shadow
Diocese de Dili > NOTÍCIAS > LETURA DIÁRIA > Sexta Feira, XV Semana do Tempo Comum

Sexta Feira, XV Semana do Tempo Comum

Ano A

 

Primeira Leitura               Ex. 11, 10-12. 14

Lia housi livro Êxodo

Iha loron hirak neba, Moisés ho Aarão halo buat foun barak iha Faraó nia oin. Maibé Maromak hatos nia fuan hodi la husik Israel oan sira sai housi nia liman. Nune’e, Na’i dehan ba Moisés ho Aarão iha rai Egipto: “Fulan ida ne’e, sai ba imi, fulan ba dala uluk tinan ida nian: imi halo fulan ida ne’e, fulan ba dala uluk tinan ida ne’e nian. Imi fo hatene ba povo Israel, hodi dehan: Iha loron sanulu fulan ne’e nian, familia ida-idak buka bibi-maláe ida, uma ida bibi ida. Familia kiik karik, la bele han hotu bibi ida, sei libur-an hamutuk ho familia seluk nebe hela besik nia tuir numero ema nian. Imi sura kedas ema na’in hira mak bele han bibi ida. Sei hili bibi oan aman tinan ida nian, nebe la iha aat buat ida. Imi bele hili bibi maláe eh bibi timur. Imi sei hein to’o loron sanulu resin haat fulan ne’e nian; to’o loron ne’e, familia ida-idak sei óho oan ne’e iha loro-kraik ne’e kedas. Hasai nia ran wit-oan hodi taka odamatan uma nian nebe hodi han bibi ne’e. Bibi ne’e sei han hotu kedas iha kalan ne’e. Naan tunu deit, han ho du’ut moruk ho pão la tau fermento. Imi sei la han naan ne’e matak eh te’in ho wé, maibé tunu de’it iha áhi ho ulun, ain no baluk sira hotu. Imi la bele husik baluk ruma ba loron ában: baluk ruma hela karik sunu mutuk hotu kedas. Imi sei han nune’e: Kesi futu kabun iha knotak, tau sandalis iha ain no kaer ai-tonka iha liman. Imi sei han lalais, basá, ne’e Na’i Nia páscoa. Iha kalan ne’e kedas Ha’u sei liu iha rai tomak Egipto nian; Ha’u sei óho hotu ema Egipto nia oan mane kawa’ik sira, no balada oan aman kawa’ik sira. Ha’u sei fo kastigu ba Egipto sira nia Maromak, basá, Ha’u rasik mesak de’it mak Na’i. Ran nebe kose iha odamatan uma nian nebe imi hela ba, nu’udar sinal ida. Uainhira Ha’u hare hetan ran ne’e, Ha’u sei liu de’it, susar sei la kona imi be iha uma laran ne’e, wainhira Ha’u óho ema sira iha rai Egipto. Loron ne’e ba imi Loron boot, imi sei hanoin nafatin loron ne’e hodi celebra festa atu hahi Na’i.  Imi nia oan no bei-oan sira sei halo mos festa ne’e, nu’udar lei ba nafatin”.

Maromak Futar Lia.

 

Salmo Responsorial                                                                Sal. 116, 12-13. 15-18

Refrão : Ha’u sei foti Cálix maksoyn nian, hodi bolu Na’i Nia naran. Repete-se

  • Oinsa ha’u sei agradece Na’i, tan buat hotu nebe Nia halo mai ha’u? Ha’u sei foti cálice maskoin nian, hodi bolu Na’i Nia naran. Refrão
  • Na’i Nia futar oin, folin tebes duni Nia belun sira nia mate. Na’i, ha’u Ita atan, Ita atan feto oan, Ita silu tohar ha’u besi-dadur. Refrão
  • Ha’u sei hasa’e ba Ita sacrificio hahi nian, hodi bolu Ita naran. Ha’u sei halo tuir duni ha’u lia hakotu ba Na’i, iha povo hotu nia oin. Refrão

 

Aclamação

Refrão : Aleluia, Aleluia. Repete-se

                  Ha’u nia bibi sira rona Ha’u lian, Na’i lia tun;

                  Ha’u hatene sira, sira mai tuir Ha’u. Refrão

 

Evangelho                                                                                  Mt. 12, 1-8

+  Na’i Jesus Cristo Nia Evangelho  Nu’udar  São Mateus Haktuir

Iha tempo neba, Jesus liu housi to’os trigo nian iha loron sábado ida. Tan Nia escolante sira hamlaha, sira hahu ku’u trigo fulin hodi han daudaun. Fariseu sira hare buat ne’e, sira hateten ba Jesus:“Hare ba, Ita Nia escolante sira halo buat nebe bandu atu halo iha sábado”. Maibé, Jesus hatan ba sira: “Imi la lê buat nebe David halo, wainhira nia senti hamlaha, ho nia maluk sira seluk? Tama iha Na’i Maromak Nia uma, hasai hodi han pão sira iha santuário, nebe lulik be nia la bele han no nia maluk sira mos la bele han, selae, na’ilulik sira deit mak bele han. Imi la lê iha Na’i Nia Lei, nebe dehan iha Templo, na’ilulik sira bele serbisu iha sábado maibé, sira la sala? Ha’u dehan ba imi katak,iha ne’e iha Ida nebe boot liu Templo. Imi hatene karik buat ne’e katak sa: ‘Ha’u hakarak laran luak, lakohi sacrificio’, imi sei la fo sala ba ema nebe la sala. Basá, Mane Maksoin mak sábado nia Na’in”.

Lia Maksoyn.

Leave a Reply

Your email address will not be published. Required fields are marked *