shadow
Diocese de Dili > NOTÍCIAS > LETURA DIÁRIA > Segunda Feira, XIII Semana Iha Tempo Comum

Segunda Feira, XIII Semana Iha Tempo Comum

Ano A

 

Primeira Leitura       Ef. 2, 19-22

Lia housi São Paulo nia surat ba sarani sira iha Éfeso:

Maun-alin sira : imi la’os ona ema rai seluk nian no mos la’os ema liur nian; imi ema sarani lós nian no emar Maromak Nia uma laran. Imi hari ona iha didin hun Apóstolo no Profeta sira leten, nebé iha Jesus Cristo nu’udar fatuk inan. Iha Cristo mak hari uma metin lós nian, foti atu hodi halo Na’I Nia Templo Santo ida. Atu hamutuk Nia, imi mos tama ona iha uma ne’e, atu, iha Espírito Santo, imi bele sai Maromak Nia horik fatin.

Maromak Futar Lia.

 

Salmo Responsorial                                                                                                                       Sal.116, 1-2

Refrão : Imi ba mundu tomak hodi haklaken Evangelho, Repete-se

  • Hahi ba Na’I, nação hot-hotu; hananu ba Na’I, povo tomak. Refrão
  • Nia laran luak hela metin ho ita; Na’I laran metin horik nafatin. Refrão

 

Aclamação

Refrão : Aleluia, Aleluia. Repete-se

 

Evangelho                                                                                                                        Jo. 20. 24-29   

Na’I Jesus Cristo nia Evangelho nu’udar São João haktuir :

Iha tempo nebá, Tomé, sira sanulu resin rua ne’e ida, nebé ema hanaran Didimo, nia la iha nebá, wainhira Jesus mosu. Apóstolo sira seluk hateten ba nia: “Ami haré ona Na’i!” Maibé Tomé hatan ba sira: “Ha’u la haré karik besi-kusan fatin iha Nia liman, ha’u la hatama karik ha’u liman iha Nia sorin kanek, ha’u sei la fiar !” Liu tiha loron walu, Apóstolo sira halibur-an hamutuk fali iha uma laran. Tomé mos iha nebá. Odamatan sei taka metin hela, Jesus mosu mai; Jesus hamrik iha sira leet, dehan: “Paz hela ho imi !” Hafoin, Jesus lia tun ba Tomé : “Hakbesik ó liman fuan mai, hodi haré Ha’u liman ! Habesik ó liman hodi hatama ba Ha’u sorin kanek ! Ó keta laran to’os, maibé laran mamar atu fiar !” Tomé hasa’e lia ba Jesus, dehan: “Ha’u Na’I, ha’u nia Maromak!” Jesus lia tun teni ba nia: “Ó fiar, tan ó haré Ha’u. Rahun diak ba sira nebé fiar, maski la haré !”

Lia Maksoin.

Leave a Reply

Your email address will not be published. Required fields are marked *