shadow
Diocese de Dili > NOTÍCIAS > LETURA DIÁRIA > SOLENIDADE DO SAGRADO CORAÇÃO DE JESUS

SOLENIDADE DO SAGRADO CORAÇÃO DE JESUS

ANO A

 

Primeira Leitura       Deut. 7, 6-11

Lia housi Livro Deutoronómio

Iha loron hirak nebá, Moisés hateten nune’e ba povo: “Ó, povo ida nebé halulik ba Na’i, ó nia Maromak. Na’i ó nia Maromak hili ó atu sai nia povo tomak nebé iha rai-klaran sira leet. Na’i hela ho imi, hodi hili imi, laós tan imi wa’in liu, maski imi kiik liu povo hotu-hotu. Maibé, tan Na’i hadomi imi, hodi hakarak halo tuir lia menon nebé hakotu ona ho imi nia bei-ala sira; Bei-ala nebé Nia halo sai ho liman kbiit, hodi hasai housi atan fatin, housi Faraó, Liurai Egipto nia ukun. Ne’e duni, ó sei hatene katak Na’i, ó nia Maromak, Maromak lós duni; Maromak laran di’ak, nebé houri uluk kedas, halo tuir nia Moruk; halo di’ak de’it ba sira nebé halo tuir ho hadomi Nia Ukun-fuan. Maibé, Na’i haraik los castigo ba sira nebé hakribit Nia; Nia la haluha fo susar ba ida nebé hakribit Nia, fo susar ba nia-an rasik. Ne’e duni, Ó sei buka halo tuir Ukun-fuan, Lei no lia menon tomak nebé, ohin, Ha’u haruka ó halo tuir.

Maromak Futar Lia.

 

Salmo Responsorial                                                                    Sal. 102(103), 1-2. 3-4. 6-7. 8-10

Refrão: Na’i nia kmanek hela nafatin ho sira nebé hadomi Nia. Repete-se

  1. Ha’u klamar hahí Maromak, ha’u-an tomak hana’I Nia naran Santo. Ha’u klamar hahí Maromak, la haluhan Nia kmanek tomak. Refrão
  2.  Nia perdua ha’u saialn, hanoin ha’u nia hahalok aat; sadia ha’u housi mate, haraik kmanek no domin mai ha’u. Refrão
  3. Na’i halo justiça, Tahan ema nebé hetan susar. Hatudu Nia dalan ba Moisés, Nia hahalok ba Israel oan sira. Refrão
  4. Na’i laran diak no kmaus, la rai hirus, maibé hadomi. La hanoin ita, tuir ita nia hahalok aat, la selu ita tuir ita nia salan. Refrão

 

Segunda                                                                                                                               1 Jo. 4, 7-16

Lia housi São João nia surat

Doben sira: ita hadomi malu, tan domin ne’e mai housi Maromak; ema hotu nebé hadomi, mai housi Maromak, Maromak hatene nia. Ita nebé la hadomi, la hatene Maromak, tan Maromak nia domin mosu iha ita leet: Maromak haruka mai mundo Nia Oan Mane mesak atu ita bele moris tan Nia. Domin la’o tuir nune’e: Laós ita mak hadomi Maromak; Maromak mak hadomi ita hodi haruka Nia Oan hanesan karan ida, atu kasu ita nia salan. Doben sira: tan Maromak hadomi ita, nune’e mos ita sei hadomi malu. Ema ida sidauk hahí Maromak. Ita hadomi malu karik, Maromak hela ho ita; Maromak nia domin ho ita la’o tuir dalan lós tebes. Buat nebé halo ita hatene katak ita hela ho Maromak, Maromak ho ita, mak ida ne’e: Maromak halo ita hela hamutuk ho Nia Espírito. Ita haré hodi haklaken katak Maromak haruka mai Nia Oan nu’udar mundo nia Maksoyn. Ema nebé haklaken katak Jesus Maromak nia Oan, Maromak hela ho Nia, Nia ho Maromak. Ita hatene domin nebé Maromak iha mai ita; ita fiar domin ne’e. Maromak mak domin: Ema nebé hela iha domin, hela ho Maromak; Maromak hela ho ita.

Maromak Futar Lia.

 

Aclamação                                                                                                                       Mt. 11, 29ab

Refrão : Aleluia. Refrão

Imi simu Ha’u nia todan ba imi, Hodi halo tuir Ha’u:

Ha’u laran di’ak, la foti-An. Refrão

 

Evangelho                                                                                            (Mat. 6, 1-6,16-18)                                

Na’i Jesus Cristo nia Evangelho nu’udar São João haktuir:

iha tempo nebá, Jesus hateten nune’e: Ha’u hahí ita, Ha’u Aman, lalehan ho rain sira Na’in, tan Ita subar lialós ne’e ba matenek no boot sira, hodi haklaken ba kiik sira. Ne’e duni, Aman, basá, ita hakarak nune’e. Buat hotu mai housi Ha’u Aman. Ema ida lahatene Oan, maibé Aman de’it; ema ida la hatene Aman, maibé Oan de’it, no ema hotu nebé Oan Mane hakarak haklaken ba nia. Mai hotu Ha’u, imi nebé neon todan, laran susar, tan Ha’u sei fo kman ba imi. Imi sei hetan kman ba imi laran, tan Ha’u knar kman, Ha’u nia naha la todan.

Lia Maksoyn.

Leave a Reply

Your email address will not be published. Required fields are marked *