shadow
Diocese de Dili > NOTÍCIAS > LETURA DIÁRIA > Terça Feira, X SEMANA DO TEMPO COMUM

Terça Feira, X SEMANA DO TEMPO COMUM

Ano A

Primeira Leitura (2Cor 1, 18-22)

Lia housi São Paulo nia surat ba sarani sira iha Corinto

Maun-alin sira :  Ami fiar ne’e housi Cristo ba Maromak.  La’os katak ami rasik soi atu foti an kona ba buat ruma nebe mai housi ami; maibe lolos buat nebe halo ami soi mai housi Maromak, nebe halo duni ami soi atu sai aliança foun nia emar, la’os housi letra maibe housi espirito; basa letra lori mate, maibe espirito lori moris. Oras ne’e, knaar atu oho nian, nebe hakerek tiha iha fatuk belar, mosu nu’udar buat nebe kmanek liu, nune’e ema Israel sira le bele hateke ba Moisés nia oin tan nia gloria, nebe atu mohu lakon; knaar Espirito nian sei mosu kmanek liu tan! Basa knaar atu fo kastigu kmanek karik, knaar halo ema laran los nian sei sai kmanek liu tan. Tebes duni, ohin ne’e buat nebe hafutar an ho gloria sai fali gloria laek, tan gloria seluk nebe boot liu nia. Basa buat nebe atu mohu lakon kmanek karik, kmanek oinsa liu tan mak buat nebe sei hela ba nafatin.

Maromak Futar Lia.

 

Salmo Responsorial.                                                                             (Sal. 34, 2-3. 4-5. 6-7. 8-9)

Refrão : Na’i, ami nia Maromak, Ita mak Santo! Repete-se

  • Hahi Na’i, ita Maromak, takrabat ba rai iha Nia futar oin, Nia mak Santo! Refrão
  • Moisés no Aarão housi Nia na’lulik sira leet, no Samuel iha sira be bolu Nia naran, sira harohan ba Na’i, Nia rona sira. Refrão
  • Iha kalohan laran, Na’i ko’alia ba sira, sira halo tuir Nia ukunfuan, no moris tuir lei be Nia fo ba sira. Refrão
  • Na’i, ami nia Maromak, Ita rona sira, ba sira, Ita nu’udar Maromak be laran mamar, maibe, fo castigo ba sira nia hahalok aat. Refrão
  • Hahi ba Na’i, ita Maromak, takrabat ba rai iha Nia foho santo nia oin, Na’i Santo tebes, ita nia Maromak. Refrão

 

Aclamação

Refrão : Aleluia, aleluia. Repete-se

Imi nia naroman sei nabilan mos iha ema sira oin, atu sira hare buat di’ak imi halo, sira hahi imi nia Aman iha Lalehan. Refrão

 

Evangelho :                                                                                                                     Mt. 5:13-16

+ Na’i Jesus Cristo Nia Evangelho nu’udar S. Mateus haktuir

Iha tempo neba, Jesus lia tun ba escolante sira: “Imi mak masin rai nian. Maibe, masin lakon karik nia meer, nia hameer aihan oinsa? Nia la soi ba buat ida; nia so’i de’it atu so’e ba liur, ema atu sama. Imi mak mundu nia naroman. Cidade nebe hari iha foho leten, la bele subar-an; ahi-oan sunu la’os atu tau iha fatin okos, maibe, atu tau iha fatin aas, hodi leno ema hotu iha uma laran. Imi nia naroman sei nabilan mos hanesan ne’e iha ema sira oin, atu sira hare buat di’ak imi halo, sira hahi imi nia Aman iha Lalehan.

Lia Maksoyn.

Leave a Reply

Your email address will not be published. Required fields are marked *