shadow
Diocese de Dili > NOTÍCIAS > LETURA DIÁRIA > Quarta Feira, XVI Semana Tempo Comum

Quarta Feira, XVI Semana Tempo Comum

Ano A

 

Primeira Leitura                     Ex. 16 , 1-5, 9-15

Lia housi livro Êxodo

Israel oan sira sai housi Elim, hodi ba to’o iha rai fuik maran Sin nian, iha Elim no Sinai nia leet, iha loron sanulu resin lima, fulan ba dala rua, wainhira sira sai housi rai Egipto. Israel oan sira hotu hahu hamúun hasoru Moisés no Aarão iha rai fuik maran. Israel oan sira dehan ba sira na’in rua: “Ami mate tiha karik iha rai Egipto, iha Maromak Nia liman, kala diak liu; wainhira ami tur hein hela na’an iha sanan, wainhira ami sei han pão tuir ami nia hakaran!  Imi lori ami mai rai fuik maran ida ne’e atu halo povo ida ne’e mate hotu tan hamalaha”. Tan ne’e, Maromak lia tun ba Moisés: “Ha’u sei halo ai-han namkari tun housi lalehan mai ba imi. Povo sei sai ba hili ai-han ne’e, natón de’it ba loron ida-ida nian. Nune’e. Ha’u hakarak hare povo ne’e tuir eh la tuir la tuir Ha’u Nia lei. Ba loron neen, wainhira atu ba prepara buat nebe sira atu lori mai, sira hetan dala rua liu fali ida be bainbain sira hili loron-loron”.  Moisés dehan ba Aarão: “Fo hatene lia ne’e ba Israel oan sira hotu: Imi sei hatudu-an  Ba Na’i, basá, Na’i rona ona imi nia hamúun”. Wainhira Aarão ko’alia ba Israel oan sira, sira fila oin ba rai fuik maran, Na’i Nia glória mosu mai iha kalohan ida. Tuir mai, Na’i lia tun nune’e ba Moisés: “Ha’u rona Israel oan sira nia lian hamúun nian. Ó ba fo hatene ba sira: Ohin loro kraik imi sei han na’an, aban dader imi sei han pão to’o bosu. Nune’e, imi sei hatene katak Ha’u mak Na’i, imi nia Maromak. Iha loro kraik ne’e mosu duni kiukae barak teb-tebes, to’o taka metin sira nia ai-mahan. Iha fali dadersan, maha-wén lábis ida hadulas tiha sira nia ai-hun. Wainhira maha-wén ne’e maran tiha, mosu iha rai leten buat oak ida hanesan wé nia nafurin mak taka rai. Hare tiha ne’e, Israel oan sira husu ba malu: “Man-hu”?, katak, “Sá mak ne’e”? basá, sira la hatene sa mak buat ne’e. Moisés hateten ba sira: “Ne’e ai-han, nebe Maromak haraik ba imi atu han”.

Maromak Futar Lia.

 

Salmo Responsorial.                                                                                                                     Sal. 78, 18-19. 23-24. 25-26. 27-28

Refrão : Na’i haraik ai-han Lalehan nian ba sira. Repete-se

  •  Sira koko Maromak iha sira fuan, husu atu haraik ai-han furak ba sira. Sira ko’alia hasoru Na’i, sira nia Maromak : “Nia sei bele haraik ai-han mai ita iha rai fuik maran?” Refrão
  • Nia lia tun ba kalohan sira iha lalehan, iha leten aas ba, Nia loke odamatan lalehan; Nia hamonu maná hodi fo han sira, Nia haraik ai-han lalehan nian ba sira. Refrão
  • Ema han anjo sira nia ai-han, Maromak haraik ai-han wa’in ba nia. Halo anin huu housi Loro-Sa’e, hodi anin housi Tasi mane hatudu Nia kbiit. Refrão
  • Na’an monu iha rai hanesan rai rahun; manu sira wa’in tebes hanesan rai-henek tasi nian, sira tur iha ai-hun hanesan údan iha sira nia tenda sori-sorin. Refrão     

 

Evangelho                                                                                                                                                                      Mt.13,1-9

+  Na’i Jesus Cristo Nia Evangelho nu’udar S. Mateus haktuir

Iha loron neba, Jesus sai housi uma hodi ba tur iha tasi ibun. Ema lubun boot mai hale’u Nia, tan ne’e, Jesus sa’e ba tur tiha iha ró ida wainhira ema sira ne’e hamrik hela iha tasi íbun. Jesus hateten lia wa’in hodi dadolin, dehan:  “Ema ida ba kuda fini iha rai. Wainhira nia kuda, fini balu monu iha dalan ibun; manu sira mai hare, han tiha. Fini seluk monu iha fatuk laran, iha nebe la dun iha rai; moris duni, tan rai la dun barak. Maibé, Loro manas halo mate tiha, tan sira abut la dun klean. Fini seluk monu iha ai-tarak laran; ai-tarak moris mai, halo mate tiha. Fini seluk fali monu iha rai diak hahu fo fulin: balu nafulin to’o atus, seluk to’o hitu nulu, seluk fali to’o tolu nulu. Ema nebe iha tilun rona ba!”

Lia Maksoyn.

Leave a Reply

Your email address will not be published. Required fields are marked *