shadow
Diocese de Dili > NOTÍCIAS > OPINIÃO > CORUPÇÃO É UMA FORMA DE TRAIÇÃO AO POVO E NAÇÃO

CORUPÇÃO É UMA FORMA DE TRAIÇÃO AO POVO E NAÇÃO

CORRUPÇÃO É UMA FORMA DE TRAIÇÃO AO POVO E NAÇÃO

(Pe.Herminio de Fatima Goncalves, Diretor Comissão Justiça e Paz Diocese de Dili)

 

 

  1. Introdução

Koalia kona ba corrupção lian melayu dehan “gampang-gampang sulit” katak facil tebes koalia konaba ba corrupção, duun ema seluk halo corrupção, hateten ema corruptor, maibe mukit tebes atu hatudu fatos ho evidência concretas  ba hahalok crime  corupção nian. Hahalok corrupção ita bele halo analogia ho hahalok busa nian. Busa wainhira nia soe foer nia ke´e rai hakai no subar kedas nia foer. Animal ida nebe laiha intelegência maibe iha neon,animal karik ba, maibe nia iha neon atu subar nia foer. Sa tan ho ema nebe iha intelegência, iha  neon no iha  tática,  matenek liu busa. Ema matenek atu subar fatos  no evidencias hamos kedas ain fatin. Tan ne´e  Instituiçoes relevantes sira  hanesan PDHJ, Ministerio público, ho Comissão antí corrupção mak tem que forte iha equipa inveastigação nian atu  ke´e,  buka fatos  ho  evidências  concretas ba caso crime corrupção. Maibe coitado tebes ba CAC hanesan leão aman forte ida nebe nehan mamuk laiha kbiit atu tata. Nehan mamuk tiha ona, ibun  kesi metin  hakilar deit mos ladiak. Existência CAC nian bele dehan hanesan curtinha ida hodi  hatudu  ba liur katak  ita iha Comissão antí corrupção, maibe husi  laran ita la fo kbiit ba sira. Atu labele hamosu desemprego iha  Comissão anti corrupção nia laran,   CAC hamosu inisiativo   hari´i programa prevenção corrupção no programa pesquisa mas que iha mos equipa investigação  ba hahalok  crime corrupção nian. CAC husu bebeik atu haforte sira nia instituição ho lei foun, nebe sira rasik apresenta tiha ona ba Parlamento Nacional, maibe cuitado PN concidera lei anti corrupção  hanesan segunda opção no laos preriodade ba Parlamento Nacional. Pergunta mak nee tansa mak la fo proioridade ba lei anti corrupção?Pergunta nee hamosu descofiança boot ba conspiração iha Parlamento Nacional. Comissão  anti corrupção  sedauk cria lei oan balun hodi fo proteção ka segurança ba sasin sira nia vida, tan nee ema  tauk atu   hato´o queixa no  sai sasin ba hahalok  crimi corrupção nian,  basá  lei anti Corrupção  define katakema nebe fo osan no simu osan, nain rua nee hetan condenação hotu”. Iha Livrinho kiik CAC nian nebe publika iha Março 2011  koalia barak liu Kona sentido no significado simblo CAC ho natureza  Hari Comissão anti corrupção, dever no direito ba Comissão nee rasik, fo autoridade ba Comissário  CAC gere  comissão refere. Maibe la define causas no hahalok crime corrupção nebe mak CAC tem que halo invetigação mediata.

 

 

2.Definição Corrupção

Corrupção katak lala´ok ida ka decisão ruma nebe halakon ka desvia osan estado nian hodi halo derrota (kerugian negara) ho volume osan comulativo ida. Tuir los osan nee tem que tama ba cofre estado,  maibe ema desvia fali  ba cofre privado ka  fahe malu osan nee iha grupo ida nia laran.

Pratíca suap menyuap, sogok-menyogok, pungutan jalanan (pungli) cobrança ilegal iha dalan ninin sai tiha hanesan tali corrente ida nebe lakotu kait malu no dada malu talin naruk too ohin loron. Tuir ema balun nia opinião katak agora nee aat liu tan. Lala´ok  ne´e sai tiha ona abut no moris iha sociedade Timor no instituição public sira. Cidadão sira hakarak  hetan lalais documento legal ruma ba viagem,ka foti sai contentor husi porto, ka  hetan plat ho STNK careta  no motor nian, careta labele hetan tilan,  tem que fo uluk lai chigaro nian. Chigaro fo tiha kedas loraik bele mai foti  kedas documentos, careta sira mos bele circula livremente, la liu karik dalan terik nee hein to´o fulan bele mos to´o tinan.

 

 

  1. Crime Corrupção Fahe ba Categoria Tolu

Krime corrupção ita fahe ba parte  tolu; Corrupção individual, Corupção coletiva, corrupção institucional ho sira nia todan nebe la hanesan. Atu bele hatene didiak modelo corupção sira nee,  mak hanesan  iha kraik nee:

 

3.1 Corrupção individual

Krimi corrupção individual   katak ema ida deit mak halo corrupção. Companha ida nebe implementa projecto desvia tiha item balun nebe hakerek iha BOQ.  Corrupção individual risco liu mak tesoreira ho tesoreiro  sira. Tan nia kaer osan, nia bele foti mesak mesak sem  ema ida hatene.Maibe situação nee transforma tiha ona ho funcionario sira simu rasik sira nia osan iha Banco. Passu ida nee bele reduz  abuso de poder  iha tesoreira sira.

 

3.2. Corrupção Colektiva

Crime corrupção colektiva katak  grupo ida  mak halo corrupção hamutuk. Bele mos liu husi delegado ida ho diretor companha sira. Bele mos implementa liu husi decisão coletiva.  Ex Administrador distrito Dili Senhor. Rubem Bras no Ex Ministra Justiça Senhora Lucia Lobato nia caso participação economia mas que sira nain rua rasik la goja osan nee maibe sira nia decisão mak sala no ikus mai sira responsabiliza sira nia hahalok  hodi selu indiminasão no ikus mai sira hetan pena cadeia. Hau aprecia sira nain rua nia responsabilidade  hodi responsabiliaza sira nia  hahalok  nu´udar  nai ulun  la halai ses husi responsabilidade. Mas que sofre iha cadeia maibe hau  fiar katak sira nain rua la usa osan nee sentavos ida.

 

3.3. Corrupção institucional.

Corrupção institucional nee acontece iha institução sira. Bele acontece iha  institução publico bele mos iha instituição privados. Maibe iha redação ida nee hakarak focus liu ba instituçoes publicos tan intituição publicos  mak gere osan estado nian nebe  aprova liu husi orcamento geral do estado. Risco ba corrupção institucional ne maka institução  sira nebe hatama  rendimento ba estado  mak hanesan Alfandega,transito, DNTT,Notariado ho  institução sira seluk- seluk tan. Maki stabelece tiha ona atu hotu- hotu ba selu iha banko maibe  sempre iha risco nafatin ba pengelapan pajak. Gayus Tambunan pegawai perpajakan level III, riku matak. Gayus nia lalatak  barak los iha Timor, nia espirito  forte iha funcionario Timor oan sira nia klamar. Se mak iha kbiit atu halo investigação??????

Halaok sira nee bai-bain sempre mosu iha instituição executiva ho instituição legislativa. Iha neba  iha conspiração politica  entre  Executivo ho  Legislativo. Executivo halo proposta de orcamnto, Legislativo halo  aprovação.

Pensão Vitalicia tama iha corrup institução nebe hetan legalidade husi lei (Korrupsi yang dilegalkan oleh hukum). Servico tinan lima maibe  hetan privilegio turun-temurun. Veteranos sira halo funu tinan ruanulu resin haat nia laran, sira lahetan previlegio buat ida. Simu medalha condecoração ba rai ferugem iha  mala laran.Sira nia moris aat liu fali ex titulares sira. Samba sembilan  iha ulmera, liquiça faan nafatin ai maran hodi sustenta familia no selu oan sira nia escola.

Iha sorin seluk fatos balu nebe  sai indicador ba lalaok conspiração crime corrupção mak projeto Uma função Publika nebe abondonado iha tinan barak nia laran laiha fiscalisação husi Parlamento Nacional. Uma doze andares Ministerio  finanças nian nebe tinan barak ona la conclui, parlamento hanesan fiscalisador  taka ibun metin too ohin loron. Agencia Desemvolvimento Nacional (ADN) nudar inspetor  mos lahalo buat ida. Fatos sira nee ita  foti hanesan indicador ba conspiração politika entre executivo  legislativo ho sector privado.

Problema conspiração politica acontece iha Nação vizinho Indonesia nebe conhecido ho proyek HAMBALAN nebe dada ona estrutura leader partido, Ministro  ho membro parlamento balun tama ona ba  hotel Perdeo. Proyek Hambalan Compania WIKA mak sai hanesan executor pojecto refere.

WIKA oras nee sai parceiro comfiante Governo Timor Leste nian, fo comfiança ba Nia hodi emplementa projeto boot iha Rai doben ida nee. Agora dau-daun Wika mak executa Mega projeto Campo aviação Suai nebe hanaran  Projcto  Costa Sul. WIKA  mos executa hela Mega projecto ZEEMS iha Oecuse.  Ita hotu espera katak ita nia Executivo no legislativo sira  mutin hanesan anjo sira lalehan nian la kona espirito  hambalan nian.

Cazo Boby Boy cidadão America nebe halao funsão hanesan  acessor deit iha ministério finanças bele lori halai osan tokon $ USD 3,5  ba nia rain. Hau nia pergunta mak nee acessor ida bele iha kbiit kaer osan iha ministério finanças? Hau fiar katak casu Boby Boy  laos nia mesak.(Laos Pelaku tunggal) katak suspeito liu husi ema ida. Iha conspiração ho ema boot balun iha Ministério ne nia laran. Ema balun assina  chek, fo autorização ba BOBY BOY mak nia bele foti osan ida ho montante boot hanesan nee. Policia imigração lahatene, Ministra finanças taka ibun, BOBY BOY liu tiha ba America mak foin hakfodak rame-rame. Horas nee  Ministra finanças Emilia Pires ho Boby Boy  halai lakon tiha ona, sai   ona cidadão estrangério iha rai seluk. Nação nebe sira hela ba fo proteção ba sira nain rua. Modelo sira nee acontece  tan ita fiar liu ema estrangéiro dupla cidadania mai kaer ukun iha rai doben no nação nurak ida nee.

Casu Ex Ministra Finansas S.Ex.cia Sr. Emilia Pires nian kona ba suply equipamentos Hospital Nacional Guido Valadaes HNGV nian nebe tama tiha ona  ministério Público no halo notificação atu tuir julgamento iha Tribunal Distrital Dili (TDD) la consegue julga, tan maun boot (Fundador Nação) nian hamriik  nudar defensor publico defende Emilia Pires gratuita hodi mos hasai carta aberta  hapara julgamento ba Mana boot Emilia Pires hodi declara duvida ho capacidade instituição Tribunal  ho Juis Timor-oan sira nian. Timor –oan sira bainhira mak imi iha kbiit hodi bele investiga no  kaer corruptor sira.Timor-oan sira kaer rasik kuda talin maibe ema mak sae hla kuda.

 

 

4. Controla Qualidade de Projeto.

ADN hari´i  nudar agencia  laos  Ministerio. Nu´udar agencia katak loron ida ADN sei lakon. Fo-foun ADN iha Primeiro Ministro nia okos, depois de halo tiha reshuffle gabinete ADN trasforma ba funcionario contratado  iha Ministério Planeamento Estratégico Desemvolvimento Nacional nia okos. ADN hamri´ik  hodi garante qualidade de projeto nebe implenta ho Orcamnto  Estado Capital Dezemvolvimento  nebe executa liu husi programa Projeto PDID I,II,  ho classificação projeto A,B,C nebe implementa iha distrito sira.

Existência ADN nian hanesan anjo Salvador fo salvação ba osan estado  hodi hases nação  nee husi perigo da morte vida nação nian.Tan nee sira hetan kbiit boot, hatan no cancela plano desemvolvimento autoridade município nian. Sira mos iha kbiit atu hatan no lahatan  plano ministerio sira nian. Sira iha kbiit atu aumenta no reduz orcamnto projeto ida nian, mas que dezenho ho BOQ mai husi ADN rasik. Dala barak mos sira halo comfusão  ho ministerio  projeto nain. Dala balun mos sira halo cutingan ba orcamento projeto laos iha ínicio maibe iha  fase finishing.

Companhia sira nebe manan tender no executa projeto iha  terreno  hetan orientação husi ministerio projeto nain atu emplenta projecto ho modelo plus-minus. Katak hamenus item sira nebe la dun importante maibe aumenta fali iha item sira nebe necessario. Exemplo iha BOQ tanke rua ba uma rua, maibe tem que distributor ba tem que rua nee laiha. Iha neba mak tem que implenta plus –minus Item. Orcamnrto tanke ida nian tenke muda ba  hari tanke nebe lori bee mai tenke uma nian.

Mosu  confusão sira hanesan nee tan sira nia estudo terreno labele detecta hotu problemas iha terreno no sira nia dezenho ho BOQ mos copy paste deit. Iha rai malirin hanesan Remexio bele iha Item ida hanesan Kipas angin. Foin dau-daun ami ba halo observação,  husu doutor sira imi la usa ventoinha doutor dehan “ ami la uja tan rai malirin los”

Tuir ami nia observação katak clinica sira nebe hari ho orcamento estado nian iha 2015  maioria seidauk usa tan falta bee mos no equipamentos necessários clinica nian. Be mos no equipamentos clinica nian la preve  iha BOQ. Parece tender ba Equipamentos clinica ninian sei hein Emilia Pires tan nia mak iha fábrica ba equipamentos hospital no clinica sira nian iha Austrlia.

Wainhira halo inspeção ba projeto sira PDID sira haka´as  companhia kiik sira kosar lotuk sulin,  sira terror halo redução oracmento amumenta item de serviço, la halo pagamento la fo certificado payment maibe hasoru kompania boot nebe kaer mega projeto sira, sira hamnasa, alegria, kontente hatan tuir deit  explicação engeneiro companhia nian. Karik companhia estrangeiro  sira halo tuir deit sira nia hakarak no buat hotu lao los  tuir orientação ADN nian. Maromak tulun ADN mós hanesan anjo lalehan sira.

Ami mos hetan imformasaun husi EX membros ADN balun katak iha neba mos iha comflito de interece entre Estatal ho ADN cutingan orcamnto sira nee halai ba iha se nia liman. Uluk kbiit tomak iha MAE maibe ikus nee concentra iha ADN. Iha mos indicação katak sira halimar iha we-merak ho companhia boot sira iha rai laran tan relação aman sarani, compadre ho komadre iha ADN nia laran. Hasae no hatun orcamnto tuir sira nia gosto. Lala´comafia sira nee Ministro rasik la hatene.

 

 

5. Traição

Traição katak hahalok balun nebe contra povo no nação.  Traição iha nia forma oi-oin.  Traição bele liu husi golpe. Bai-bain golpe sempre halo husi Militar hodi hadau ukun no poder. Traição seluk mak bele la aceita  ideologia balun. Pro-otonomista sira nebe la aceita  Timor nia  ukun rasik-An, sira nia ação brutal  halo timor hela deit ahi-kdesan. Traição modelo ida nee diferente ideologia politica. Traição seluk mak ema hanaran Sabotase. Traição sabotase nee ema labele hare ho matan  maibe nia ondas  forte tebes . Corupção tama iha modelo traição sabotase nian. Corrupção modelo traição foun hasoru povo ho nação.  Traicão ho modelo  saida deit nia impato hanesan deit  haterus povo no  hamonu nação  (menyensarakan rakyat dan menjatuhkan negara).

 

 

 6.Traição modelo foun

Maluk pro-otonomista sira halo traição hasoru povo ho nação sira nia opção politica claro. Sira nia gropu la hanesan mate kalamar. Sira nia posisão firme, ação malorek, identidade claro. La haksumik-an iha ema seluk nia kalilin kuak. Traidor foun hamriik iha partido boot sira, haksumik-an  iha governação nia laran, halo ação iha Ministério nia okos, identidade la claro ho slogan servidor povo no nação, neneik maibe bebeik, nia presença bele sente maibe labele hare ho matan no labele kaer ho liman, subar evidência. Traição modelo foun nee perigo tebes ba vida nação nian. Ne´e mak lian melayu dehan “bahaya laten” Traição modelo ida nee mak ita ladun tau atenção hodi halimar ho povo no nação nia vida.

 

 

7 Heroi  halo Traição

Hau inspirado husi Maun boot Xanana Gusmão  wainhira sai husi Cipinang sama ain iha rai doben Timor, lia fuan dahuluk  Nia dehan ba povo doben Timor Leste mak nee;  “Heroi sei sai traidor,  traidor sei sai heroi”. Traição ba nação muda ona nia forma“berubah wujud” laos ona faan rai no povo ida nee hanesan otonomista sira halo maibe trasforma tiha ona ho modelo seluk. Transformação traição ba povo no rai ida nee mak hahalok corrupção. Maun boot Xanana nia lia fuan nee teke sai refleção ba maluk sira nebe hamrook ukun no hamlaha poder. La halo deit declaração politica brato iha  Parlamento ho Governo, maibe tem que brani combate corrupção.

Traiçãoho modelo corrupção nia impato  haterus povo no hamonu nação hanesan mos traição sira seluk mas que ambição la hanesan. Povo aileba no ain tanan sira la hetan nafatin oportunidade ba moris diak maibe grupo kiik-oan ida mak goja nação  nia riku soi. Timor  kloot ita hatene hela grupo kiik oan sira  nee. Grupo kiik nee  mak ema sira nebe hetan opotunidade boot iha politica no iha mundu negócio nian. Iha Tempo ocupação grupo nee ema hanaran  penjilat.” Menjilat ke atas menekan ke bawah”.

Ministério sira fatin serviço proficionalismo nian, hodi serví povo ai-leba no ain tanan  iha cidadade too ârea rurais. Maibe Ministério sira nakfilak-an fali ba campo de trabalho ba familia, grupo, no ba membros partidos sira. Povo ai-leba no ain tanan sira sai nafatin marginalizado iha sociedade Timor leste nia laran. Lalaok ida nee laos deit iha Ministério sira maibe dada malu naktalin tama too iha  instituição académico sira.

Univercidade Nacional Timor Lorosae ( UNTL)  fatin rezervado ba Ministro, embaixadores, deputados, secretario estado, veteranos ho diretores  nia oan sira. Laos ba povo ai leba no ain tanan nia oan. Nee fato laos ilusão. Iha tinan ACADÊMICO 2017 ne  hau lori sobrinha ida ba tau naran iha univercidade refere tan nia NEM  tama iha targeto maibe explicação husi docente nebe conhecido,  liga malu diak, explika mai hau katak tem que buka dalan liu husi nai boot sira nebe temi tiha ona iha leten. Nai boot sira nee usa hanesan dalan terik atu tama iha UNTL. Hau halo pergunta ba docente nee katak UNTL ne ba boot sira nia oan laos ba povu ai leba no ain tanan sira nia oan? Nia resposta mai hau katak” orientação mai  hanesan nee”. Orientaçao ida nee mak Milícia nia oan mos bele hetan bolso de estodo tan nia iha ligação familia ho nai ulun boot sira nebe  temi tiha  iha leten. Milícia nia oan bele hetan bolso de estudo tan usa dalan terik sira hanesan docente ne´e  explica mai hau. Orientação ida nee modelo foun traição  ba povu no nação. Parlamento sira hatene hela maibe halo finge la hatene.( Tuan dan puan di Parlemen tahu, tetapi pura-pura tidak tahu sih PN) Imi representa povo ida nebe mak iha parlamento???

 

 

8.Bolsa de Estudo

Estudante lubuk ida nebe hetan bolsa de estudo hodi ba hasai emfermagem iha Kediri no Semarang Indonesia maioria husi funcionário saude nian oan pelo menos inan ka aman, maun ka bin funcionário ka security saude nian.  Karik iha ema balun husi povo ai leba no ain tanan sira nia oan comcerteza  sei iha ligação sanguinidade ho familia  funcionário saude nian. Hau iha provas, maibe provas sira nee atu lori ba hatudu iha se???? Pengaduannya kepada siapa????

Estudante sira  nebe foin daudaun hetan bolsa de estudo ba eskola iha Universidade Udayana Bali maioria ema boot no ricaso sira nia oan. Karik iha povo kiik sira nia oan ida ka rua insert iha laran hodi taka falta deit katak processo nee legal aberta ba publico no transparente. Lalaok sira nee mak modelo foun traição ba povu no nação. Nee modelo traição foun nebe governo hakiak no haboot iha  ministerio sira laran iha processo ukun-an nian.

 

 

9.Professores Mate Klamar

Predicado professor mate klamar nee fo sai husi Ex. Minsitro Educação  Sr. Bendito Freitas nia tempo. Hu aprecia tan nia bele deteta professores sira hodi fo naran professor mate klamar. Professor mate klamar mai husi nebe? Professor mate klamar mai husi diretores  da escola sira, inspetores, diretores distritais, professores sira nia oan no familia, Se mak preenche lista presença, diretores da escola sira, se mak ba halo inspeção ba inspetor distrital sira. Naok ten nunkca hatete sai nia-an katak nia naok ten. Tan nee mas que professor mate klamar  halo hela serviço seluk maibe listra presença iha escola  stabil nafatin. Relatório mai Ministerio Educação buat hotu diak falta mak salário professor honorário sira,  cadeira no mesa ho edificio. Ministro ida nebe mak bele sucesso wainhira nia simu deit relatório falso, nia kebijakan sala hotu.  Tan nee troca Ministro Educação ida, tau fali  seluk ida resultado hanesan deit. Nee mak modelo foun traição ba povo no Nação. Tan nee Minitro Educação labele tau komfiança liu ba nia diretores no inspetores distrital  sira. Seluk mos bele causa husi membros partido ida deit, halo relatorio ABS asal Bapak senang. Ministro labele  foti medidas forte tan diretores sira kader partido nian. resultado ikus  Ministro hetan premio  doctor honoris causa ho  titlo incapacidade.

 

 

10.Veteranos Falso

Veteranos falso sai tiha segredo público iha sociedade timor oan sira tomak. Secretário do Estado veteranos hatun ida hasae seluk problema nebe  hasoru hanesan nafatin. Tamba sa? Equipa nebe halo verificação de dados no equipa homenagem  serviço la  ho onestidade. Serviço la ho honestidade nee mak aumenta peso  ba problemas veterenos sai todan no boot tan deit. Iha dalan  verificação dados iha suco sira,sira troka tiha nia orientação laos ba dedicação maibe orientação ba   filiaçõ no afiliação. Filiação refere ba familia, afiliação refere ba partido.

Modelo sira hanesan nee mak hamosu ema balun milícia  sai fali veternos, sira nebe veteranos elimina tiha no Milicia troca veteranos nia fatin. Karik nia veternaos duni hahu husi nia kaben to oan ida iku-lai mos veteranos hotu. Katak veteranos familiarista nian. ne mak inan-aman oan sira  veteranos hotu kedas. Caso hanesan ne acontece mos iha Martires da Patria  no idosos sira nian. Questão mak nee se mak hakarak serviço diak ba nação. Nação sai tiha segunda opção familia no partido mak tem que hetan prioridade uluk povo sira sees tiha ba dook. Ita lakon tiha ona patriotismo ba rai no povo. Caso sira hanesan nee atu ba queixa iha institução ida nebe? Ita ba hato´o queixa mos sira boot ho boot sempre defende malu, kiik sala ba nafatin.

 

 

11. Sestema Error

Sistema error lia fuan ida nebe ita sempre rona husi funcionário público sira wainhira ita hakarak atu ba hasai surat importante balun nebe ita precisa atu preenche critérios documento balun. Baruk atu halo serviço, resposta forte ba ema sira mak nee sistema error. Sistema error sai estrategia diak ida atu ema sira nee fila lalais, atu fucionário sira bele halimar game no facebook. Fulan-fulan simu osan gratuita husi governo.  Simu deit salário mensal seidauk too, halo tan greve hodi exige regime especial de carreira ho retroativo. Mas que serviço serví  povo  alakadar.

Karik sistema error nee mai husi central, katak governo cria desemprego iha Ministerio sira. Mas que hanaran desemprego  salario mensal  stabil. Hare data dia 24-30 formatura naruk iha BNCTL, Mandiri no BNU nia oin careta dalan ema ocupa hotu.

 

 

12. Conclusão

Lee tiha buat lubuk ida nebe descreve iha redação badak nee  bele foti conclusão katak  precisa halo reformação administrativa  atu servi povo ho nacão ida nee ho mutua no lais. Ministros sira hakas-an hodi combate  buat ida nebe hanaran KKN. Corupção, Colusão no Nepotismo. Basá KKN sai nudar forma traição foun ba povo no nação. Prática nee marginaliza povo ain tanan no ai leba sira ba nafatin.

Maun Xanana nia liafuan “Heroi sai traidor traidor bele  sai “senjata makan tuan” Basá funcionário sira serviço ho mascra servidor povo ho Nação, usa farda, kareta estado, equipamento, atributo povo ho nação nian, maibe   orientação dedica liu  ba bolso, familia, grupo no partido, ida  nee mak hahalok  tração hasoru Nação. Sumpah Jabatan    sai tiha sumpah palsu, bosok povu no nação.

Tinan rua nulu resin haat nia laran, ema hotu brani funu hasoru força politica ocupação maibe too tiha tempo ukun-an laiha ema ida mak brani hasoru crime corrupção, inklui maun boot no mana boot funu nain sira. Hau hanoin slogan tuan nebe uluk militar Indonesia dehan  katak ema Timor tiru ho cartos latama maibe tiru ho osan tama borus no mate fatin. Slogan ida nee sei relevante nafatin iha Timor oan sira nia mentalidade, aat liu tan mak mana ho maun boot funu nain sira monu ba lasço slogan tuan nee nian.

Tinan ruanulu resin haat funu hodi hadau rai doben ida nee ho nia ricu soi sira husi ocupaço ilegal Militar nian, maibe ukun-an tiha  husik ema tisi naok mina Timor nian,foti naok osan resultado faan mina nian, ita nonok deit. Aat liu fali ida nee mak  fo tan apoio ba naokten sira hodi naok nafatin, mina nain mak loke dalan no fo aportunidade ba oportunista susu nafatin povu kiik sira. Nee mak maun boot Xanana “dehan heroi sai traidor” halo traição ba povo no nação.

Tansa mak  husik naokten sira naok nafatin osan mina nian?  Sei  apoio nafatin  coruptor sira, tan  tauk lakon posição, tauk lakon cadeira, tauk lakon militantes no apoiantes tauk lakon naran boot, tauk lakon prestigio, tauk lakon iha elição.

Presidente foun no Primeiro Ministro foun tem que brani atu combate traição sira nee, nebe ema halo hasoru nação no povo.  Aten brani nafatin    traição foun sira  nebe ema pratica hasoru povo no nação foun ida nee. Corrupção, Colusão e Nepotismo são inimigo do povo.

Leave a Reply

Your email address will not be published. Required fields are marked *