe maka católicos agora nee bele assiste ba igrejas iha China;  tuir mai, ba Páscoa, por exemplo, iha mos milhares husi nebe simu batismos iha várias igrejas no paróquias China nian. Tamba nee, ida nee maka realidade ida nebe maka maihusi parte sira, maneiras sira, mesmo contraditórias, tamba iha China agora prevalece iha sociedade, infelizmente, aumento nebe boot ba corrupção,nee maka provável katak contamina ona vida Igreja nian. Maibe iha mos esperança de que Papa Francisco ho cardeal secretário de Estado Parolin, ho esforço de diálogo, bele too ba entendimento ida ho governo chinês nebe maka Igreja labele tauk ba buat ida, Igreja laiha planos hodi contra saida maka China moris dadaun; só hakarak deit espaço de liberdade ida nebe permite cristãos atu sai duni cristãos hanesan mos cristãos  mundo tomak nian.”  (Adaptado husi Marvel.rtk)

http://www.news.va/it/news/24-maggio-giornata-di-preghiera-per-la-chiesa-in-c

Leave a Reply

Your email address will not be published. Required fields are marked *