shadow
Diocese de Dili > NOTÍCIAS > LETURA DIÁRIA > Domingo XV Tempo Comum

Domingo XV Tempo Comum

Ano A

 

Primeira Leitura             Is. 55, 10-10

Lia housi Livro Profeita Isaias

Na’i ko’alia nune’e: “Udan no maha-wén, wainhira monu housi Lalehan mai, la fila hikas molok seidauk habokon rai; molok seidauk hafunan rai hodi fo fulin; fo fulin ba rai-na’in, fo hahan ba ida nebé han. Nune’e, lia fuan nebé sai housi Ha’u ibun la fila hikas molok seidauk halo diak, seidauk tuir Ha’u nia hakarak, molok seidauk halo tuir nia knar”.

Maromak Futar Lia

 

Salmo Responsorial                                                                                                                                  Sal. 64(65),10

Refrão : Fini monu ba rai di’ak Fo fuan barak. Repete-se

                 Na’i, ita haraik matan ba rai

                 habokon nia ho wé, hodi habokur nia.

                 Mota boot sira wé nakonu,

                 housi rai aihan tubun. Refrão

                

                  Na’i,  ita habokur rai,

                  Ita habokur nia wé dalan,

                  Ita habokur nia rai fila,

                  Ita haraik bensa ba fini. Refrão

 

Segunda Leitura                                                                                                                                         Rom. 8, 18-23

Lia housi São Paulo nia Surat ba Sarani Sira iha Roma

Maun alin sira: Ha’u hanoin katak terus iha ohin loron nian la hanesan ho di’ak nebé sei mosu iha ita leet. Tebes, criatura tomak hein ho laran loron nebé ema hotu sei mosu hanesan Maromak nia oan. Critura sira ne’e terus hela iha mundo nia kbiit, laós tuir sira nia hakaran, maibé, tan Maromak tau sira hanesan ne’e. Maibé, sira hein katak criatura tomak sei sai housi fatin aat nia kbiit, atu simu fali kbiit diak ida hanesan Maromak Oan. Ita hatene katak, to’o ohin, criatura tomak terus, terus hanesan feto atu tur-áhi. Laós criatura de’it: Ita hotu mos, nebé hahú simu ona Espírito Santo, ita terus  iha ita an rasik hodi hein atu sai oan fudin; hodi hein atu soy ita nia isin.

Maromak Futar Lia

 

Aclamação   

Refrão : Aleluia. Repete-se

                  Fini ne’e  Maromak nia lia fuan,

                  Cristo mak kuda hela;

                  ida nebé hetan Nia,

                  hetan moris rohan laek. Refrão

 

Evangelho (Forma breve)                                                                                                                                  Mt. 13, 1-23

Nai Jesus Cristo nia Evangelho nu’udar São Mateus haktuir

Iha tempo nebá, Jesus sai housi uma, hodi ba tur iha tasi ibun. Ema wain mai hale’u Nia, tan ne’e, Jesus sa’e ba tur tiha iha ró ida; ema sira ne’e hamriik hela iha tasi ibun. Jesus hateten lia wa’in hodi dadolin, dehan: “Ema ida ba kuda fini iha rai. Wainhira nia kuda, fini balu monu iha dalan ibun; manu sira haré, han tiha. Fini seluk monu iha fatuk laran, iha nebé la dun iha rai; moris duni, tan rai la dun barak. Maibé  loron manas halo mate tiha. Tan sira ábut la dun klean. Fini seluk monu iha aitarak laran; aitarak moris mai, halo mate tiha. Fini seluk fali, monu iha rai di’ak, hodi fo fulin: balu nafulin to’o atus, seluk to’o hitu nulu. Seluk fali to’o tolu nulu. Ema nebé iha tilun, rona mai.

Lia Maksoyn

Leave a Reply

Your email address will not be published. Required fields are marked *