shadow
Diocese de Dili > NOTÍCIAS > Notícias > Ha’u Mak Ne’e, Haruka Ha’u Ba (Is.6:8)

Ha’u Mak Ne’e, Haruka Ha’u Ba (Is.6:8)

ITE (09/07/2017. Ha’u Mak Ne’e, Haruka Ha’u Ba(Is.6:8), sai nu’udar lema ba Ordenação Sacerdotal Padre Fernando Tilman OFM Cap. Wainhira simu tiha Sacramento Iniciação,nebe sai hun vocação ba santidade no missão Evangelização iha mundo, sacramento rua seluk comfere liu ba missão particular iha Igreja no edificação povo Maromak nian. Sacramento rua ne’e hanesan; Ordem no Matrimónio. Iha biban ne’e ita hare Viagem Frei Fernando Tilman ba Ordem Presbiterado nian. Iha tinan 2006 Frei Damianus Fernando Tilman OFM Cap Hahú Postulantado durante tinan ida. Iha Tinan 2007; Noviciado no hala’o Pos Noviciado durante tinan ida. Estuda Filosofia durante tinan 4 iha Universidade Santo Yohanes Pemantar Siantar no durante tinan ida hala’o ano pastoral iha Paróquia São Fransisco de Assis. Tinan rua nia laran halao Curso Teologia. Depois de tinan rua continua kedas preparação Votus Perpétua, no remata iha votos perpétua hala’o nafatin Pastoral durante tinan rua, no remata iha Paróquia nafatin continua Teologia to’o remata iha tinkat 6 hodi halo preparação ba Diácono. Halao Pastoral Diácono nian durante fulan 6 nia laran no iha loron 3 fulan Maio 2017 ordena ba amululik iha Igreja Santa Maria Bunda para bangsa/gunung sitoli. Frei Damianus Fernando Tilman OFM Cap simu Ordenação housi Mgr. Ludovicus Silmanullang, OFM Cap.

Domingo foin lalais ne’e Pe. Fernando Tilman OFM hahú nia missa moruk iha Paróquia Santa Teresinha do Menino Jesus Bedois, Dili. Iha ninia homilia hateten: Reflexão Domingo XIV Tempo Comum nian, ha’u sente hanesan buat ruma lakon housi ha’u nia-an, ha’u  nia hanoin oinsa mak Na’i Jesus hakbi’it ha’u tuir Nia dalan. Buat ne’e hanesan mehi ida nebé liu housi processo naruk ida hodi buka tuir dalan ida ne’e no ikus ha’u hetan duni dalan ida nebé Na’i Maromnak hatudu. Liu housi Nia bolu ikus ha’u bele pronto hodi bele simu knar nebé Nia fó nu’udar amululik.

Pe. Fernando Tilman haklean tan katak: Ema nebé ho laran hodi tuir Nia dalan ho lolós, fácil hasouru buat barak iha nia moris. Na’i Maromak ne’e boot tebes, Nia laran diak Nia les ha’u nia fuan, hahalok no ha’u nia moris tomak no ikus ha’u bele hatan ba Na’i nia bolu: ”Ha’u Mak Ne’e, Haruka Ha’u Ba”. Bainhira ha’u halo reflexão iha momento retiro preparação ba Ordenação Sacerdotal, ha’u reflecte kona ba Profeta Isaias nebé rona Na’i Maromak nia Lian iha tempo neba; Sê mak atu Ha’u haruka no Sê mak hakarak ba tamba Ha’u! Tempo ida agora atu sai bibi atan fácil maibé, precisa fuan ho laran atu hili dalan ida ne’e. (Alin)

Leave a Reply

Your email address will not be published. Required fields are marked *