shadow
Diocese de Dili > NOTÍCIAS > LETURA DIÁRIA > Quinta Feira, XIII Semana Iha Tempo Comum

Quinta Feira, XIII Semana Iha Tempo Comum

Ano A

Primeira Leitura       Gn.2,1-19

Lia housi livro Génesis

Iha loron hirak neba, Maromak koko Abraão hodi dehan ba nia: “Abraão!” Nia hatan: “Ha’u mak ne’e.” Maromak dehan: “Lori ó oan Isaac, ó oan mane mesak, nebe ó hadomi tebes, ba iha rai Moriá. Iha neba ó sei óho hodi hasa’e nia iha foho nebe Ha’u sei hatudu ba ó.” Abraão hader iha dadersan nakukun, sela tiha kuda burru, lori ho nia atan na’in rua ho nia oan mane Isaac no ai-sunu ba sacrificio, hodi la’o ba fatin nebe Maromak hatudu ba nia. La’o tiha loron tolu, Abraão foti matan hare housi dook, fatin nebe Maromak hatudu. Nune’e, nia dehan ba atan sira: “Imi hela iha ne’e ho kuda-burru. Ha’u ho labarik oan sei ba harohan iha neba, hafoin ami sei fila hikas mai hamutuk ho imi.”  Abraão foti tiha iha ai-sunu sacrificio nian hodi tau iha nia oan Isaac nia kbas. Tuir mai, Abraão lori iha liman áhi no tudik, sira rua hahu la’o. Isaac dehan ba nia aman Abraão: “Ha’u aman.” Abraão hatan: “Ha’u mak ne’e, ha’u oan.” Isaac dehan teni: “Ita iha áhi no ai-sunu; maibé, bibi ba sacrificio iha nebe los?” Abraão hatan: “Ha’u oan, Maromak sei halo mosu bibi ba sacrificio.” Sira rua la’o hamutuk nafatin tuir dalan. Wainhira to’o fatin nebe Maromak hatudu, Abraão hari altar ida iha neba, tau ai-sunu iha leten. Kesi tiha nia oan mane Isaac, tau nia iha altar leten, housi ai-sunu leten. Hafoin, nia losu tudik atu óho nia oan. Maibé, Na’i Nia Anjo bolu housi lalehan:  “Abraão, Abraão!” Nia hatan: “Ha’u mak ne’e, Na’i.” Anjo dehan: “Keta tau liman ba labarik, keta halo buat aat ida ba nia. Oras ne’e Ha’u hatene ona katak ó hamta’uk Maromak, basá, ó la karak ó oan mane”. Abraão foti matan, hare iha nia kotuk bibi-maláe ida, dikur kesi hela iha ai-horis. Nia ba kori bibi ne’e hodi óho hasa’e iha nia oan mane nia fatin. Abraão hanaran fatin ne’e, nune’e: ‘Na’i haraik ba.” Ohin loron mos ema sei dehan: “Iha foho nebe Na’i haraik ba.” Na’i Nia Anjo bolu teni Abraão housi Lalehan, hodi dehan: “Ha’u jura hodi Ha’u naran rasik Na’i Futar Lia tan ó diak hanesan ne’e, la karak ó nia oan mane mesak, Ha’u sei haraik bensa ua’in ba ó. Ha’u sei halo ó nia oan nia bei-oan sira sai wa’in hanesan fitun sira iha Lalehan, hanesan rai-henek iha tasi ibun, ó nia bei-oan sira sei hadau funu-baluk sira nia cidade sira hotu. Tan ó halo tuir Ha’u lian, nasaun sira hotu rai klaran nian sei simu bensa.” Abraão fila hikas fali mai to’o nia atan sira. Sira la’o hamutuk ba Bersabé, iha fatin nebe nia horik ba.

Maromak Futar Lia.

 

Salmo Responsorial                                                                                        Sal. 34, 7-8. 10-11. 12-13

Refrão : Ha’u sei la’o nafatin iha Na’i Futar oin, iha ema moris sira rain! Repete-se

  1. Ha’u hadomi Na’i, tan Nia rona ha’u lian harohan; Nia see tilun mai ha’u iha loron be ha’u bolu Nia. Refrão
  2. Sira kesi metin ha’u ho tali mate nian; sira hamonu ha’u leten laran terus rate nian. Hare ba, ha’u laran susar no terus maka’as, Nune’e, ha’u bolu Na’i:  “Na’i, soi ba ha’u klamar.” Refrão
  3. Na’i mak los no laran maus, ita Maromak laran-luak tebes; Nia hatau ema haraik-an, wainhira ha’u biit laek, Na’i soi ha’u. Refrão
  4. Hasai ha’u klamar housi mate, ha’u matan housi mata uen no ha’u ain housi sidi, ha’u sei la’o iha Na’i futar oin, iha ema moris sira rain. Refrão

 

Aclamação

Refrão : Aleluia, Aleluia. Repete-se

                   Housi Cristo, Maromak badame malu ho ita;

                   Nia haruka ita hala’o knaar badame malu nian.  

 

Evangelho                                                                                                                               Mt.9,1-8

+  Na’i Jesus Cristo Nia Evangelho nu’udar S. Mateus haktuir

Iha tempo neba, Jesus sa’e tiha ro ida, hakur tasi hodi ba to’o ba ninia cidade. Sira hatudu ba Nia ema isin maten ida, toba hela iha toba hela iha toba fatin. Hare tiha sira nia fiar, Jesus dehan ba ema moras ne’e:  “Oan, barani ba, ó nia sala sira hetan ona perdua.”  Escriba balun dehan iha sira nia laran: “Ema ne’e hateten aat Maromak”.  Hatene tiha sira nia hanoin, Jesus dehan ba sira: “Tansa imi hanoin aat iha  imi nia laran? Ida nebe mak lalais liu atu dehan: ‘ Ó nia sala sira hetan tiha perdua,’ ka dehan ‘Ó hamriik, la’o ba’? Di’ak, atu imi hatene katak iha rai ne’e Oan Mane iha biit atu kasu sala,”  Nia dehan ba ema isin maten: “Hamriik ba, foti ó nia hadak, la’o ba ó nia uma.” Nia hamriik hodi la’o ba nia uma. Hare tiha ne’e, ema lubun ta’uk tebtebes hodi hasa’e gloria ba Maromak nebe fo biit ida hanesan ne’e ba ema sira. Sai tiha housi neba, Jesus hare ema ida naran Mateus, tur hela iha fatin kobra imposto nian hodi dehan ba nia:  “Tuir Ha’u mai!” Nia hamriik hodi tuir Jesus.

Lia Maksoyn.

Leave a Reply

Your email address will not be published. Required fields are marked *