shadow
Diocese de Dili > NOTÍCIAS > Notícias > D. Norberto: Ita Ema Labele Sokar Tan Ponto Ida ba Plano Maromak Nian

D. Norberto: Ita Ema Labele Sokar Tan Ponto Ida ba Plano Maromak Nian

ITE DILI – 12/07/2017, Dom Norberto do Amaral, Bispo de Maliana kasu lia hirak ne’e, wainhira sai Orador iha Workshop Consultação Esbosu Política Nacional Planeamento Familiar Timor-Leste nebé realiza housi Ministério de Saúde iha Palácio da Cinzas Caicoli Dili. Dom Norberto do Amaral hateten: ko’alia kona ba Planeamento Familiar, ita ko’alia kona ba família ida. Ko’alia kona ba família ita ko’alia kona ba moris. Moris ne’e laos ita nian, laos ita mak halo, maibé moris mai housi Maromak. Ne’e duni Moris ne’e nudar Dom ida, presenta ida nebé Na’i Maromak fó ba ema ida-idak nia liman laran. Maromak mak hun no rohan ba Moris ida ne’e. Maromak fó ba ema ida-idak atu hamatan, valorija tuir Maromak nia hakarak.

Norberto esplica tan katak: Lia-fuan Planeamento Familiar ne’e mai ha’u ata principalmente mosu preocupação no perguntas; tamba sa ita tau família ne’e tuir plano ita ema nian, tau família ne’e tuir ita ema nia hakarak nebé hakarak hatama kanuru tohar iha Maromak nia sasan. Bispo dehan tan: Atu labele monu ba tentação ida ne’e, katak hatama ita nia matenek no foti-an iha buat nebé Maromak nian, ita ema tenki neon nain, hatur didiak ita nia hahalok no matenek kona ba sasán Maromak nian ne’e rasik, haktuir Bispo Maliana.

Mahein Maliana ne’e sublinha tan katak: Ita ema iha direito atu valorija moris ne’e sai diak, ksolok, harmonia, iha hakmatek nia laran. Maibé Valorija ida ne’e mak tenki tuir Maromak nia hakarak, laos tuir ita nia hakarak, lae ita foti an hasoru buat nebé Maromak nian tamba Maromak dehan “Ha’u mak moris”. Se Maromak mak moris, se mak ita ema atu foti liman hasoru fali Maromak, Cuidado didiak Maromak nia lia-fuan ida ne’e: “buat hotu-hotu sei liu maski Maromak nia lia-fuan ida kiik liu sei la hakat liu mais sei halo tuir lolos”. Buat sira ne’e sei halo tuir wainhira ita ema ida idak sei hasoru tribunal Maromak nian wainhira ida-idak mate.

Bispo hateten: Método Artificiais hotu-hotu ne’e ilícito katak la simu maibé simu de’it método Naturais. Método Naturais ne’e laos dehan katak Ovulução ka Vilus, atu hases-an housi buat nebé pior liu karik ba ema nia moris. Ema bele recorre ba razão Terapêutica, maibé tenki hatun iha conciência ema ida-idak nian nebe moralmente ema ne’e simu no labele impoint. Ne’e duni, ha’u lahatene tansa mak ita buka mete iha Maromak nia sasan ida ne’e! tamba ohin ita hatene katak Maromak sei husu conta ba maluk sira nia moris.

Leave a Reply

Your email address will not be published. Required fields are marked *