shadow
Diocese de Dili > NOTÍCIAS > LETURA DIÁRIA > Segunda Feira, X SEMANA DO TEMPO COMUM

Segunda Feira, X SEMANA DO TEMPO COMUM

Ano A

Primeira Leitura     (2Cor. 1, 1-7)

Lia housi S. Paulo nia surat ba sarani sira iha Corinto

Maun-alin sira: Cristo Nia domin todan iha ita laran, wainhira ita hanoin ema ida de’it mate tan ema hotu-hotu, ne’e duni, hotu-hotu mate. Cristo mate tan ema hotu-hotu, atu ema sira nebe moris, la moris ba sira an rasik, maibé, moris ba Ida nebe mate no moris hi’as tamba sira. Houri ohin ba oin, laos hodi deit ita neon mak ita hatene ema ruma. Uluk ita hatene karik Cristo nune’e, ohin loron ita hatene Nia oin seluk. Ne’e duni, ema nebe hela iha Cristo, ema ne’e uluk nian liu tiha ona: buat hotu foun fali ona! Buat hotu mai housi Maromak. Housi Cristo, Maromak badame malu ho ita; Nia haruka ami hala’o knaar dame malu nian. Basá, housi Cristo mak Maromak dame malu ho mundo, la hanoin tan ema nia salan hodi haraik mai ita ibun lia dadoli dame malu nian. Tan ne’e, ami Cristo nia saseluk, basá, housi ami Maromak lia tun ba ema sira. Hodi Cristo nia naran, ami husu buat ne’e ba imi: Imi badame malu ho Maromak ba. Cristo nebe sala laek, tan iha domin ba ita, Maromak halo nia nu’udar maksalak, atu hodi Nia ita bele sai santo iha Maromak Futar Oin.

Maromak Futar Lia. 

 

Salmo Responsorial.                                                                   (Sal. 34, 2-3. 4-5. 6-7. 8-9)

Refrão : Na’i mak laran diak no laran luak tebes. Repete-se

  • Ha’u klamar hahi Na’i, ha’u-an tomak haklaken diak, Nia Naran Santo. Ha’u klamar hahi Na’i, la haluha Nia tulun. Refrão
  • Nia perdua ó salan sira hotu, Nia hanoin ó susar tomak. Nia hasai ó moris housi mate laran, hodi hafurak, hakmanek. Refrão
  • Na’i laran luak, la hirus lais, laran diak tebes. La hare ita, tuir ita laran aat, la fo todan ita, tuir ita salan. Refrão

 

Aclamação

Refrão : Aleluia, Aleluia Repete-se

                  Imi haksolok ba, hahi ba, basa, imi nia kolen iha Lalehan ua’in liu. Refrão

 

+ Evangelho :                                                                                                           (Mt. 5:1-12a)

Na’i Jesus Cristo Nia Evangelho nu’udar S. Mateus haktuir

Iha tempo neba, Jesus hare ema lubun boot, Nia sa’e ba foho. Hafoin, Nia tur tiha, escolante sira besik ba Nia. Nia hahu hanourin sira hodi dehan nune’e:  “Ksolok ba ema kiak sira nebe kiak iha laran, basá, reino Lalehan sira nian. Ksolok ba sira nebe tanis, basá, sira sei hetan kmaan. Ksolok ba sira nebe haraik-an, basá, sira sei simu rai hanesan lima-rohan. Ksolok ba sira nebe hamlaha no hamrook ba justisa, basá, sira sei bosu. Ksolok ba sira nebe laran luak,  basá, sira sei hetan diak.  Ksolok ba sira nebe laran mos, basá, sira sei hare Maromak. Ksolok ba sira nebe buka dame, basá, ema sei bolu sira Maromak oan. Ksolok ba sira nebe ema duni, fo terus tan buka justisa, basá, reino Lalehan sira nian. Ksolok ba imi, uainhira, tan Ha’u, ema hateten aat imi, duni imi, hodi foti lia bosok oi-oin hasouru imi. Imi haksolok ba, hahi ba, basá, imi nia kólen iha Lalehan ua’in liu.

Lia Maksoyn.

Leave a Reply

Your email address will not be published. Required fields are marked *