shadow
Diocese de Dili > NOTÍCIAS > LETURA DIÁRIA > Quarta Feira, XIII Semana Iha Tempo Comum

Quarta Feira, XIII Semana Iha Tempo Comum

Ano A

 

Primeira Leitura         Gn21, 5. 8-20

Lia housi livro Génesis

Abraão iha tinan atus ida uainhira nia oan Isaac moris. Kiik-oan ne’e boot ba daudaun hodi husik susu. Abraão halo festa boot ida, uainhira Isaac husik susu. Sara hare katak oan be Agar housi Egpito fo ba Abraão hasara Isaac. Tan ne’e Sara dehan ba Abraão:  “Duni sai tiha feto atan ne’e ho nia oan housi ne’e; atan nia oan labele simu lima-rohan hamutuk ho ha’u nia oan Isaac”.  Liafuan hirak ne’e halo terus teb-tebes Abraão, tan nia oan Ismael. Maibe, Maromak dehan ba nia nune’e:  “Ó keta neon sala tan ki’ik oan ne’e no tan ó nia atan feto. Halo tuir buat nebe Sara husu ba ó, basa, housi Isaac mak ó sei hetan bei-oan sira ba ó nia naran. Atan nia oan mos Ha’u sei halo sai povo boot ida, basa, nia ó nia oan”.  Dadersan de’it Abraão hamriik kedas, foti pão no ué kusi ida, fo ba Agar. Hafoin, tau ki’ik oan iha Agar nia kbás, hodi haruka sai housi nia uma. Agar ho ki’ik oan Ismael, la’o lemo iha rai fuik maran Bersabé nian. Uainhira ué iha kusi hotu ona, Agar hatoba hela ki’ik oan ne’e iha ai-hun badak ida nia okos, nia ba tur iha iha fatuk tuda ida nia dook housi ki’ik oan ne’e nia oin. Nia hateten ba nia-an rasik:  “Ha’u lakohi hare ki’ik oan ne’e mate iha ha’u nia oin”.  Tan ne’e, nia ba tur dook tiha uit-oan, ki’ik ona ne’e hahu tanis maka’as.  Na’i rona ki’ik oan ne’e nia tanis, Maromak nia anjo ida bolu kedas Agar housi aas Lalehan nian, hodi dehan ba nia:  “Ó hetan sa Agar? Ó keta ta’uk. Maromak rona ki’ik-oan nia lian tanis housi fatin nebe nia hela ba. Hamriik ba, foti ki’ik oan, kaer didiak iha nia liman, basa ha’u sei halo moris housi nia povo boot ida. Maromak loke Agar  nia matan, nia hare hetan ué inan ida. Nia ba kuru ué ne’e iha kusi hodi ba fo ki’ik ona hemu. Maromak hamutuk ho ki’ik ona ne’e, no ki’ik ona ne’e boot ba daudaun. Nia horik iha rai-fuik maran hodi halo-an soro-na’in.

Maromak Futar Lia.

 

Salmo Responsorial                                                                                               34,7-8. 10-11. 12-13

Refrão : Na’i rona ema kiak nia harohan. Repete-se

  1. Ema kiak harohan, Na’i rona nia, soi nia housi laran susar hotu. Na’i nia Anjo hatau sira be hamta’uk nia, no soi sira housi buat aat. Refrão
  2. Hamutuk Na’i ba, imi be fiar iha Nia, basa la kuran buat ida ba sira be hamta’uk Nia. Biit na’in sira sai kiak no sei hamlaha; ba sira be buka Na’i, sei la kuran riku soi ruma. Refrão
  3. Oan sira, hakbesik mai hodi rona ha’u, ha’u sei hanourin imi hamta’uk Na’i. Ema se mak la hadomi moris se mak la hakarak loron barak ksolok nian? Refrão

 

Aclamação

Refrão : Aleluia, Aleluia. Repete-se

Aman Maromak hakiak ita housi liafuan lialos nian

atu ita bele sai criatura hot-hotu nia ulun. Refrão

 

Evangelho                                                                                                                          Mt. 8:28-34

+Na’i Jesus Cristo Nia Evanghlo nu’udar  S. Mateus haktuir:

Iha tempo nebá, Jesus hakur liu ba tasi sorin balu ba. Uainhira nia to’o iha rai  Gadarenos, Ema na’in rua ho diabu iha laran mai housi rate hasouru Nia. Sira siak la diak, halo ema ida la bele liu housi dalan neba. Teki-tekir sira hakilar,  “iha saida ho Ó no ami, Jesus, Maromak Oan?  Ó mai iha ne’e atu halo ami terus molok nia tempo?”  Besik iha neba fahi lubuk ida han daudaun du’ut. Diabu sira husu ba Nia: “Ó duni sai ami karik, haruka ami tama ba fahi sira neba.” Nia dehan ba sira: “Tama ba!” Sira sai no tama ba fahi sira laran; sira ne’e haksoit housi rai tatinis ba tasi hodi mate hotu iha ué laran. Fahi atan sira halai ba cidade hodi buat hotu ne’e, no mos kona ba buat nebe mosu ba ema nebe iha diabo iha laran. Cidade tomak sai mai hasouru Jesus. Uainhira sira hare Nia, sira husu Nia atu husik sira nia rai.

Lia Maksoyn.

Leave a Reply

Your email address will not be published. Required fields are marked *