shadow
Diocese de Dili > NOTÍCIAS > LETURA DIÁRIA > Sexta Feira, XII DOMINGO IHA TEMPO COMUM

Sexta Feira, XII DOMINGO IHA TEMPO COMUM

ANO A

 

Primeira Leitura      17, 1. 9-10. 15-22

Lia housi livro Génesis

Wainhira Abraão iha tinan sia nulu resin sia, Na’i mosu ba nia hodi dehan: “Ha’u mak Maromak biit na’in! Buka la’o iha Ha’u oin hodi halo tuir nafatin lia los.” Maromak hateten tan ba Abraão: “Ó sei halo tuir nafatin Ha’u nia Moruk, ó no ó nia oan no bei-oan sira hotu ba nafatin. Nune’e mak imi sei halo tuir Ha’u nia moruk, moruk housi Ha’u ho imi, no otas sira housi ó nebe sei mai tuir: mane hotu-hotu nebe moris housi imi, sei simu circuncisão.” Maromak hateten mos ba Abraão: “Kona ba Sarai, ó nia kaben, ó sei la bolu tan nia Sarai, maibé, ó sei bolu nia Sara. Ha’u sei haraik bensa ba nia, no housi nia Ha’u sei fo oan mane ida ba ó. Ha’u sei fo bensa ba nia, nia sei sai inan nasaun sira nian; housi nia sei moris liurai barak ba povo wa’in.” Abraão monu taka oin ba rai, hamanasa hodi hateten iha nia laran: “Oinsa bele moris oan ida ba mane ida nebe ho tinan atus ida? Oinsa Sara ho tinan sia nulu bele sai inan?” Abraão hatan ba Na’i Maromak: “Bele karik, Na’i, hamatan netik ba Ismael, hodi moris iha Ita Futar oin!” Maibé, Maromak simu hodi dehan: “Laos nune’e! Ó nia kaben Sara mak sei ko’us oan mane ida ba ó, ó sei hanaran nia Isaac. Ha’u sei halo Ha’u nia moruk ho nia, moruk ida nebe sei metin ba nafatin ho nia derasan hotu-hotu. Kona ba Ismael, Ha’u rona mos ó lian:  Ha’u sei fo bensa ba nia hodi tau matan atu nia sai wa’in. Nia sei sai aman ba liurai sanulu resin rua. Housi nia Ha’u sei halo povo boot ida. Maibé, Ha’u nia moruk sei hela ho Isaac, nebe Sara sei ko’us ba ó, iha tempo hanesan ne’e  iha tinan oin mai.” Wainhira hateten hotu tiha lia hirak ne’e ba Abraão, Maromak husik nia hodi sa’e ba lalehan.

Maromak Futar Lia.

 

Salmo Responsorial Sal.                                                                                              128, 1-2. 3. 4-5

Refrão : Ema be hamta’uk Na’i, simu bensa. Repete-se

  1. Ksolok ba sira be hamta’uk Na’i, hodi la’o tuir Nia dalan! Housi ó nia liman nia kole mak ó han, ó sei haksolok hodi moris di’ak. Refrão
  2. Ó nia kaben hanesan uvas buras nafatin iha ó nia uma laran. Ó nia oan sira hanesan oliveira nia tubun hadulas ó nia mesa. Refrão
  3. Nune’e, ema be hamta’uk Na’i simu bensa, Na’i haraik bensa ba ó housi foho Sião. Ó bele hare Jerusalém be buras iha ó nia moris tomak. Refrão

 

Aclamação

Refrão : Aleluia, Aleluia. Repete-se

Cristo simu ita nia terus hotu ba nia leten,

lori ita nia moras tomak. Refrão

 

Evangelho                                                                                                                             Mt. 8:1-4

+ Na’i Jesus Cristo Nia Evangelho nu’udar São Mateus haktuir

Iha tempo neba, Jesus tun housi foho mai, ema lubun wa’in mai hamutuk ho Nia. Teki-tekil ema moras lepra ida mai tuku-tur iha Nia oin, nebe dehan ba Nia: “Na’i, Ita hakarak karik, bele fo isin diak mai ha’u.” Jesus lolo liman hodi kona nia, dehan, “Ha’u hakarak, ó hetan isin di’ak ba.” Iha oras ne’e kedas, nia moras lepra sai di’ak. Jesus dehan ba nia: “Neon moris ba; Keta hateten ba ema ida, maibé ba hatudu-an ba na’ilulik hodi fo esmola tuir Moisés nia lei, nu’udar sasin ba sira.”

Lia Maksoyn. 

Leave a Reply

Your email address will not be published. Required fields are marked *