shadow
Diocese de Dili > NOTÍCIAS > LETURA DIÁRIA > Segunda Feira, XV Semana do Tempo Comum

Segunda Feira, XV Semana do Tempo Comum

Ano A

 

Primeira Leitura         Ex. 1,8-14. 22

Lia housi livro Éxodo

Iha loron hirak neba, foti tiha iha Egipto liurai foun ida nebe la hatene José. Nia dehan ba nia povo:  “Imi hare ba, oinsa povo Israel sai boot no maka’as liu ita! Nune’e, hori ohin ba oin, ita ba buka dalan atu tahan sira nia moris atu la bele sai wa’in liu tan. Iha funu ruma mosu karik, sira bele libur hamutuk ho ita funu baluk sira hodi hafunu hasouru ita, no sira bele husik hela rai ne’e.”   Nune’e, hahu tau lia ba ulun sira serbisu nian atu obriga Israel oan sira halo serbisu todan. Nia haruka hari ba Faraó cidade Pitom no Ramsés, nu’udar cidade armazenagem nian maibé, maski sira halo serbisu todan, sira hetok sai wa’in no maka’as liu tan. Nune’e, ema Egipto sira lori sira halo serbisu mesak todan, halo sira nia moris terus wa’in: obriga sira ke’e tahu, halo tijolo, halo serbisu oi-oin iha natar eh to’os, no serbisu selu-seluk be todan tau ba sira leten. Faraó fo ordem ne’e ba nia povo tomak:  “Sóe tuir tiha ba mota Israel oan mane sira nebe moris, maibé, husik moris hela sira nia oan feto sira.”

Maromak Futar Lia.

 

Salmo Responsorial                                                                              Sal. 124, 13. 4-6, 7-8

Refrão :   Ita nia tulun iha Na’i Nia naran. Repete-se

  1. Na’i la hela hamutuk karik ho ita Israel dehan ba: Na’i la hela hamutuk karik ho ita, ema sira nebe hamrik hasoru ita, han moris deit ita ona, ha sira laran nakali hasouru ita. Refrão
  2. Nune’e, ita mout iha wé laran wé boot lori ita ba tasi, laloran boot baku ona ita leten. Rahun di’ak ba Na’i, nebe la husik ita nu’udar ai han ba sira nia nehan. Refrão
  3. Ita soi ita nia moris hanesan manu fuik soi an housi hani cacador nian, hani tohar tiha no ita soi an. Ita nia tulun iha Na’i nia naran, nebe hakiak lalehan no rai. Refrão

 

Aclamação

Refrão : Aleluia, Aleluia. Repete-se

                 Ksolok ba sira nebe ema duni tan hadomi justisa, basa reino lalehan sira nian. Refrão

 

Evangelho                                                                                                     Mt. 10, 34-42 – 11, 1

+   Na’i Jesus Cristo Nia Evangelho nu’udar S. Mateus haktuir

Iha tempo neba, Jesus hateten ba Nia Apóstolo sira: “Imi keta hanoin katak Ha’u lori dame mai iha Rai. Ha’u mai la lori dame, maibé, surik. Basá, Ha’u mai atu hakfahek imi: oan mane hasoru aman, oan feto hasoru inan, feto foun hasoru banin feto; ema nia família rasik sai nia funu baluk sira. Ema nebé hadomi nia aman eh nia inan liu fali Ha’u, nia laos Ha’u nian. Ema nebé hadomi nia oan mane eh nia oan feto liu fali Ha’u, nia laos Ha’u nian. Ida nebé la simu nia cruz hodi la’o tuir Ha’u, nia laos Ha’u nian. Ida nebé buka nia moris, nia sei lakon moris ne’e; ida nebé lakon nia moris tan Ha’u, nia sei hetan moris ne’e. Ema nebé simu imi, simu ida nebé haruka Ha’u mai. Ida nebé simu profeta ida tan nia profeta, nia sei simu kolen profeta nian; ema nebé simu ema diak ida, tan nia ema diak, nia sei simu kolen ema diak nian. Ida nebé fo hemu maski wé malirin kopo ida ba kiik oan sira ne’e ida, tan nia Ha’u Nia escolante, Ha’u dehan tebes ba imi: nia sei la lakon nia kolen.” Hanourin tiha Nia escolante na’in sanulu resin rua, Jesus sai housi neba, hodi ba hanorin no haklaken iha ema sira neba nia cidade.

Lia Maksoyn.

Leave a Reply

Your email address will not be published. Required fields are marked *