shadow
Diocese de Dili > NOTÍCIAS > OPINIÃO > SIMU BAINAKA TUIR CULTURA RAI FATUBERLIHU

SIMU BAINAKA TUIR CULTURA RAI FATUBERLIHU

(Escritor : Fr. CozhySilva.!!!)

Oinsá povo husi Município Manufahi, liu-liu iha posto administrativo Fatuberlihu, entende sira nia cultura tuir costume nebe sira conserva ona desde bei-ala sira husi tempo  ba tempo, to’o ohin loron. Iha cultura nia laran,composto husi componente oioin nebe marca característica povo Município Manufahi. Husi componente hirak ne’e iha biban ida ne’e ita ba hatene claro  liu tan iha escrito nee :

  1. Oinsá ema Fatuberliu sira nia compreensão ba cultura, liu-liu maneira do uso ser cultural no oinsá simu ema importante iha nação nia laran entre Igreja no Governo.
  2. Timor -Leste rico iha diversidade étnica no cultura nian, nebe mak resulta ninia variação barbarak iha sistema sira matenek indígena nian, lisan no estrutura governação nian apezar de nia área geográfica nebe relativamente ki’ik.
  3. Mudança makas nebe acontece ona iha Timor foin lalais ne’e, especialmente desde ninia independencia iha tinan 2002, fó ona impacto sira nebe bo’ot tebes ba iha ambiente no mos sistema único sira husi matenek tradicional nian nebe mak fó motivação ba ninia sustentabilidade.

Iha pormenores iha leten, ponta a ponta laos husi hau nia explicação rasik maibé explicação balun nebé importante mos mai husi lia nain uma lisan Fatuberlihu nian Sr.João Vidan ! nebe hateten :

Hasoru bainaka bo’ot bele dehan katak “boku ho bein”, isin ho klamar nian wé-ulun wé ain iha ne’e ami nain rua, Gracildo Mariano ho João Vidan ami nia serviço mak halibur katuas lia nain sira wanhira simu banaika significa hola lia hodi simu no variasi ho “funa-nua kmo’ok” ho labarik tebe-dai no dadolin iha mos hawelok hahi nebe forma husi grupo feto no mane atu hahi ba “boku ho bein” sira hafaoi hakat liu ba iha kadunan estadu no igreja hodi hein no hatetu órdem ruma nebe hatoó ba reino ou povo tomak ne’e mak klalaok no cultura husi Fatuberlihu”.

Husi ne’e ita bele halo fali definição foun ida hodi compreende diak liu tan sentido uma lisan tuir caracter Timor. Nune’e uma lisan katak construção ida nebe iha ninia caracter especial, kona-ba cultura tradicional la halai ses husi “Sara Lia, Dadolin, Tebe-dai ho Dahur” ida ne’e mak sai hanesan costume ou toman nebe wé-ulun, wé ain Fatuberliu nian. Wainhira atu simu Nai ulun nação no igreja sira haksolok tebes ho sira nia liafuan hodi hasaoin ema hirak ne’e nia kna’ar tamba nakonu ho consideração ida katak ema hirak ne’e hanesan Inan Aman no parte seluk sira hanesan bainaka, toman hirak ne’e mos prática tuir ninia tema karik ba Governo, então hahi ba Governo no mos igreja hahi ba igreja hirak ne’e sai hanesan “Lia Ksolok” ida atu tane as ema nia dignidade no fo valór ba kna’ar nebe ema hetan iha nia moris. Lia nain Fatuberlihu acrescenta liu tan kona-ba klala’ok hirak nebe implementa iha rai Fatuberliu.

Cultura Tradicional la halai ses husi, “Sara Lia, Dadolin, Tebe-dai ho Dahur. “Wé Ulun Wé Ain Fatuberlihu, Fatu Kilat Tailot Modo Mahu Tua Laku” ne’e hanesan lia mensagem no informação atu habelar hela ba Timor laran tomak ami nia ibun fuan atu hametin nafatin cultura iha ita rain. Kona-ba Nai ulun igraja no estadu ita tnke haksolok hodi simu sira hodi hasaoin sira no considera sira hanesan Inan Aman tamba sira mak hanesan mahon ida hodi hamahan ita, parte seluk sira hanesan bainaka importante iha ita nia nação. Wainhira simu konforme iha nia tema nebe decide ona katak hahi ba governo no igreja, importante mos hatais nebe halo tuie rai ida-idak nian ne’e hatudu katak ita simu bainaka ida tuir ita nia tradição nebe husik hela husi ita nhia bei-ala sira mai to’o ita ohin loron”.

Ba nune’e hori otas kedas bei-ala sira hatoman-an no halisan-an atu halo interacção ida nebé equilibrado iha ambiente natural nebé  fo influéncia ba sira nia moris. Tamba sira hatoman-an ho kondição físico, social, cultural, economia, política no ecológico mak ikus mai sira hahu construi iha sira nia sistema ba ukun, ba sobre vida, iha sira nia lisan, nebé  sira prática hanesan parte importante husi moris lor-loron nian, iha geração  sira dalas ba dalas ona. Maneira nebe lia nain sira usa hodi simu bainaka  ou ulun bo’ot entre Igreja no Governo iha tebes ninia tópico nebe la hanesan iha parte dadolin ou saran lia, lia menon atu ema nebe fila lori nafatin paz no hakmatek karik Igreja nian Ilhas Santa no Krus Jovém significa sira hakonu ho dadolin atu haraik nafatin matak malirin, kbi’it no graça ba sira nia moris. Ninia explicação maka

Bainaka ida wainhira tama uma bai-bain haksolok mos ho toman ida nebe dehan “Look-Malun” prepara labarik sira lori malus iha mama fatin Look ne’e mos baibain variasi bele ho Dahur,Tebe-dai,Dadolin ou bele mos acompanha ho music ruma at liu mak ita ukun an on ruin foti iha ailaran maibe nafatin ita imita tuir toman husi ema rai seluk nian, kaer metin nafatin ita nia cultura tamba ita nia moris ne’e katuas lia nain sira sempre dehan ita tur laos atu “Sesu Ba, Sesu mai deit”.

Lulik mai hosi liafuan Tetun Terik nebé  literalmente bele traduz “labele” no “sagrado ”. Conceito lulik ne’e rasik ita bele hetan iha grupo  etno-linguística hotu-hotu iha Timor laran tomak. Hodi Bunak dehan ‘po’, ho Naueti ema bolu ‘luli’, ho Fataluku ema dehan ‘tei’ no Makasa’e ema dehan ‘phalun’. Lulik refere ba mundo  espírito al ou mundo cosmos nebé  ita la bele haree ho matan, iha mundo ne’e nia laran iha na’in ida ka Maromak, iha mós espírito  beiala sira nian, mundo  nebé  mak moris nia hun no abut, no iha laran mos iha lei no regulamento  sira nebé  sagrado  hodi regula relação entre ita ema no relação entre ema no natureza. Ba sociedade Timor, lulik hanesan norma moral nebé  tetu ema nia halalok no determina saida mak bele halo no la bele halo iha relação social entre Timor oan. Timór oan tomak  hatene ona kona-ba termos  lulik hanesan baibain ita rona, Uma Lulik, rai Lulik, bee Lulik, fatin Lulik, foho Lulik, Na’i Lulik, Amu Lulik, nsst. Bainhira Timor oan rona liafuan Lulik, de repente sira hamriik iha fatin, sira fó atenção, sira fó respeito. Nunee maka Lia Nain Fatuberliu tatoli nia lia menon ikus :  Metin nafatin hodi haforça  ita nia cultura no tradição ida-idak nian, ida ne’e mak hanesan lia menon atu ita la bele kaer ou moris tuir cultura rai seluk nian tamba ida ne’e luta husi ita nia bei-ala sira mai to’o ita ohin loron isin maten foti iha laran no balun buka la hetan tan deit domin ba rai doben ida ne’e nune’e ita precisa tane nafatin hodi dignidade ba ita an rasik no ba ita nia nação”.

Tanba lulik nia influencia  maka’as tebes ba Timor oan sira hanesan temi ona iha leten, habiban mos Creda iha Timor Leste liu-liu CET ( Conferencia Episcopal Timor Leste) nian atu hamosu postura teologico inculturação nebé atu haroman fila fali sarani sira ninia hanoin no haklean sarani sira ninia fiar iha contexto Timor nian, tamba husi postura teologico inculturação nebé laos foun ho ninia continuidade ida nebe haabut an iha ema Timor sira ninia fiar, nebé ho ninia foco maka desvia tiha husi sincritismo religioso, nebé oras man-manas hela. Maioria Timor oan sei halo tuir lulik, no lulik fó influencia  maka’as ba moris loro-loron Timor oan sira nian, maibé investigação no discução ba conceito ida ne’e sei ki’ak tebe-tebes hosi académico sira. Ao passo que dialógo entre fiar cristã no cultura hetan ninia persfectiva foun iha milenio reevangelizasão tinan 500; ida nee deit mos sei hela iha pergunta.  “Lulik” hetan ataque  maka’as hosi ema rai liur nebé  mai iha Timor. Exemplu, Igreja dehan katak Lulik ne’e hanesan fiar animismo ho ninia ponto de partida maka Cristo, Portugés sira dehan lulik ne’e “atrasado” no ema Indonesia  dehan “terbelakang/ketinggalan zaman”. Tamba ataka hirak ne’e, Timor oan sira sai mo’e no lakon fiar an nu’udár sociedade  ida. Sira mo’e atu ko’alia kona ba “lulik” contexto Timor nian nebe refere ba bens culturais nebe oferece husi bei ala sira husi dersan ba dersan, tamba ema husi rai liur dada sira hodi hanoin katak lulik ne’e buat negativo ida nebé  la di’ak. To’o ohin loron, Timor oan barak mo’e nafatin no ko’alia a’at buat hirak nebé  sira nia bei-ala sira rai hela ba sira. Timor oan sira iha conhecimento  no rona kona-ba lulik maibe saida loos mak lulik sira ladun hatene. Lulik nu’udár sistema ida la’o tuir conceito ‘dualismo’ nebé  dezenvolve husi antropologista ida naran Van Wouden (1968 ). Iha conceito ida ne’e, sempre iha buat oin rua nebé  contraditório maibé sempre complementa no fó balanço ba malu iha moris. Iha Timor-Leste, ita hatene iha tasi feto-tasi mane, “Rai ulun-Rai ikun, Fetosan-Umane, Belak-Kaibauk, Loron-Fulan”, nsst.

“Cultura hanesan aspeito ida nebe importante tebes ba ema nia moris nudar individual, membro sociedade no cidadão  ba nação ida. Constituição RDTL mos reconhece  importancia  cultura iha hari’i nação foun ida ne’e”.

Iha constituição RDTL artigo 59. Alinea 1 hakerek katak : “Nação tenke reconhece  no garantia katak cidadão  hotu-hotu iha direito ba educação no cultura,”Artigu 59. Alinea 5 mos hakerek katak: “Ema hotu-hotu iha direito atu goja cultura no creatividade no obrigação hodi preserva, proteje no fo valór ba cultura sira nebe fo hela ba ita”. Claro ba ita katak, ita nia direito cultural garantia ona iha consituição. Maibe realidade hatudu oin seluk. Iha contexto processo  hari’i nação no estado, ita haluha tiha ita nia cultura, ita nia hun no abut. Iha Processo  hari’i nação, ita importa liu buat sira husi liur hamosu tan fali “under down” hanesan Linda Tuhiwai dehan ne’e katak ita hanehan lakon, hamout tiha saida maka ita ninian, nebé mos sai rikusoin ba ita, no hakarak deit maka  husi rai liur sira mak mai implementa iha ne’e. Tradição diak husi ita nia avo bei-ala sira, ita la liga tiha. Malisan sei kona tan ita karik ? Tanba Cultura ne’e importante tebes ba vida nação ida nian hodi hakat ba oin.Valór unidade nu’udar valór clásico nebé  sei continua relevante iha processo  harí nação. Cliché dehan, “A união faz a força” continua sai matan-dalan ida nebé  bele consolida vida nação nian. Unidade nacional Timor-Leste nian maka metin sei lori Timor-Leste atu alcansa estabilidade iha oras ne’e no aban bairua. Borja da Costa, desde tinan 1974, halo tiha ona apelu ba Timoroan sira atu hamutuk. Poema Kdadalak expresa nia visão poético : “Kdadalak Kdadalak suli mutuk fila ué inan, Ué inan tan malu sá ben  ta’han, Nanu’u timur oan se hamutuk, Hamutuk atu tahan anin sut tasi”.

KDADALAK SULI MUTUK FILA UÉ INAN TIMUR OAN HAMUTUK TANE ITA RAIN.

(Fatu Kilat Taylot Modo Mahu Tua Laku)!!!

Leave a Reply

Your email address will not be published. Required fields are marked *