shadow
Diocese de Dili > NOTÍCIAS > LETURA DIÁRIA > SOLENIDADE SANTÍSSIMA TRINDADE

SOLENIDADE SANTÍSSIMA TRINDADE

ANO A

 

Primeira Leitura :         Ex. 34. 4b-8-9

Lia housi Livro Êxodo

Iha loron hiral nebá, dadersán, Moises hader, tuir Na’i haruka, nia sae ba foho Sinai, kaer iha liman, fatuk belar rua. Na’i tun mai iha kalohan ida; Moisés hela ho Na’i iha nebá hodi bolu Na’i nia Naran. Na’i liu housi Moisé nia oin, hodi dehan ho lian maka’as: “Na’i, Na’i, Maromak nebé laran luak tebes, la hirus lalais, hadomi  la bosok.” Moisés hakneak kedas hodi monu ba rai. Hafoin, nia hasae lia nune’e: “Na’i, hau monu karik ba Ita Boot matan, hiit-An mai, lao iha ami leet. Lós duni, ami ema ulun moruk, maibé, haraik perdua mai ami salan, halo ami sai Ita Boot liman–rohan.

Maromak Futar Lia.

 

Salmo Responsorial :                                                                                                    Dan. 3, 52-56

Refrão : Hahí no hasa’e glória nafatin. Repete-se

  • Ita Boot kmanek tebes, Na’i, ami bei-ala nia Maromak ; Kmanek Ita Boot naran santo, ami haí tinan ba tinan. Refrão
  • Ita Boot kmanek tebes iha Ita horik fatin, ami hahí liu hotu tinan ba tinan. Refrão
  • Kmanek tebes Na’i, iha Nia kadunan liurai, ami hahí liu hotu tinan ba tinan. Refrão
  • Kmanek tebes Na’i, iha fitun sira Lalehan, ami hahí liu hotu tinan ba tinan. Refrão

 

Segunda Leitura :                                                                                                         2 Cor. 13, 11-13

Lia housi São Paulo nia surat ba sarani sira iha Corinto

Maun-alin sira: imi buka moris iha ksolok laran, kaer imi nia knar halo didi’ak, haksolok malu ho hanoin ida de’it hodi moris iha dame laran. Maromak domin no dame na’in sei hela ho imi. Imi cumprimenta malu ho paz. Sarani sira hotu cumprimenta imi. Na’i Jesus Cristo nia graça, Maromak nia domin, Espírito Santo nia tulun malu hela hamutuk ho imi hotu.

Maromak Futar Lia.

 

Aclamação                                                                                                                                Ap. 1, 8

Refrão : Aleluia! Repete-se

Glória ba Aman, ba Oan no ba Espírito Santo;

ba Maromak ohin, uluk no aban bain rua. Refrão

                                                                                                                                                                                                                                                                                                                                                                                                                      Evangelho                                                                                                                          Jo. 3, 16-18

@ Na’i Jesus Cristo nia Evangelho nu’udar São João haktuir

Iha tempo nebá, Jesus dehan ba Nicodemos: “Maromak hadomi teb-tebes mundo to’o saran Nia Oan Mane mesak ba mate, atu ema tomak nebé fiar iha Nia, la bele lakon, maibé, hetan moris roha laek. Maromak haruka Nia Oan mai iha mundo, laós atu fo todan ba mundo, maibé, hodi Nia tulun mundo ne’e bele hetan salvação. Ema nebé fiar iha Nia, la hetan aat; maibé, ema nebé la fiar hetan tebes aat; tan la fiar iha Maromak Oan Mane mesak nia naran.”

hatudu. Wainhira sira haré Nia, sira tuku-tur ba rai hodi adora Nia; maibé sira balun ladun fiar. Jesus ba besik sira hodi dehan: “Kbiit iha Lalehan iha rai fo tomak mai Ha’u. Ne’e duni, ba hanourin nação hotu-hotu, sarani sira, hodi Aman, hodi Oan no hodi Espírito Santo sira naran, no hanourin ba sira hodi halo tuir buat hirak hotu nebé Ha’u haruka. Ha’u hela ho imi nafatin, to’o tempo ikus.”

Lia Maksoyn.

Leave a Reply

Your email address will not be published. Required fields are marked *