shadow
Diocese de Dili > NOTÍCIAS > LETURA DIÁRIA > Sabádo, XV Semana do Tempo Comum

Sabádo, XV Semana do Tempo Comum

Ano A

 

Primeira Leitura                       Ex. 20, 1-17

Lia housi livro Êxodo

Iha loron hirak neba, Israel oan sira hahu sai housi Ramsés ba liu iha Sucot; Sura mane deit hetan rihun atus neen, la sura labarik oan sira. Sira sai ho sira riku soin wa’in: balada boot no kiik no bibi luhan ba luhan. Sira sai housi Egipto lori ho massa trigo nian, nebe sira tunu hodi halo pão ázimo, katak pão la tau fermento. Ema duni sai sira housi Egipto lalais deit, tan ne’e, sira la lori bukae atu han tuir dalan. Israel oan sira hela iha Egipto iha tinan atus haat tolunulu nia laran. Iha kedas tinan atus haat tolonulu ne’e nia rohan, iha loron ikus, mak Na’i Nia emar sira hotu sai housi rai Egipto. Kalan ne’e kalan vigília nian ba Na’i, wainhira Na’i halo Israel oan sira sai housi Egipto.  Kalan ne’e kalan vigília consagrada ba Na’i, be Israelita sira atu celebra nafatin housi otas ba otas.

Maromak Futar Lia.  

 

Salmo Responsorial.                                                                                     Sal. 18, 8-11

Refrão : Na’i,  Nia laran luak rohan laek. Repete-se

  • Agradece ba Na’i tan Nia diak, tan Nia laran luak rohan laek; La haluha ita iha tempo susar, tan Nia laran luak rohan laek; Soi ita housi ema sira be hanehan ita, tan Nia laran luak rohan laek. Refrão
  • Nia hakanek Egipto nia oan kawa’ik sira, tan Nia laran luak rohan laek; Hasai Israel housi sira leet, tan Nia laran luak rohan laek; Ho Nia liman nia biit no todan, tan Nia laran luak rohan laek. Refrão
  • Nia fahe tasi Mean ba rua, tan Nia laran luak rohan laek, Hodi halo Israel oan sira liu, tan Nia laran luak rohan laek; Hamou’ut Faraó ho nia soldadu sira iha tasi, tan Nia laran luak rohan laek. Refrão

 

Aclamação

Refrão : Aleluia, Aleluia. Repete-se

                  Housi Cristo, Maromak badame malu ho ita;

                  Nia haruka ita hala’o knaar hadame malu nian. Refrão

 

Evangelho                                                                                                               Mt.12,14-21

+  Na’i Jesus Cristo Nia Evangelho  Nu’udar  São Mateus Haktuir

Iha tempo neba, fariseu sira ba halibur malu hodi futu lia hasouru Jesus, atu óho Nia. Maibé, Jesus hatene ona sira nia hanoin, Nia sai tiha housi fatin neba. Ema barak tuir Nia, Nia fo isin diak ba sira hotu hodi bándu sira atu keta hateten sai ba ema seluk. Nune’e, atu cumpri lolos buat nebe profeta Isaias fo sai nanis hori uluk, nebe dehan: “Ne’e Ha’u Nia Atan, nebe Ha’u hili, Ha’u Nia doben nebe Ha’u hadomi tebes, ksolok Ha’u klamar nian. Ha’u sei hamahan Nia ho Ha’u Nia Espirito, atu Nia haklaken Ha’u Nia justisa ba mundu tomak. Nia sei la istori malu, sei la hakilar, ema ida sei la rona Nia lian iha basar. Nia sei la fera au nebe nakfera ona, sei la hamate lampu nia kábas nebe lakan súar, to’o Nia lori lialos ba vitória. Nasasun hotu iha mundu rai klaran sei hein ho laran tomak iha Nia naran”.

Lia Maksoyn.

Leave a Reply

Your email address will not be published. Required fields are marked *