shadow
Diocese de Dili > NOTÍCIAS > OPINIÃO > MENSAGEM SANTO PADRE FRANCISCO BA LORON MUNDIAL I BA KIAK SIRA NIAN XXXIII DOMINGO DO TEMPO COMUM (19 DE NOVEMBRO DE 2017)

MENSAGEM SANTO PADRE FRANCISCO BA LORON MUNDIAL I BA KIAK SIRA NIAN XXXIII DOMINGO DO TEMPO COMUM (19 DE NOVEMBRO DE 2017)

Adapta ba lia tetun husi Mário de Oliveira Pires

«Ita keta hadomi ho liafuan deit, maibe ho  hahalok»

 

  1. «Hau nia oan sira, keta hadomi ho liafuan deit, maibé ho hahalok no lialos»

          (1 Jo 3, 18). Liafuan hirak nebe apóstolo João exprime hanesan imperativo ida de que laiha  cristão ida maka bele pode halik.  Importância husi mandamento Jesus nian, transmite husi «discípulo amado» too ba ita ninia tempo, sei mosu nafatin mai ita hodi acentua liutan ba tetu didiak ho liafuan mamuk sira, nebe frequentemente sei hasoru iha ita ninia ibun, hahalok  concretas, maka buat ida únicas liu hodi sukat saida maka verdadeiramente vale mai ita. Domin laadmite álibis: se maka pretende domin hanesan Jesus hadomin  ona ita, bele assume ninia exemplo, sobretudo wainhira ita hirak nee hetan bolu atu hadomi ema kiak sira. Aliás, nee maka buat diak ida, iha nebe conhece forma domin nian husi Maromak nia Oan Mane, no João fo hanoin ho clareza tebes. Assentua kona ba colunas mestras rua : Uluk liu maka hadomi Maromak (cf. 1 Jo 4, 10.19); hodi hadomin ona nunee maka, entrega Nia an tomak, inclui ninia moris rasik (cf. 1 Jo 3, 16). Domin ida nunee labele hela deit hanesan nee, sem resposta.

          Apesar de sai hanesan maneira unilateral, ida nee maka, lalika husu buat ida tan atu selu fali, nia hakuak ho forma fuan ida nebe diak tebes, nebe naran ema id abele sente atu lori mos iha nia an nunee bele fahe mos domin nee, biar sira nee iha limitações no pecados. Ida nee maka possível, se graça nee mai husi Maromak, ninia caridade misericordiosa, halibur iha ita ninia fuan nudar pontos hodi muda ita ninia vontade no ita ninia  afetos hotu atu hadomi Maromak no maluk sira. Modo husi misericórdia ida nee, book duni, bele dehan hanesan ne’e; iha Trindade ninia fuan, bele too ba iha movimento iha ita ninia fuan no hamoris compaixão no hahalok misericórdia nian iha prol maun alin no bin feton sira nebe sei hasoru necessidade.

  1. «wainhira kiak ida harohan, Na’I rona nia» (Sl 34/33, 7). Igreja compreende ona, desde sempre, importância husi invocação sira. Ita mos iha sasin lubuk ida hahu kedas husi primeiras páginas Haktuir Apostólo sira ninia Hahalok, wainhira Pedro husu atu hili ema nain hitu nebe «nakonu ho Espírito no matenek » (6, 3), nebe ikus mai assume duni serviço de assistência ba kiak sira nian. ida nee maka, laiha tan dúvida, hanesan primeiros sinais ho comunidade cristã nebe apresenta ona iha palco mundo nian : serviço ba sira nebe kiak liu. Buat hirak nee sai possível, husi nia mos maka bele compreende katak discípulos Jesus ninia moris devia exprime iha fraternidade ida ninia leet no iha solidariedade ida nebe diak tebes, nebe bele corresponde ba ensinamento principal husi Mestre nian nebe maka proclamado dadaun ba kiak sira nebe  bemaventurados no soin ba Reino lalehan nian (cf. Mt 5, 3). «sira fan sira nia rikusoin, hodi fahe osan ba malu, tuir ida-idak nia susar» (Apos 2, 45). Frase ida nee hatudu, ho clareza duni, oinsa maka primeiros cristãos moris iha preocupação ida hanesan nee. Evangelista Lucas – autor sagrado nebe fo liu espaço ba misericórdia do que sira seluk – laos halo retórica, wainhira descreve prática husi partilha iha primeira comunidade. Antes, pelo contrário, ho ninia narração, pretende liu hodi koalia ba ema fiar nain sira husi dersan ba dersan(no, por conseguinte, hanesan mos ita), buka nafatin atu sustenta sira iha ninia sasin no incentiva sira ho ação concreta hodi halo favor ba sira nebe necessitados liu. No ensinamento nebe hanesan mos hatoo mai ita, ho  convicção ida henesan, husi apóstolo Tiago, usa duni  expressões nebe makaas no incisivas iha ninia Carta: «rona ba, maun alin sira, Maromak lahili mundo nee nia ema kiak sira, atu sai riku iha fiar no liman rohan nain Reino nian, nebe Nia hakotu ba sira nebe hadomi nia ? maibe lahadomi ema kiak nee. Maun alin sira, ema manan sa wainhira nia dehan katak nia iha fiar maibe nia laiha hahalok? (…) nia fiar bele soi nia ? alin eh feton ida kuran hatais no aihan karik no imi dehan : “lao iha dame, sai manas no bosu ba,” maibe la fo buat ida ba nia isin, imi manan sa? Nee duni, fiar mesak deit, wainhira hahalok laiha, fiar nee mate liu» (2, 5-6.14-17).
  2. Contudo, iha momentos iha nebe cristãos la rona klean apelo nee, tama iha be merak nebe nakonu ho mentalidade mundana. Maibe Espírito Santo lahusik deit nunee, hodi bolu nafatin nunee bele hateke loloos ba iha ida nebe essencial. Com efeito, hamosu mane sira eh feto lubuk ho hahalok oi-oin, nebe oferece sira nia moris ba serviço ema kiak sira nian. iha tinan rihun rua nia laran nee, páginas lubuk ida iha história maka hakerek ona husi cristãos nebe, ho simplicidade no humildade tomak, servi duni sira ninia maun alin nebe kiak tebes, animados ho generosa fantasia ida husi caridade! Iha sira nee hotu, husik mai ita hanesan exemplo maka Francisco de Assis, nebe ema lubuk seluk maka hakat tuir nain fatin, no ema hirak nee mesak santo iha séculos naruk. Labaruk deit atu hakuak no fo esmola ba leprosos, maibe decide duni atu ba iha Gúbio hodi hela hamutuk ho sira. Nee duni maka  identifica ona ninia an iha encontro ida nee hodi halo viragem husi ninia conversão: «Wainhira iha nafatin hau ninia pecado sira, parece hau bele insuportável haree leprosos. No Maromak rasik maka lori hau ba sira ninia leet hodi usa ona hau husi misericórdia ba ho sira. No, atu hau hadook an husi sira, hanesan buat ida nebe parece mai hau nee moruk hodi hakribit ba hau an iha klamar no isin nebe midar» (Test 1-3: FF 110). Sasin ida nee hatudu kbiit transformadora nian husi caridade no estilo de vida husi cristãos.

          Ita lahanoin iha kiak sira deit hanesan destinatários ba iha obra diak voluntariado nian, nebe sei pratica uma vez por semana, ou, menos ainda, husi gestos improvisados husi vontade diak ba consciência nebe hakmatek. Experiências hirak nee, embora válidas no úteis a fim de sensibiliza liu ba necessidades husi maun alin lubuk ida nian no injustiças nebe frequentemente hanesan ninia causa, bele loke encontro verdadeiro ida ho ema kiak sira no haraik fatin partilha nian ida nebe sei sai estilo de vida ida. Na verdade, oração, maka dalan discipulado nian no conversão nebe sira hasoru, iha caridade nebe sei sai partilha, prova husi ninia autenticidade evangélica. No lalaok moris nian ida nee maka hasuli ksolok no serenidade de espírito, tamba sei kaer ho liman Cristo ninia isin. Se Realmente ita hakarak hasoru Cristo, nee maka precisa tebes atu ita kaer mos ninia isin iha ema kiak sira ninia isin kanek, hanesan resposta ba comunhão sacramental nebe simu iha Eucaristia. Cristo ninia isin, sai parte central iha sagrada liturgia, husik mai ita atu hasoru malun liuhusi caridade partilhada iha rosto no pessoa maun alin inan feton sira nebe frágeis liu. Continua hanesan lian ida nebe ho atualidade boot; liafuan santo bispo Crisóstomo: «Ó hakarak hahi Cristo ninia isin ? labele despreza ninia belun sira, nee maka, iha ema kiak sira nebe laiha hatais, nem hahi Nia iha nee, iha tempo  ho hatais hena lahan lotuk furak, enquanto iha liur neba, husik hela Nia mesak iha malirin laran no molik» (Hom. in Matthaeum, 50, 3: PG 58). Portanto ita hotu hetan bolu hodi loke liman ba ema kiak sira, hasoru sira, hateke ho ita matan, hakuak sira, atu sira mos sente domin ninia manas nunee bele harahun  círculo solidão nian. sira ninia liman mos nakloke mai ita, nee mos maka convite ida atu ita hotu sai husi ita ninia certezas no comodidades no reconhece mos folin husi pobreza nebe encerra iha ninia an rasik.

  1. ita labele haluha katak, discípulos Cristo nian, pobreza maka, antes de mais, vocação atu lao tuir Jesus nebe kiak. Nee maka dalan ida iha Nia kotuk no ho Nia : dalan ida nebe lori ba ksolok reino lalehan nian (cf. Mt 5, 3; Lc 6, 20). Pobreza significa  fuan ida nebe haraik an, nebe hatene simu ninia condição hanesan criatura limitada no pecadora, manan dadaun tentação omnipotência nebe cria iha ita leet ilusão atu sai imortal. Pobreza maka atitude husi coração nebe  impede hanoin ho objetivo moris nian no condição felicidade nian iha osan, carreira no buat sira nebe luxo. Liutan nee, pobreza maka cria condições atu livremente assume responsabilidades pessoais no sociais, la obstante ba próprias limitações, confia iha proximidade Maromak nian no moris nafatin iha Ninia graça. Hanesan nee duni maka sei entende, katak  pobreza hanesan metro nebe permite atu sukat uso correto husi bens materiais no mos moris iha hahalok laos egoísta nem possessivo ho laços no afetos (cf. Catecismo da Igreja Católica, n. 25-45). Ita mos assume nunee, pois, ninia exemplo husi São Francisco, testemunha husi pobreza genuína. Nia, precisamente iha matan nebe fixos iha Cristo, hatene reconhece Nia no servi Nia iha ema kiak sira. Por conseguinte, ita mos deseja atu fo ita ninia contributo eficaz ba mudança husi história, hamoris verdadeiro desenvolvimento, nee maka necessário tebes atu rona ema kiak sira nia hakilar no ita mos compromete ba ita ninia an hodi hasai sira husi sira ninia estado de marginalização. Ao mesmo tempo fo hanoin mos, ba ema kiak sira atu moris iha ita ninia cidades no iha ita ninia comunidades, atu nunee sira lalakon sentido husi pobreza evangélica nebe lori duni mai ninia moris.  
  2. ita mos conhece dificuldade boot nebe iha, iha mundo contemporâneo, husi  poder nebe identifica claramente ba pobreza. No nunee maka defia mos ita lor-loron ho inúmeros rostos nebe marca ho sofrimento, husi marginalização, husi opressão, husi violência, husi torturas no prisão, husi funu, husi privação da liberdade no husi dignidade, husi ignorância no husi  analfabetismo, husi emergência sanitária no husi serviço nebe laiha, husi tráfico de pessoas no husi escravidão, husi exílio no miséria, husi migração forçada. Pobreza nee belit metin iha feto sira no mane sira no labarik sira nebe hasoru exploração ba vis interesses, hetan hanehan husi lógicas perversas kona ba poder no husi osan. Hanesan mos impiedoso no nunca completo hela deit husi elenco nebe maka moe hodi elabora kona ba vizão pobreza nian, fuan husi injustiça social, husi miséria moral, husi  avidez nebe maka oituan no husi indiferença generalizada! Infelizmente, iha ita ninia tempo, enquanto sobressai dala barak liu maka riqueza descarada nebe maka acumula deit iha privilegiados balun ninia liman laran, frequentemente acompanha husi  ilegalidade no exploração ofensiva ba dignidade humana, causa sira hanesan escândalo ba  extensão husi pobreza ba sectores nebe luan liu iha sociedade mundo inteiro nian. liuhusi cenário nee, labele duni permanece inerte no, menos ainda, resignado. Pobreza nebe teri netik espírito de iniciativa husi jovens wain, impede dadaun atu hetan serviço ida, pobreza nebe anestesia  sentido husi responsabilidade, induz dadaun hodi prefere liu ba abdicação no buka favoritismos, pobreza maka hasulin ai moruk at ba poços participação nian no limite tiha espaços profissionalismo nian, nunee duni mos maka hatuun mérito husi sê maka serviço no produz: buat hirak nee hotu precisa responde ho visão foun ida husi moris no husi sociedade.

          Ema kiak hirak nee hotu – hanesan baibain Beato Paulo VI dehan ona – sira pertence ba Igreja tamba «direito evangélico» (Discurso de abertura na II Sessão do Concílio Ecuménico Vaticano II, 29/IX/1963) no obriga duni ba opção fundamental ba sira sira. Tamba nee, ksolok tebes ba liman sira nebe nakloke hodi simu ema kiak sira no tau matan ba sira: liman sira nee maka lori duni esperança. Ksolok ba liman sira nebe hakat liu barreira cultura sira hotu, religião no nacionalidade, hatutuk netik mina consolação nian iha kanek  humanidade nian. ksolok ba liman sira nebe nakloke nafatin sem husu naran buat ida hodi selu fali, sem «se» nem «maibé», nem «talvez»: mesak liman sira nebe maka halo katak benção Maromak nian too duni ba maun alin sira ninia leten.

  1. Iha termo Jubileu Misericórdia nian, hakarak oferece ba Igreja Loron Mundial ema kiak sira nian, atu nunee comunidades cristãs sei bele sai duni, iha mundo tomak, cada vez mais no diak liu ho sinal concreto husi caridade Cristo nian iha sira nebe últimos no sira nebe carenciados liu hotu. Hau hakarak atu, ba Loron Mundiais seluk nebe instituí ona husi hau ninia Predecessores no sente dadaun katak nee maka tradição ida ona iha ita ninia comunidades, sei  acrescenta iha nee, hodi bele completa conjunto husi Loron sira ho elemento ida nebe requintadamente evangélico, nee maka, predileção Jesus nian ba ema kiak sira. Hau convida mos Igreja inteira no ema mane eh feto sira nebe ho vontade diak, loke matan iha loron ida nee, iha ema hotu nebe haluan sira ninia liman hodi husu tulun no husu dadaun ita ninia solidariedade. Mesak ita ninia maun alin bin feton sira deit, criados no amados husi único Aman Lalehan. Loron ida pretende hanesan loron ida nebe bele estimula, uluk liu, fiar nain sira, atu bele reaje ba cultura lixo no desperdício, assume cultura hasoru malun. Iha biban hanesan, convite nee dirige hot-hotu, independentemente husi ninia pertença religiosa, atu bele nakloke ba partilha ho ema kiak sira iha formas de solidariedade hot-hotu, hanesan sinal concreto husi fraternidade. Maromak cria lalehan no rai ba ema hotu; sai ema nebe, infelizmente, hasai tiha fronteiras, muros no recintos, lori dom originário nebe destinado ba humanidade sem qualquer exclusão.
  2. Desejo katak, iha semana anterior ba Loron Mundial Kiak sira nian – nebe maka tinan sei celebra loron 19 de Novembro, XXXIII domingo do Tempo Comum –, comunidades cristãs sei empenha iha criação husi momentos hotu hodi hasoru malun no amizade, husi solidariedade no ajuda concreta. Sei bele mos convida ema kiak sira no voluntários atu participa, hamutuk, iha Eucaristia domingo nee nian, de modo que, iha domingo tuir mai, celebração Solenidade Nai Jesus Cristo Liurai Rai Hotu nian; nebe sei resulta mos buat nebe autêntica liu. Na verdade, realeza  Cristo nian aparece iha ninia  significado tomak nebe  precisamente iha Gólgota, wainhira Inocente, prega iha cruz, kiak, molik no privado husi buat hotu, hola isin ida  no revela  plenitude husi domin Maromak. Completamente Nia abandon ba Aman, ao mesmo tempo  exprime ninia pobreza total, sai evidente ba kbiit husi domin ida nee, nebe Nia moris hias fali ba moris foun ida iha Páscoa. Domingo ida nee,  moris mos iha ita ninia bairro ema kiak sira nebe buka proteção no ajuda, ita hakbesik an ba sira : sei sai momento ida propício atu hasoru malun ho Maromak nebe ita hotu buka. Hanesan Sagrada Escritura hanorin (cf. Gn 18, 3-5; Heb 13, 2), simu sira hanesan bainaka privilegiados ba ita ninia; sei bele mos sira maka mestres, nebe tulun ita atu moris ho maneira nebe coerente liu iha fé. Ho ninia confiança no disponibilidade atu simu tulun, sira hatudu mai ita, husi forma sóbria no dala wain feliz, hanesan buat nebe maka decisivo atu ita moris husi ida nebe essencial no abandona ita ninia an husi providência Aman nian.
  3. iha base ba iniciativas concretas nebe oi-oin, sei bele realize iha Lorn ida nee, sai nafatin oração ida. Ita mos labele haluha katak Ami Aman maka oração ema kiak ninian. De facto, pedido husi pão exprime abandono ba Maromak iha necessidades primárias moris lor-loron nian nebe ita iha. Buat hotu nebe Jesus hanorin ona mai ita ho oração nee exprime no halibur hakilar ema hirak nebe maka sofre tamba precariedade husi existência no kuran buat nebe necessário. Ba discípulos nebe maka husi atu hanorin reza, Jesus hatan ho liafuan husi ema kiak sira nian nebe maka hasae ba Aman Mesak deit, iha nebe maka ema hotu sei  reconhece hanesan maun alin. Ami Aman maka oração ida nebe exprime iha plural: pão nebe husu maka  «ita nian», no ida nee implica partilha, comparticipação no responsabilidade comum. iha  oração ida nee, ema hotu reconhece exigência atu hakat liu qualquer forma egoism nian, atu ita mos iha acesso ba ksolok acolhimento recíproco nian.
  4. Ba maun alin bispo sira, ba sacerdote sira, ba mos diáconos – nebe, liuhusi vocação, iha duni missão atu tulun ema kiak sira–, ema hirak nebe consagrados/as, ba associações, ba movimentos no voluntariado nebe wain iha mundo, hau husu atu compromete diak liutan ba, ho Loron Mundial Kiak sira nian nee, sei instaura tradição ida nebe maka sai contribuição concreta ida ba evangelização iha mundo contemporâneo. Nebe Loron Mundial foun ida nee sei sai nunee duni,tamba, apelo forte ida ba ita ninia consciência hanesan ema fiar nain, atu nunee ita mos bele  cada vez mais convictos husi partilha nian ho ema kiak sira, hodi fo biban mos mai ita bele  compreende Evangelho iha ninia verdade nebe klean liutan. Ema kiak sira laos ona hanesan problema ida : hanesan recurso ida hodi husik ita liman ba halibur no moris ho essência Evangelho nian.

Vaticano, Memória de Santo António de Lisboa, 13 de junho de 2017.

Franciscus

 

© Copyright – Libreria Editrice Vaticana

Leave a Reply

Your email address will not be published. Required fields are marked *