shadow
Diocese de Dili > NOTÍCIAS > LETURA DIÁRIA > Sexta Feira, XIII Semana Iha Tempo Comum

Sexta Feira, XIII Semana Iha Tempo Comum

Ano A

 

Primeira Leitura                   Gn. 23,1-4,19;24,1-8, 62-67

Lia housi Livro Génesis : 

Sara moris to’o tinan atus ida ruanulu resin hitu. Ne’e mak Sara nia tinan be moris iha rai ne’e. Nia mate iha Quiriat-Arbá, iha Hébron, rai Canaã nian. Abraão ba to’o iha neba atu hakoi hodi tanis ba nia feen Sara. Tuir mai, nia hamrik, husik hela mate, ba ko’alia ho Hethia nia oan sira nune’e: “Ha’u ema mai housi rai seluk nebe horik iha imi leet. Imi fo imi nia rate iha imi nia rain ne’e ida mai ha’u, atu hakoi ha’u nia feen nia isin mate ba. Sira fo rate ida ba Abraão, nune’e, Abraão hakoi Sara nia isin mate iha ku’ak Makpela nian, iha Mambré nia oin, iha rai Hebron, Canaã nian. Abraão katuas tiha ona, iha tinan barak liu ona, maibé, iha buat hotu Na’i haraik bensa wa’in ba nia. Abraão hateten ba nia atan ida be hela kleur liu ona ho nia, nebe halo konta nia riku-soin iha nia uma laran, hodi dehan:  “Tau ó liman iha ha’u kidan. Ó sei jura hodi Na’i, Maromak Lalehan no Rai nian, atu la bele hili feen ida, housi Cananeu sira nia oan feto, iha nebe ha’u hela ba, ba ha’u nia oan mane Isaac. Ó sei hili feen ida ba ha’u nia oan Isaac, housi ha’u nia rain no housi ha’u nia familia.” Atan ne’e hatan ba Abraão, dehan:  “Karik feto ne’e lakohi mai ho ha’u iha rai ne’e. Nune’e, ha’u sei lori ó nia oan mane ba rai nebe houri uluk housi nebe imi mai?”  Abraão hatan hodi dehan ba nia:  Kuidadu, keta lori ha’u nia oan ba neba. Na’i, Maromak Lalehan nian, nebe hasai ha’u housi ha’u aman nia uman, housi rai nebe ha’u moris, ko’alia mai ha’u no halo juramento ne’e mai ha’u: ‘Ha’u sei fo nasaun ne’e, ba ó nia oan no bei-oan sira’.  Na’i ne’e sei haruka Nia Anjo ba uluk ó oin, atu ó fihir feen ida ba ha’u nia oan mane, housi ha’u nia familia no housi ha’u nia rain. Karik feto ne’e lakohi mai ho ó, ó sei la hola parte tan juramento nebe ó halo ho ha’u. Maibé, iha buat ruma ó sei lori ha’u nia oan mane ba rai neba.”  Isaac mai housi rai-fuik-maran housi wé-matan Laca-Roi, basá nia hela iha rai Negueb nian. Iha loro-kraik ida, Isaac sai ba passear, nia foti matan hare kuda camelo balun atu to’o daudaun mai. Nia prima Rebeca mos foti matan hate hetan ona Isaac. Nia tun tiha housi kuda camelo hodi husu ba atan nebe lori nia mai:  “Se mak mane neba, nebe halai daudaun mai hasoru ita?”  Atan ne’e hatan ba nia:  “Nia mak ha’u nia na’in”.  Rebeca kaer tiha iha véu taka metin nia an. Atan haktuir ba Isaac buat hotu nebe nia halo kona ba Rebeca. Isaac lori Rebeca tama iha nia inan Sara nia tenda. Tuir mai, Isaac simu Rebeca nu’udar nia káben hodi moris iha domin. Nune’e, housi nia inan nia mate nia hetan ksolok ba nia.

Maromak Futar Lia.

 

Salmo Responsorial:                                                                      Sal. 105 (106), 1-2,3-4a, 4b-5

Refrão : Hahi ba Na’i tan Nia diak, basá, Nia domin rohan laek. Repete-se

  1. Ema sê brani sura Na’i Nia hahalok sira hodi hasa’e gloria ba Nia? Refrão
  2. Rahun diak ba sira nebe halo tuir Na’i Nia lei hodi moris tuir justisa! Na’i, hanoin ha’u atan, iha oras Ita haraik tulun ba Ita povo. Refrão
  3. Hamatan mai ha’u ho Ita Maksoin, atu hatene sira be ita fihir nia rahun diak, bele hola parte iha Ita povo nia ksolok, no ha’u haksolok ho Ita riku-soin. Refrão

 

Aclamação

Refrão : Aleluia, Aleluia. Repete-se

Na’i lia tun dehan, mai hamutuk ho Ha’u imi sira nebe kole no imi sira be hanehan; Ha’u sei hasai tiha imi nia naha”. Refrão

 

Evangelho                                                                                                                           Mt. 9:9-13

+ Na’i Jesus Cristo Nia Evanghlo nu’udar  S. Mateus haktuir:

Iha tempo neba, uainhira Jesus liu daudaun, Nia hare ema ida naran Mateus, tur hela iha fatin kobra osan nian hodi dehan ba nia:  “Tuir Ha’u mai”.  Nia hamriik hodi tuir kedas Jesus.  Loron ida nebe Jesus tur hela iha mesa iha Mateus nia uma.  Ema publicano no ema maksalak sira barak mai tur iha mesa ho Jesus no nia escolante sira. Hare tiha ne’e, fariseu sira dehan ba escolante sira:  “Tan sa imi nia mestre han ho ema publicano no ema maksalak sira?”  Maibe, Jesus rona hela sira ko’alia, hodi hatan ba sira:  “La’os sira nebe isin di’ak mak buka doutor, maibe, sira be moras.  Imi ba buka hatene liafuan ne’e katak sa:  “Ha’u hakarak laran-luak, la’os sacrificio. Ha’u la mai atu bolu ema nebe los, maibe ema maksalak sira”.

Lia Maksoyn.

Leave a Reply

Your email address will not be published. Required fields are marked *