shadow
Diocese de Dili > NOTÍCIAS > LETURA DIÁRIA > Segunda Feira, XIV DOMINGO IHA TEMPO COMUM

Segunda Feira, XIV DOMINGO IHA TEMPO COMUM

ANO A

 

Primeira Leitura               Gn.28,10-22a

Lia housi livro Génesis  

Iha loron hirak neba, Jacob sai housi Bersabé hodi ba Harã. To’o tiha iha fatin ida, tan rai kalan ona, nia toba iha neba. Nia hasai fatuk ida iha fatin ne’e tau iha nia ulun atu toba ba. Iha kalan nia mehi, Escada boot ida hahu iha Rai to’o iha Lalehan. Housi escada ne’e Maromak Nia Anjo sira tun mai rai no sa’e ba Lalehan. Teki-tekil, Na’i mosu ba nia hamrik iha nia oin, dehan: “Ha’u mak Na’i, Abraão, ó nia aman nia Maromak no Isaac nia Maromak. Rai nebe ó toba ba, Ha’u sei haraik ba ó no ba ó nia oan no bei-oan sira, sira sei wa’in liu hanesan rai-rahun. Sira sei habelar ba Loro-Sae no Loro-Monu, ba Tasi-Feto no ba Tasi-Mane. Housi ó no ó  nia bei-oan sira, povo hotu-hotu iha mundu rai-klaran sei simu bensa. Ha’u hamutuk ho ó nafatin: Ha’u sei bali ó iha fatin hotu nebe ó hakarak ba, Ha’u sei lori ó fila hi’as mai iha rai ne’e, basá, Ha’u sei la husik ó mesak wainhira Ha’u laduak halo buat nebe Ha’u hakotu ona ba ó.” Jacob hader housi mehi dehan ba nia an rasik: “Tebes, Na’i iha duni fatin ne’e, maibé Ha’u la hatene.” Ho tauk teb-tebes, nia dehan: “Fatin ne’e, fatin hamta’uk nian! iha ne’e mak Maromak Nia Uma no odamatan Lalehan nian!” Jacob hader dadersan deit, kaer iha fatuk nebe nia hodi halo hanesan sumasu, hari tiha hanesan monument ida hodi fui tiha mina iha nia leten. Nia hanaran fatin ne’e Betel, maibé, naran houri uluk mak Luza. Nune’e, Jacob halo promessa ida ne’e: “Maromak hela ho ha’u karik, bali ha’u no soi ha’u tuir dalan, Nia fo aihan no fo hatais mai ha’u karik, no ha’u fila hi’as ba ha’u aman nia uma iha hakmatek, Na’i sei sai ha’u nia Maromak. Fatuk nebe ha’u hari hela,sei sai Maromak Nia Uma ida.”

Maromak Futar Lia.

 

Salmo Responsorial                                                                                       Sal. 90 (91), 1-4, 14-15ab

Refrão :  Na’i, ha’u Maromak, ha’u laran metin iha Ita Boot. Repete-se

  • Ó be horik iha Aas liu tomak nia mahan, Ó be hela iha Betel buat tomak nia lalatak, dehan ba Na’i: “Ita ha’u nia mahein no ha’u nia kota, Ha’u nia Maromak, ha’u fiar iha itaboot”. Refrão
  • Nia sei soi ó housi soro-na’in nia hani, housi terus aat liu, Taka metin ho Nia fulun, iha Nia liras okos ó sei hetan mahan. Refrão
  • “Tan ó laran metin iha Ha’u, Ha’u sei soi ó, Ha’u sei hatau ó tan ó hatene Ha’u naran. Uainhira ó bolu Ha’u, Ha’u sei hetan, Ha’u sei hamutuk ho ó iha laran susar”. Refrão

 

Aclamação

Refrão : Aleluia, Aleluia. Repete-se

                  Jesus Cristo, ita nia Maksoi, halakon mate;

                  Nia halo moris nabilan housi Evangelho. Refrão

 

Evangelho                                                                                                                           Mt.9,18-26

+ Na’i Jesus Cristo Nia Evangelho nu’udar S. Mateus haktuir

Iha tempo neba, wainhira Jesus ko’alia daudaun hela ba Nia escolante sira, na’i ulun ida hakbesik ba Nia hodi monu ain iha nia oin dehan:  “Ha’u nia oan feto foin mate; maibe Itaboot hiit An mai tau liman ba nia, nia sei moris.”  Jesus hamriik hodi la’o tuir nia hamutuk ho escolante sira. Iha oras neba, feto ida nebe ran suli sai tinan sanulu resin rua ona, hakbesik ba Nia housi kotuk hodi kona nia hatais ninin, basa nia dehan iha nia laran:  “Ha’u kona karik nia hatais, ha’u sei hetan isin di’ak,”  Fila tiha kotuk, Jesus hare nia hodi dehan:  “Ha’u nia oan, barani ba, ó nia fiar soi ona ó.”  Iha oras neba kedas, feto ne’e hetan fali isin di’ak.  Uainhira Nia to’o ba na’i ulun nia uma hodi hare ema huu flauta no ema barak seluk book an ba book an mai, Nia dehan:  “Imi sai tiha, labarik la mate; nia toba de’it.”  Sira hamnasa Nia Uainhira ema lubun sai ona, Nia tama ba laran, kaer labarik feto nia liman, no labarik feto ne’e hamriik. Liafuan kona ba buat ne’e naklekar iha rai tomak neba.

Lia Maksoyn.

Leave a Reply

Your email address will not be published. Required fields are marked *