shadow
Diocese de Dili > NOTÍCIAS > Notícias > D. Virgilio : Funcionário ne’e Responsabilidade laos Privilêgio

D. Virgilio : Funcionário ne’e Responsabilidade laos Privilêgio

ITE DILI – (14/07/2017) D. Virgilio do Carmo da Silva hateten lia hirak ne’e wainhira preside missa agradecimento ba Funcionário Função Pública iha Sexta-Feira foin lalais ne’e iha Igreja Balide Dili. D. Virgilio hateten: Biblista balu dehan nnune’e; Primogênito uma responsabilidade não o privilégio. Wainhira Maromak bolu ita laos privilêgio maibe responsabilidade, nune’e mos ha’u bele dehan; Funcionário ne’e responsabilidade laos privilêgio. Iha Comissão Função Pública nia missão, visão no valor fo émfase ida maka’as tebes ba servisu ida alta qualidade. ida ne’e mak identidade los Timor oan nian sa tan sarani ida nian no ida ne’e laos inpossível wainhira ita ida-idak mak conciente duni katak ida ne’e hau nia responsabilidade laos prigilêgio, ida ne’e hau nia vocação no ida ne’e mak hau nia dalan ba santidade wainhira haka’as an atu la’o iha dalan nebe los. purificão iha motivação pessoal ida-idak nian necessário liu-liu housi celebração Eucaristia ida ne’e fornece aihan Espírito nian nebé bele capacita ema hotu hatene dedica-an no sacrifica-an ba ema barak nia diak.

Bispo salienta tan katak: Ita hare ituan ba Jesus nia tempo, ema Judeu sira halibur sira nia discípulo haleu sira, atu bele servi sira, maibé Jesus bolu discípulo sira ne’e ba missão ida, ba servisu ida atu servi. Jesus hatudu nia compaxão ba nia povo basá Nia hare laiha ema tau matan ba sira nem políticos nune’e mos autoridade religioso sira nian iha nia tempo basá tuir Jesus nia haré sira buka deit defende sira nia própori interesse, próprio vantágem, sira nia prospectiva carreira, buka mak sira nia privilêgio, buka de’it atu melhora sira nia própria vida hodi la hatudu quidado ba povo nebé hamlaha, povo nebé moras, povo nebé moris iha orpessão nune’e mos vítima ba situações oi-oin.

Bispo Dili dehan tan: Ita ema nia fraqueza ne’e se ita la fo atenção liu-liu iha Instituição sira nebé ita servi wainhira ita tau liu interesse pessoal iha interesse comum nia leten, mai ita Timor oan ne’e laos fácil, maibé iha ne’e mak exige ita nia profecionalismo no liu-liu nudar sarani. Ida ne’e mak funu ida iha nebé ema ida-idak tenki lor-loron halo ho nia-an rasik atu tau nafatin interesse povo no nação nian iha leten. Amo Papa iha nia vocabulário nia uja liafuan Periferia. Dala barak Pereferia ne’e sira nebé ita conhece, sira nebé laiha ligação directa e indirecta ho ita, wainhira sira ne’e hakbesik mai ita iha ita nia Instituição sira, ba ema hirak ne’e mak precisa duni apoio sira ho ética ida nebé diak. Keta haluha Jesus nia lia-fuan; “se o halo diak ba ema nebe sei halo diak ba ó, sa diak mak ó sei hetan.” Ema gentio sira mos halo hanesan ne’e. Vocação nudar servidor Povo no Nação ne’e nian hanesan Jesus bolu sira nain 12 atu sai nia escolante. Sarani sira hotu ho ita nia baptismo ita mos hetan chamada laos deit ba hirak nebé consagrado/a, nia bolu ita atu sai Maromak nia povo nia kabenain ka consagrado, matenek ka beik, forte e fraco ida-idak tenki inpenha nia-an atu hari Maromak nia reino. (Alin)

Leave a Reply

Your email address will not be published. Required fields are marked *