shadow
Diocese de Dili > NOTÍCIAS > LETURA DIÁRIA > Tersa Feira, XIII Semana Iha Tempo Comum

Tersa Feira, XIII Semana Iha Tempo Comum

Ano A

 

Primeira Leitura      Gn.19,15-29

Lia housi livro Génesis   

Iha loron hirak neba, Anjo sira be liu housi Lot nia uma husu barak ba nia hodi dehan nune’e:  “Lori ó nia feen ho ó nia oan feto na’in rua nebe hela ho ó, sai lalais housi ne’e, atu la bele mate tan Sodoma nia salan.  Hare ba katak nia sei laran rua-rua hela, Anjo sira kaer iha sira liman, dada sai sira, basá, Na’i hakarak soi sira nia moris. Lori sira ba husik hela iha cidade nia liur. Wainhira sira iha ona liur, Anjo ida dehan ba sira:  “Halai, ó hakarak karik ó nia moris. Keta hare ba kotuk, keta  demora iha fatin sira iha rai tetuk. Halai ba foho atu keta mate.”  Lot hatan:  “Ha’u Na’i, ne’e lae! Tebes duni, Ita atan ha’u simu tulun boot tebes housi Ita, Ita halo tiha favor boot ida mai ha’u hodi soi ha’u nia moris. Maibé, ha’u la bele halai ba to’o foho molok  susar ne’e monu mai ha’u leten no ha’u mate. Hare ba cidade neba! Besik teb-tebes nebe bele halai ba no cidade neba kiik. Husik ha’u halai ba neba kiik tebes karik hodi soi ha’u moris.”  Anjo hatan ba nia, dehan:  “Diak! Ha’u sei fo tan grasa ne’e ba ó: ha’u sei la sobu no la harahun cidade nebe ó dehan. Halai lalais ba neba, basá, Ha’u sei la halo buat ida wainhira ó ladauk to’o iha neba.” Tan ne’e, mak sira fo naran Soar ba cidade ne’e.  Loro matan hahu mosu iha rai, wainhira Lot tama iha Soar. Tuir mai, Na’i hahu haruka tun ba Sodoma no Gomorra nu’udar  údan enxofre no áhi housi Lalehan. Sunu hodi halo mohu cidade sira neba, rai tetuk sira hotu, Maibé, Lot nia feen nebe hateke ba kotuk, nakfilak tiha ba estátua masin nian.  Abraão dadersan nakukun, hader ba iha fatin nebe uluk nia hamriik ba iha Na’i Nia oin. Nia hateke ba Sodoma no Gomorra no rai tetuk sira hotu rai neba nian: nia hare áhi súar sa’e housi rai, hanesan áhi súar housi áhi matan boot. Nune’e mak wainhira Na’i atu harahun cidade sira Na’i hanoin Abraão hodi hasai Lot housi susar boot, wainhira harahun cidade sira nebe nia hela ba.

Maromak Futar Lia.

 

Salmo Resp.                                                                                         Sal.25(26),2-3,9-10,11-12

Refrão :  Na’i, Ita laran di’ak iha nafatin ha’u oin. Repete-se

  • Fihir ha’u ba, Na’i, hodi koko ha’u, hamos ba ha’u fuan no ha’u laran. Ita laran di’ak iha nafatin ha’u oin, halo ha’u la’o tuir Ita lialos. Refrão
  • Keta halo ha’u klamar hamutuk ho maksalak sira, no ha’u moris hamutuk ho ema liman mean sira. Sira liman nakonu ho hahalok aat tebes, sira liman los nakonu ho na’uk no bosok. Refrão
  • Ha’u la’o tuir lialos; soi ha’u no sadia ha’u! Ha’u ain sama metin dalan lialos nian, ha’u sei hahi Na’i iha ema di’ak sira leet. Refrão

 

Aclamação

Refrão : Aleluia, Aleluia Repete-se

                  Ha’u laran metin iha Na’i, ha’u klamar fiar iha Nia liafuan. Refrão

 

Evangelho :                                                                                                                     Mt. 8:23-27

+ Na’i Jesus Crito Nia Evangelho nu’udar S.Mateus haktuir :

Iha tempu nebá, Jesus sa’e ba ro, hamutuk ho Nia escolante sira. Teki-teki, tasi hahu si’ak maka’as, laloran tama makaas iha ro laran, maibe Nia toba dukur hela. Escolante sira hakbesik hodi fanu Nia dehan:  “Na’i, soi ami, ami atu mate.”  Jesus dehan ba sira:  “Tansa imi ta’uk, imi sira fiar kiik?”  Hafoin Nia hamriik hodi siak anin ho tasi, no buat hotu sai hakmatek. Sira hakfodak hoid dehan:  “Ema ne’e se los, nebe anin ho tasi mos halo tuir de’it.

Lia Maksoyn.

Leave a Reply

Your email address will not be published. Required fields are marked *