shadow
Diocese de Dili > NOTÍCIAS > LETURA DIÁRIA > Quarta Feira, X SEMANA DO TEMPO COMUM

Quarta Feira, X SEMANA DO TEMPO COMUM

Ano A

Primeira Leitura (2Cor 3, 4-11)

Lia housi São Paulo nia Surat ba sarani sira iha Corinto­

Maun-alin sira: Basa Cristo nia domin book ami maka’as basa ami hatene lolos katak ida mate tiha tan ema hotu nia di’ak, no tan ne’e ema hotu mate. Cristo mate duni tan ema hot-hotu, atu sira nebe moris, la moris tan ba sira an rasik, maibe moris ba Ida nebe mate no moris hi’as tanba sira. Ne’e duni, houri ohin ba oin, ita hare ema, la’os tuir isin ona; maski uluk ita hare Cristo tuir isin, ohin ne’e, ita la hare tan nia hanesan ne’e. Ne’e duni, ema hela iha Cristo karik, nia sai ona criatura foun ida; criatura tuan nian liu tiha ona; hare ba, buat hotu foun fali ona. No buat sira ne’e hotu mai housi Maromak, nebe badame ita ho Nia An housi Cristo no haraik tiha ami mai knaar badame malu nian, katak, Maromak badame mundo ho Nia An housi Cristo, hodi la sura ema sira nia sala hasouru sira, maibe saran tiha mai ami lia menon badame malu nian. Ami Cristo nia manu ain; Maromak hato’o nia liafuan housi ami. Ami husu imi hodi biit iha Cristo nia naran: badame malu ho Maromak ba. Tan ita, Maromak Nia nebe la hatene sala atu sai sala, atu ita bele sai Maromak nia laran los iha Nia.

Maromak Futar Lia.

 

Salmo Responsorial.                                                                                (Sal. 34, 2-3. 4-5. 6-7. 8-9)

Refrão : Na’i laran di’ak no laran-luak tebes. Repete-se

  • Ha’u klamar, hahi ba Na’i, ha’u-an tomak haklaken Nia naran santo. Ha’u klamar, hahi ba Na’i, la haluha Nia tulun. Refrão
  • Nia perdua ó salan tomak, Nia halo di’ak ó nia moras hotu, Nia soi ó nia moris housi mate laran, no hafutar ó ho grasa no laran luak. Refrão
  • Na’i laran-luak no laran di’ak,kleur atu hirus, laran di’ak tebes; la si’ak ita bei-beik, la rai hirus ba nafatin. Refrão
  • Lalehan dook tebes housi rai, nune’e Nia laran-luak tebes ba sira be hadomi Nia. Nu’udar loro-sae dook housi loro-monu, nune’e, Nia haketak ita housi ita salan. Refrão

 

Aclamação

 Refrão : Aleluia, Aleluia. Repete-se

                  Na’i, halo ha’u hatene Ita dalan, halo ha’u tuir Ita lialos. Refrão

 

Evangelho :                                                                                                                           Mt. 5:17-19

Iha tempo nebá, Jesus lia tun ba escolante sira, dehan: “Imi keta hanoin katak Ha’u mai hasai tiha Lei ka Profeta sira; Ha’u mai laos atu hasai; Ha’u mai atu halo ema kumpri lolos. Ha’u dehan lialos ba imi: Maski Lalehan ho rai lakon, Lei baluk ida mos sei la lakon; sei kumpri hotu. Ema nebe la halo tuir ukunfuan hirak ne’e ida, maski ukunfuan ki’ikoan, hodi hanourin nune’e ba ema, nia sei sai kiik liu iha Reino Lalehan. Maibé, ema nebe moris tuir didiak ukunfuan, hodi hanourin mos maluk seluk, ema ne’e sei sai boot iha reino Lalehan.”

Lia Maskoyn.

Leave a Reply

Your email address will not be published. Required fields are marked *